stakka fyrir 22 árum, 6 mánuðum Fjöldi lestra: 741

Þeir sem eiga götuna.

Hafið þið lent í jeppamönnum og jeppakonum sem finnast þau gjörsamlega eiga götuna.
Ég lenti í einum um daginn þar sem að hann tók frammúr mér á Vesturlandsvegi og ekkert meira með það.
Á nýju ljósunum, Vesturlandsvegur - Grafarvogur. Dálítið eftir þessi ljós fannst mér þeir fara hægt þannig að ég gaf í og tók frammúr honum og hann flautar, á ljósunum inná Suðurlandsveg liggur hann á flautunni. Ég var orðinn mjög pirraður og þið skuluð ekki taka mig til fyrirmyndar þannig að ég bíð eftir gulu beygjuljósi og gef í. Helvítið eltir og ég gef þá bara meira í og sting hann af. Lendi ég svo á ljósunum fyrir ofan Breiðholt og hann hrækir á hliðarrúðuna og svo eigum við smá samtal þar sem að hann segir að það sé eitthvað að mér og ég spyr hann hvort að hann sé eitthvað of góður maður til að taka frammúr og segji að hann sé nú ekki heldur of þroskaður þar sem að hann hrækti á gluggann hjá mér.

Ég hef oft lent í þessu að jeppamenn sem eiga veginn taka frammúr manni og það er allt gott en svo hægja þeir á sér, svo að hraðinn sem maður var að dúlla sér á er kominn niður fyrir 20 kílómetrahraða. Þannig að maður tekur frammúr til að halda sínum dútl hraða. Þá er undantekningarlaust. Gefa þeir í annaðhvort til að reyna að halda manni fyrir aftan eða reyna að taka frammúr aftur og hægja svo aftur á sér.

Ég hef oftar en einu sinni lent í því að jeppakonur og karlar. Séu síblaðrandi í síma (ekki með handfrjálsum) og tefi mikið fyrir manni og svíni fyrir mann. Þetta finnst mér óþolandi og mér finnst að fólk á svona stórum bílum læra það að þeir lúta sömu lögmálum og við hin og þetta er óafsakanleg hegðun.

Kull fyrir 22 árum, 6 mánuðum

Já, maður hef því miður lent í svipuðum atriðum. Ég myndi nú samt gera eitthvað meira en spjalla ef einhver myndi hrækja á rúðuna hjá mér!

Lenti einmitt fyrir aftan einn á stórum jeppa í gær og viti menn, hann var blaðrandi í símann og keyrði löturhægt. Síðan kemur að beygju til hægri og fer ég inn á akreinina og ætla að beygja til hægri. Þá allt í einu ákveður hann að beygja til hægri líka og svínar ágætlega fyrir mig. Ég gaf létt flaut og stakk hann síðan af eftir beygjuna.

Sumir virðast fyllast mikilmennskubrjálæði við það að keyra stóra bíla og hætta að taka tillit til neins. Til dæmis keyra bensínflutningabílar oft eins og brjálæðingar, allt of hratt og svína hægri vinstri. Það ætti að setja fólk í sálfræðipróf áður en því er leyft að keyra bíl með nokkur þúsund lítrum af eldsneyti.

Fyrra álit

jonkorn fyrir 22 árum, 6 mánuðum

Ég kannast við svona. Hef oft lent í svipuðum keisum en ekki lent í því að hrækt sé á bílinn minn. Ég mundi tjúllast. Ég lenti í því fyrr í sumar að ég var að keyra heim og þar var jeppi á 20 þar sem hámark er 50 svo ég tók framúr. Jeppinn elti mig heim (þetta var c.a 5 mín frá heimili mínu) og svo þegar ég kem heim þá stoppar jeppinn við beygjuna inn í götuna sem ég bý í. Ég spái ekkert meira í því fyrr en ég legg í stæðið fyrir utan, þá sé ég beint útá götu og þar er strætóskýli. Þar er kellingin í jeppanum, stopp við strætóskýlið, horfir á mig með símann á eyranu, GARGANDI eitthvað í símann. Ég labbaði bara inn og fór svo aftur út í bílskúr. Þá kemur jeppinn inn götuna og brunar að bílskúrnum hjá mér, stoppar, gefur aðeins í, snýr við, gefur meira í og brunar í burtu. Ég meina halló! Það virðist sem fólk á jeppum, sérstaklega breyttum jeppum (sem fara aldrei útfyrir malbik) haldi að göturnar séu þeirra. Þetta fer í mínar fínustu pirrur. Einnig tek ég eftir því dagsdaglega að jeppatöffararnir hægja á annarri umferð því þeir eru svo uppteknir við “mikilvægt símtal”, þeir eru hálfir yfir á næstu akrein, þeir svína á mann, þeir gefa í til að vera á undan mann ef maður vill komast framúr. Einnig finnst mér mjög pirrandi þegar jeppakallarnir eru með kastarana á og þeir lýsa BEINT í baksýnisspegilinn. Ég fór einu sinni út á ljósum og bað gaurinn á jeppa fyrir aftan mig að slökkva á þeim, ég fékk “Farðu bara í þinn Subaru og haltu áfram að ralla um göturnar. Ég er á leiðinni uppá fjöll!” Þetta var á Sæbrautinni við Honda umboðið á leiðinni vestur í bæ. Fjöll já, Arnarhóll? Þetta er ekkert annað en vanvirðing gagnvart öðrum ökumönnum. Auðvitað eru ekki allir jeppakallar og konur svona. Til er jeppafólk sem er tillitssamt og til er fólk á venjulegum bílum sem gerir svipaða hluti og fólk á jeppum. But what´s wrong with ppl?!

Þetta er undirskrift

Fyrra álit

stakka fyrir 22 árum, 6 mánuðum

Nákvæmlega!

Þetta er alveg rétt með að sumt fólk. En maður tekur ekkert eftir því maður tekur bara eftir því fólki sem svínar, flautar og glannar.

Endilega komið með fleiri sögur.

Fyrra álit

T23 fyrir 22 árum, 6 mánuðum

Jonkorn…. ég hef lent í því að jeppakarlar eru með svona stæla og sérstaklega pirrandi þegar þeir eru með kastarana á og keyra alveg ofan í rassgatinu á manni, ég meina hvað er meira pirrandi?? Ég mæli með því að maður hringi bara á lögregluna ef hún er eitthvað að elta mann og eitthvað og það yrði sérstaklega fyndið ef þú myndir hringja á lögregluna og þú myndir ná að láta jeppan elta þig þangað til að löggan myndi ná honum LOL það yrði bara fyndið……

Ég lenti einu sinni í því að það var maður sem að stoppaði jeppann sinn hliðin á kringlunni þar sem eru tvær akreinar ok ég var fyrir aftan hann og hann stoppaði ég ákvað að sveigja fram hjá honum og geri það… en viti menn þá var gaurinn að stoppa til að hleypa einhverri konu yfir götuna en það var ekki einu sinni gangbraut þarna….. hvað er það hættulegasta sem maður gerir í umferðinni?!?! Það er að stoppa til að hleypa fólki yfir götuna þar sem eru tvær akreinar og engin gangstétt.. Maður bara gerir það ekki….. og sérstaklega ekki á jeppa þar sem maður sér ekkert hvað er fyrir framan jeppan!! En allavega.. Gaurinn flippar og brunar á eftir mér og nær mér á einhverjum ljósum, hann stekkur brjálaður út úr bílnum og strunsar í átt að bílnum ég vissi ekkert hvað ég átti að gera þannig að ég læsti bara bílnum (hver veit hvað hann hefði gert??) Hann kemur að bílnum og reynir að opna hurðina en gat það ekki vegna þess að ég læsti henni áður en hann kom að mér. Þannig að hann bankar á gluggan hjá mér og ég renni niður rúðunni. Hann segir að ég sé tillitlaus bjálfi sem ætti ekki að vera með bílpróf og að ég eigi að stoppa þar sem eru gangstéttir. Ég öskraði á móti honum að það hefði ekki verið gangstétt þarna og það væri hann sem ætti ekki að vera með bílpróf og að hann hefði verið að stofna öðru fólki í hættur! Hann hoppaði bara uppi jeppann sinn og ég keyrði í burtu.

En þetta er ótrúlegt hvað fólk gerir í dag.

Fyrra álit

Refur98 fyrir 22 árum, 6 mánuðum

Vissu þið það ekki, Þegar maður kaupir jeppa fær maður vottorð sem segir að maður eigi götuna.

Ein sem ég þekki var að fá sér jeppa og hún sagði “það sem er best við að vera á jeppa er að maður þarf ekki að hugsa um aðra bíla.”
þetta lýsir akkurat jeppafólk.

Mig langar næstum því að gera akksjón á móti þessum fávita þjóðflokki. haga sér eins og þeir..

lifið heil

Að sigra heiminn er eins og að spila á spil

Fyrra álit

oskard fyrir 22 árum, 6 mánuðum

Banna jeppa innanbæjar, þessir bílar eru ætlaðir til að keyra annarsstaðar þannig að það ætti bara að halda þeim þar.

-Letingi er maður sem frestar því til morguns sem hann lét bíða þangað til í dag.

Fyrra álit

[Notanda eytt] fyrir 22 árum, 6 mánuðum

Það virðast allir eiga slæma sögu af umgengni við jeppafólk. Ég hef lent í því eins og flestir að það sé svínað á mig, talað í síma og keyrt of hægt og hvaðeins. En einu sinni þá var þetta allt toppað. Ég var að keyra Sæbrautina og það var stór Bronco II á vinstri akrein við Sprengisand, og allt í lagi með það (nema hann keyrði mjög hægt og átti náttúrulega að vera á hægri akrein) þannig að ég vippaði mér yfir og tók frammúr, ekkert mál og hélt mínum hraða 80-90 eins og flestir keyra á þarna. Það líða nokkrar sekúndur og gaurinn gefur í hreinlega límir sig svo rækilega aftan á bílinn hjá mér að ég sé ekki einu sinni númeraplötuna til að hringja á lögguna, svona gengur þetta fram að Honda umboðinu og hann lætur sig dragast aftur úr og gefur síðan í alveg upp að stuðara á mínum bíl og ég þori ekki að hægja eða gera neitt. Þegar komið er fram fyrir Honda umboðið, gefur kauði í og tekur frammúr og nauðhemlar svo beint fyrir framan mig!!!!!! ég rétt næ að forða árekstri og smeygja mér framhjá honum, á þessari stundu er ég orðin frekar skelkaður (svo ég tali nú ekki um konuna mína sem sat við hliðina á mér) við þetta atvik náði hún samt númerinu á bílnum. Ok, ég kemst framhjá og nú erum við að koma að Kassagerðinni og hann eltir og ég ákveð að púlla eitthvað stönt til að losna við mann helvítið. þegar hann er að koma upp að stuðaranum eina ferðina enn þá vippa ég bílnum yfir á vinstri akrein og nauðhemla, við það fór hann framúr og missti af beygjunni niður á sundlaugarveg sem ég tók. Hringdi í lögguna og svo veit ég ekkert hvort eitthvað gerðist. En þetta var mjög óþægileg reynsla og algjörlega tilefnislaust. Það er bara hrikalegt að hugsa til þess hvernig fólk situr undir stýri á stórhættulegum tækjum. Það má taka fram að þetta var klukkan 23.00 sirka á laugardagskvöldi. Ég hélt hreinlega að maðurinn ætlaði að drepa okkur (þeir voru tveir í bílnum).

Fyrra álit

[Notanda eytt] fyrir 22 árum, 6 mánuðum

Ertekki að stinga svona menn af á M5?

Ég er sammála því að sumir jeppamenn þurfi eitthvert mótefni við mikilmennskubrjálæðinu.
Samt er alveg óheyrilega skemmtilegt að taka framúr svona mönnum :)

Fyrra álit

[Notanda eytt] fyrir 22 árum, 6 mánuðum

Eflaust, en þarna var ég á Honda civic DX!!, hann var nú ekki til stórræðanna!

Fyrra álit

Mal3 fyrir 22 árum, 6 mánuðum

Ég vill nú svosem ekki ala á fordómum í garð fólks á ákveðnum bílum. En, ég tel mig taka eftir því að fólk á jeppum keyrir oftar eins og hálfvitar. Hluti af því er kannski þetta ameríska mentalitet sem segir “if you hit something while driving an SUV it stays hit”. Falleg hugsun.

Þú ert augljóslegra mikilvægari maður ef þú átt jeppa og við vitum öll að jeppar eru betri aksturstæki við allar aðstæður, ekki satt? Þetta er að mínu mati eitt versta tískufyrirbrigði sem til er að eiga risa breyttan jeppa og keyra hann svo bara innanbæjar. Sóun á eldsneyti að hreyfa 2 tonn (eða miklu meira, dísil Econoline er léttilega 3.5 tonn á 44“!), aukin hætta fyrir þá sem nota bíla hentuga til borgaraksturs (eða hreint alla aðra), auk þess að þessir bílar passa illa í stæði í miðborginni. Svo má ekki gleyma því að maður sér aldrei neitt með svona bíl á undan sér enda almennt hærri og oftast mun miklu breiðari en fólksbílar.

Allavega á ég eina sögu: Ég var að keyra í átt að Kópavogi eftir Reykjavíkurvegi og er að koma að Arnarnesbrúnni. Ég var á mínum litla blæjubíl (mjög fínn hálkubíll enda á einum bestu fáanlegu vetrardekkjum) að keyra í blindandi skafrenningi. Skyggni á köflum mátti mæla í metrum frekar en tugum metra. Ég held mig á mjög temmilegum hraða enda aðstæður ekki að bjóða upp á einu sinni nálægt 70km/h eins og er löglegt þarna. Kemur ekki einhver blússandi á Land Cruiser á 38” dekkjum og þýtur framúr mér. Hljómar ekki merkilega, en mér datt strax í hug hvort að maður sæi betur líka ef maður keyrir jeppa. Vissulega situr hann hærra, en ég tel að við þessar aðstæður hafi hann verið að keyra mjög glannalega. Ef þetta væri bara eina atvikið þar sem maður verður vitni að “Guð-bakvið-stýri-á-jeppa” heilkennunum…

Fyrra álit

[Notanda eytt] fyrir 22 árum, 6 mánuðum

Maður verður bara gáttaður á þessum sögum, maður er bara að sjá það að það er algengt að fólk sleppi sér í umferðinni, elti fólk heim, skyrpi á og gefi fokkmerki og hvaðeina. Ef maður hefði bara digital vél eða eitthvað og gæti svo sent á vinnustað viðkomandi, þá kannski færi þetta fólk að skammast sín. Ég hef fengið eitt og eitt fokkmerki líka og það yfirleitt fyrir að taka frammúr. Ég viðurkenni alveg að mér leiðist að hanga fyrir aftan einhvern sem er undir eðlilegum umferðarhraða, en ég svína aldrei (hefur kannski komið fyrir einu sinni eða tvisvar óvart, og þá er maður fljótur að vinka eða láta vita að maður viti upp á sig sökina)og þó svo maður taki frammúr og fari rösklega af stað á ljósum þá er maður ekki með neinn háksakstur eða stórsvig. Ég sé oft menn í stórsvigi á undan mér, það er eins og M5 kveiki dálítið í mönnum og þeir verða að stinga af, og yfirleitt þá bara fylgist maður með til að æsa menn ekki frekar upp og stofna öðru fólki hættu.
Toppurinn var eiginlega þegar ég fékk lánaða Imprezu turbo í tvo daga, þá var alveg ótrúlegt að rúnta, það vildi engin vera fyrir aftan þennan bíl (eins og það væri einhver skömm í því). Það voru allavega bílar að rbuna frammúr manni t.d. á leiðinni uppí Borgarnes á 100-110, það tóku hreinlega allir frammúr mér í!!!!!! Það var eins og menn æstust upp við að sjá lotfinntök og spoilera!

Fyrra álit

jonkorn fyrir 22 árum, 6 mánuðum

bebecar: þetta með Imprezuna er alveg satt. ég á Impreza GT og ég fæ ekki frið. Hef lent í alls kyns pakki. Hvort sem það sé á fólksbílum, jeppum mótorhjólum eða Go-pedum. Hvort sem það séu kúlistar á litlum sporturum með græjur uppá 200kg eða ofurtöffarar á stórum BMW. Meira að segja gamalt fólk á það til að gefa í hliðiná mér. Algengast er þó að fólk á fólksbílum þurfi að taka framúr, keyra upp að hliðinni á manni í öðrum gír þar sem maður er venjulega kominn í þann fjórða, standa hann svo flatann og ekkert gerist. Jú kannski einn auka meter framúr. Einnig hafa jeppakarlarnir verið að sýna sig soldið. Algengt á ljósum að þeir sem eru á Turbo dísel þeir byrja að þenja sig, svo kemur gult og það er gefið í. Svo að ég gef bara líka í. Á næstu ljósum horfa þeir á mig eins og ég sé einhver satanisti og viðbjóður. Eitt dæmi um þetta var þegar ég var nýbúinn að flengja einhvern á Patrol turbo typpalengju. Hann var svo fúll, með vini sína með sér í tröllinu. Hann gaf í upp að hliðinni á mér, skrúfaði niður rúðuna og gargaði ofan í topplúguna hjá mér “Þetta japanska drasl virkar ekkert!” Hann kannski fattaði ekki að hann er sjálfur á japönsku og hann var nýbúinn að láta flengja sig milli ljósa. ó well, skrítið fólk er til.

Þetta er undirskrift

Fyrra álit

[Notanda eytt] fyrir 22 árum, 6 mánuðum

Wahahaha, þetta er náttúrlega frábært með japanska draslið!!! Sælir eru fattlausir ef þeir fatta ekki hvað þeir eru vitlausir.
Ég er hinsvegar alltaf glaður ef einvher er til í létta spyrnu ef hann er á verðugum bíl! Ég skil bara ekki hvað fólk er að æsast upp á einhverjum pútum og rembast eins og með hraðlífi við að komast fram úr bíl sem það á ekki séns í! Skrítið.
“þetta japanska drasl virkar ekkert” þetta er náttúrlega ótrúleg setning maður, hlóstu ekki kátt bara?

Fyrra álit

Mal3 fyrir 22 árum, 6 mánuðum

Áttir bara að segja, “Við erum báðir á japönsku, þú ert á drasli og ég refsaði þér!” :)

Fyrra álit

Onoes fyrir 22 árum, 6 mánuðum

ó ég elska að þegar ég geri eitthvað sem fer í pirrurnar á fólki(ekkert endilega jeppafólki) ég t.d. keyri 40 þar sem er 50km hámarkshraði og einvher kemur allveg uppí rassgatið á mér, þá hægi ég rólega á niður í svona 10-20 og passa að hann komist ALLS ekki framúr….þannig hefni ég mín á fólki sem þykist eiga göturnar =)

__________________________________________________

Fyrra álit

TRJ fyrir 22 árum, 6 mánuðum

Ég er alveg hjartanlega sammála þessu með framkomu jeppaeigenda. Merkileg tilviljun að ég skrifaði aðeins um árekstrarprófanir þar sem að jeppar (pick-up reyndar) var látinn keyra á fólksbíl í gær. Þessa grein má finna á bilaspjall.is. Greinin heitir Jeppar dauðans.
Mér finnst það skelfileg tilhugsun að fólk sem keyrir svona bíla skuli ekki leiða hugann að því að þau (karlar og konur ;) eru talsvert líklegri en aðrir til að valda alvarlegum meiðslum jafnvel manntjóni en t.d. fólksbílaökumenn. Það er staðreynd að mjög fáir bílar á markaðnum í dag eru búnir öryggisbúnaði (Volvo ef til vill sá eini) sem gæti hugsanlega bjargað höfuðáverkum af völdum hliðaráreskturs við jeppa. En það bjargar þér náttúrulega ekkert ef jeppinn keyrir hreinlega ofan á þig… slíkt hefur gert á Íslandi. Væri æskilegt ef þetta jeppafólk myndi hugleiða afleiðingar þess sem það er að gera.

Með kveðju
Tryggvi

Fyrra álit

[Notanda eytt] fyrir 22 árum, 6 mánuðum

Sammála. Þetta jaðrar við banatilræði þegar fólk á jeppa ógnar manni með jeppanum!

Fyrra álit

Skarsnik fyrir 22 árum, 6 mánuðum

Kannast við þetta, hef lent í svona dæmi en ekki nærri því eins grófu :P
Einnig hata ég þegar þessir kallar leggja í 2-3 stæði, svo að engin reki hurðina utaní þá :P

Fyrra álit

v8man fyrir 22 árum, 6 mánuðum

reyndar ek ég stundum um á risa amerískum pikkara(97 dodge dakota sport) og það er hreynlega eins og að fljúga um götunar.. en ég tók eftir því um daginn þegar ég fór á littla misubitanum mínum og pabbi á eftir að Xenon ljósinn breytti baksýnisspeglinum mínum samstundis í diskó ljós sem var ekkert að fúnkera þarna.. en í sambandi við bíla sem espa fólk upp þá kannast ég við það þar sem ég á gamlan camaro… man eftir deginum sem ég fékk trans aminn minn og ég var að keyra á frekar beinum löngum vegi á góðri siglingu að það kom cherokee 4.0l og hann botnaði alveg og ég gaf aðeins í og hann var þarna eins og rjúpa að rembast við staur við hliðina á mér þangað til ég ýtti aðeiuns lengra niður þá þaut ég lengst í burtu og þegar ég stoppaði á bryggjuni þá sá ég skopparana á sjerrókíinum með svoleiðis morðglampann í augunum, en oftast þegar mar lendir í sona þá fær mar bara skemmtilegt bros til baka.. p.s sá bensínlausan mustang á hringtorgi í dag :)

Fyrra álit

Mal3 fyrir 22 árum, 6 mánuðum

Hvað er með svona heimskt fólk að espa upp fólk á bílum sem það ætti að fatta að það hefur ekkert í?

Fyrra álit

kvakkur fyrir 22 árum, 6 mánuðum

Ég hef nú lent í mörgu en eitt þykir mér minnistæðast!

Ég keyri Hondu Prelude og má hafa mig allan við að passa mig á frammúraksturssnillingum þjóðvegsins. Eitt sinn var ég að prufukeyra z28 og maður minn! Fyrstu einkennin tóku að birtast þegar ég stoppaði á fyrstu ljósunum(hjá nýherjahúsinu sæbraut) bíllinn fyrir aftan, fullur af unglingum, gerði ekki annað en að þenja sig! og þetta var skitin 1100 yaris í besta falli! Ég þandi smá á móti sem ég vildi að ég hefði ekki gert! Ég var eftir þetta hundeltur um alla borg af þessum fíflum og gerði ekki annað en að stinga þá af en hitta þá svo aftur á næstu ljósum. Á ljósunum hjá BSÍ keyrðu þeir svo aftan á mig(óvart?) og reyndu að sleppa. Til allrar hamingju var econoline löggubíll í þvögunni og náði drengjunum sem sátu allir hágrenjandi þegar ég kom til þeirra öskuillur! Þetta leiddi út í allskonar flækjur á milli mín, bílstjórans og bílasölunnar og endaði í óhag bílstjórans sem missti teinið og borgaði skemmdirnar á '97 camaro (dýrt!) og skaðabætur að auki! Hann veit hvar ég á heima og hefur reynt að brjótast inní bílinn minn einu sinni(held þetta hafi verið hann)! Svo eruði að kvarta undan jeppamönnunum! Ég held að unglingarnir séu vandamálið og þá helst þegar þeir eru á jeppanum með stóru vélina sem pabbi á!
Takktakk!

______________________________

Fyrra álit

krafli fyrir 22 árum, 6 mánuðum

Þið takið greinilega bara eftir hinum svörtu sauðum í umferðinni og skellið skuldini að sjálfsögðu á þá sem eru mest áberandi þ.e. jeppar persónulega hef ég ekki tekið eftir þessu hjá jeppamönnum heldur frekar töffurum með minnimáttarkennd á litlu japönsku VENTLAHRÚGUNUM sínum svo þessar sögur hérna af saklausu fórnarlömbunum í umferðinni það eru tvær hliðar á öllum málum.

p.s. ekki pirra fólk í umferðinni bara vegna þess að það er á fallegri bílum

Fyrra álit

[Notanda eytt] fyrir 22 árum, 6 mánuðum

Er þetta ökumaðurinn á Patrol jeppanum kannski?

Fyrra álit

TRJ fyrir 22 árum, 6 mánuðum

Það er hins vegar talsvert meiri ábyrgð að keyra stóran jeppa heldur en lítla “ventlahrúgu”. Ég persónulega hef engar áhyggjur af einhverjum hrísgrjónabrennara sem myndi fara inn í hliðina á mér en ef það er upphækkaður Patrol á 44" dekkjum þá held ég að fátt geti bjargað mér. Það er því ekki bara að þeir (jeppaökumenn) séu meira áberan heldur er eftirtektarvert að alvarlegustu slysin (t.d. núna um helgina) verða þegar fólksbíll og jeppi lenda saman.
Ég sé ekki nema eina hlið á málinu þegar einhver ofur-jeppinn er að svína á smábílana og ökumaðurinn (fullorðinn karlmaður í jakkafötum) er að tala í símann… þetta er þvímiður alltof algeng sjón!

Fyrra álit

[Notanda eytt] fyrir 22 árum, 3 mánuðum

DOWN WITH THE JEPPAFÓLK!!!
Svona í fullri alvöru þá ætti að banna alla jeppa á 36" og yfir innanbæjar. Allir þessir millar á stóru jeppunum og með bréf uppá að þeir eigi götuna geta þá bara fengið sér venjulega bíla til að keyra yfir að jeppunum þerra sem standa þá við bæjarmörkin.

Fyrra álit

Bílar

Bílar

Ofurhugar

Stjórnendur

Hverjir eru inni

Greinar

Þeir sem eiga götuna.

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi