Nógu oft hef ég útskýrt skoðun mína á BMW. Ef ykkur er ekki alveg sama um hver hún er skoðið þá bara eldri greinar og lesið “Þrír kóngar” eða hvað hún hét aftur… Þá vitiði af hverju ég kaupi ekki bimma þótt að þessir heppnu einstaklingar sem eiga M5 og 4 cyl M3 fá virðingu mína. 2002 ti var töff en þegar ég hugsa um klassíska sports-saloon bíla dettur mér alltaf í hug Lotus Cortina Twin Cam MkII. Sorrý, en ef ég þarf að velja á milli snilli Colins Chapmans og kallana í hvítu sloppunum í Bæjaralandi er það alltaf heilagur Chapman sem vinnur! Ég er líka hræddur við menn í hvítum sloppum :)

Að bera saman M3 og Boxster er að bera saman epli og appelsínur. Ég hef mjög gaman af því að gera það og geri oft. Við erum bílakallar og við pælum oft í bílum bara skv. verði en ekki eftir hvaða flokki þeir eru í. Tjah, ef sami peningur færir mér 30 hö. í viðbót væri ég þá ekki til í að sleppa aftursætum?

Í UK er grunnverð á Boxter S 38.150 pund. Áætlað verð á M3 er 38.500. Verður ekki tæpara. 219 bhp/ton fyrir M3 á móti 197 hjá porkernum. Enginn stórfelldur munur. BMW gefur M3 upp sem 5.2 í 100 á meðan Porsche (þekkt fyrir hógværð) gefur upp 5.9 í 0-60 mph. BMW hefur aftursæti á meðan Boxsterinn hefur blæju. Ég tek blæju anyday! BMW M3 er glæsilega “understated” sports-coupe á meðan Boxster er roadster á klassískan máta. Fyrir mig hefur Boxsterinn aftur vinninginn, mig langar í sportbíl! Hvað er eftir? Hvernig er að keyra gripina. M.v. það sem ég hef kynnt mér málið vinnur Boxster aftur. 3-0 í minni bók, ávísunin verður stíluð á Porsche. Hvað með þá sem velja Bimman? Flottur bíll, til hamingju! Ég vel Boxsterinn en ég fer ekki að dissa mann sem velur ÞENNAN BMW.

Nú vantar mig bara ca. 6 milljónir króna. Silfraður… spurningin er bara svart eða rautt leður?

Vantar 6 milljónir? Auka vinna, selja köttinn, borða núðlur og halda sig innanlands.. lifa eins og munkur í 3 ár. Safna 4-5, taka 1-2 í lán. gott plan? það finnst mér ;)

Hvort myndi ég taka m3 eða Boxter S?

Ég held ég myndi taka M3. Einfaldlega vegna þess að hann er mun praktískari en Boxterinn, en ekki mikið slakari sportbíll ef útí það er farið. Porsche hefur auðvitað ákveðinn sjarma, því er ekki að neita..

Heyrðu nú mig.. ég er aðeins farinn að efast, svona um leið og ég er að skrifa þetta :) Yrði svo mikið skemmtilegra að keyra Boxterinn að maður væri til í að láta auka plássið? Auðvitað býður það uppá töluverða skemmtun að hafa toppinn niðri en.. damn.

Ég yrði tvímælalaust að prófa báða bílana.

M3 virðist vera betri kostur í fyrstu, en Boxterinn kallar á mann “pick me! pick me!”

berum þá saman á blaði:

BS- 252hp/305nm
M3- 343hp/365nm

BS- 5.9sek/260km/h
M3- 5.2sek/250km/h

BS- 1300kg/1.94hp pr.100kg
M3- 1325kg/2.6hp pr.100kg

BS- MR layout
M3- FR layout

M3 hefur allar tölurnar með sér, það er engin spurning. En aðal spurningin er hver hefur skemmtilegra akstursgildi. Eru til EPR tölur fyrir þessa bíla? Þær myndu segja meira en hestafla og 0-100 tölur.

Mín final niðurstaða yrði aðeins tekin eftir ítarlegan reynsluakstur.
Svo skulum við vona að dagurinn sem ákvörðunin “m3 vs. boxter S” verður tekin, sé ekki of langt í burtu :)

ég myndi velja porsche án efa og ekki bara útaf því að ég fíla ekki bmw,
Porsche hafa bara einhvern sérstakan fíling og eftir að að fengið smá reynslu af einum þá efast ég aldrei um þessa bíla.
bíllin sem ég fékk reynslu af er porsche 928 s-4 89árg þetta er æðilsegt tæki 5.0l v8 320hö aktureiginleikanir geðveikir og þægindi.
Porsche eru þekktir fyrir hógværð og eru oft 0-100 tölur miðaðar við að hvaða api sme er komi bílnum í 100 á þessum tíma.
Bmw er hinsvegar þekktir fyrir að ýkja tölur og það er alls ekki alltaf sme bmw geta það sem þeir eiga að geta!