Ég held að þetta séu tveir ólíkir hlutir, aksturslag eldra fólks og ungra karla. Hinsvegar er nokkuð til í því að eldra fólk er þrátt fyrir reynslu ekki endilega hæfustu bílstjórarnir. Aksturslag þeirra hefur oft mjög truflandi áhrif á umferðina í kringum það.

Eftir 50 ár mun koma aftur nákvæmlega svona umtal en þá beinist það að þér líka. Allir vita að allflest eldra fólk hefur verri sjón, heyrn og viðbrögð en þeir yngri og keyra þessvegna hægar. “Hrukkudýrin” bölva örugglega alveg jafnmikið yfir aksturslagi unga fólksins eins og þú gerir yfir þeirra.

Þú spyrð hvað er hægt að gera? Sýna smá tillitssemi í umferðinni væri fínt. Ég tek oftast eftir því að flest gamla fólkið er að aka á löghraða meðan allir hinir aka svona 20km hraðar á klst. Kannski þessvegna sem þér finnst þeir gömlu aka svona hægt….?
Nema þú viljir kannski taka að þér að skutla liðinu þangað sem það ætlar og kenna því að keyra í leiðinni :)

Afsakaðu ef ég hljóma eitthvað kaldhæðin en það er bara STAÐREYND að yngstu ökumennirnir aka hættulegast og oftast lendir gamla fólkið í bílslysunum í stað þess að valda þeim.
refu

Mér finnst að fólk þyrfti að taka ökuprófið aftur þegar það er komið á vissan aldur. Maður sér t.d. oft gamalt fólk í hringtorgum sem veit ekkert hvað það á að gera. Einnig hafa umferðamerki breyst og margir vita ekkert hvað sum þýða.

Pabbi minn, sem er 75 ára var með mér í bíl um daginn. Ég keyrði mjög varlega til að stressa hann ekki, en samt lá við að blessaður karlinn væri kominn niður úr gólfinu farþegamegin, hann var alltaf að bremsa fyrir mig, byrjaði alltaf að ókyrrast og spyrna í gólfið löngu áður en við komum að ljósum eða beygju.
Þegar hann er að keyra sjálfur, er hann oftast mjög stressaður, hikandi við gatnamót og ljós og á það til að spæna af stað þegar hann sér að það er óhætt að fara af stað. Það má heldur ekki tala við hann á meðan hann er að keyra, hann truflast mjög auðveldlega.
Ég hélt að það væri í lögum að fólk eftir vissan aldur, sjötugt held ég, ætti að fara á upprifjunarnámskeið og endurnýja skírteinið sitt árlega eftir það, en sennilega er þetta vitleysa í mér.

þetta er náttúrulega ekki svona svart og hvítt eins og sumir halda fram.
Sumt eldra fólk er bara ekkert verra en við að keyra og á meðan það er ekki að keyra lengst vinstra megin á 20km undir hámarkshraða er mér sama. En eins og eitthver sagði að eftir 50 ár mundu ungu ökumennirnir tala svona um okkur, það held ég að standist ekki alveg. Jú sjáðu til, þegar eldra fólkið var að taka bílprófið þá voru kröfurnar miklu minni, það keyrði kannski með prófdómaranum frá bænum að þjóðveginum og síðan til baka. Ekkert mál, bara komin með skýrteni.
Það þurfti ekkert meira til, enda miklu minni umferð þá á dögum.
Mín ósk væri að allir þyrftu að fara í próf á 4 ára fresti og eftir 65 ára aldur á 2 ára fresti og eftir 75 á hverju ári.

Ég er sammála demonz.
Ég veit það að sumstaðar í bandaríkjunum sem maður tekur bílprófið á 5 ára fresti, þá verður maður að vera læra allar nýjar umferðarreglur, kemur í einhverskonar umferðarráð, borðar eitthvað um 15$ sem eru um 1000 - 1500 kr ísl. tekur skriflegt, svo fer bara einhver yfir það á skrifstofunni, svo er alltaf einhver ökudómari tilbúinn til að fara út með þér að keyra, og svo kemur bara í ljós kvort þú nærð eða ekki, ef ekki hefur þú einhver sjéns á að reyna vikuna eftir, veit samt ekki hvað maður fær marga sjénsa, enn svona dettur gammalt, og lélegir UNGIR ökumenn út, þetta er auðvitað alveg fáránlegt eins og það er hérna heima að maður fái ökuskírteinið fyrst í 2 ár og svo til 70 ára!!!! margir deyja áður enn þeir ná 70 ára aldri, hvað þá að fá einhverja sjúkdóma, og fólk heldur bara ökuskírteininu áfram - eitt orð - FÁRANLEGT!
Enn ég vil ekki segja að þótt fólk sé komið yfir 70 ára aldur sé orðið hættulegt í umferðinni, það er eins misjafnt og þeir ökumenn sem eru orðnir svo gamlir eru margir. Svo fynnst mér líka persónulega hámarkshraði vera of lítill, ég er með þá hugmynd að hækka NÁNAST (ekki alveg allstaðar) enn nánast allstaðar að hækka hámarkshraða allavega um 10 km/h ártúnsbrekkan 80 það væri fínn hraði - fólk keyrir þar að meðaltali á 90 (auðvitað keyrir full af fólki langt yfir 100) enn ég tel að það væri hægt að bæta umferð með þessu, hámarkshraði utanbæjar yrði 100 svo kannski allt í lagi að leyfa fólki að fara svona 5 km yfir það / 5 - 10 km/h yfir stopp og VIÐVÖRUN, enga sekt enn svo 10 km/h og yfir það háar sektir (burt með punktana), ég vil líka fá hraðbraut til keflavíkur! hámarkshraði um 130 km/h (jafnvel uppí 150) svo hægt væri að benda fólki á að keyra þar í stað þess að vera spæna í bænum! (ég veit að það væru mismunandi skoðanir á þessu) Enn eitt sem alveg hefur týnst í umræðunni, hámarkshraði er sá hraði sem mest má vera á við BESTU skilirði!!!!! þannig að við ættum að keyra á 65 km/h á miklubrautinni ef allt væri eðlilegt, enn mér fynnst að það ætti að hækka hámarkshraðann þar uppí 80 því þá gæti fólk keyrt þar á 75 - 85 sem ég tel flesta þykja góður hraði án þess að vera fá eitthvað bögg frá löggunni, ég tel að umferð myndi líka greiðast betur við svona hraða! Í íslenskum umferðalögum stendur að mestur hámarkshraði sem sýndur er á skiltum megi vera 90 km/h, löggan má þá setja hann uppí 100 km/h ef nauðsin krefur til að GREIÐA ÚR UMFERÐ!!! svo þarf líka að gera átak í því að þeir sem keyra hægar haldi sig eins og þeir geta á hægri akrein. Æ, ég nenni ekki að skrifa meira núna, læt kannski heira í mér seinna!

Fjörugar umræður..

Ég var rétt dauður um daginn, eða svo að segja. Ég var að lalla þetta á 40, 50 km hraða og kom að gatnamótum þar sem engin beygjuljós voru og einhver snillingur gerði sig kláran í að taka beygjuna sem og hann gerði. Nema hvað að ég var eiginlega kominn alveg að gatnamótunum og þurfti því að kitla bremsuna nokkuð duglega. Líklega voru þetta einu aðstæðurnar þar sem ég get þakkað ABS fyrir hvernig fór því það var alveg þurrt og hefði ABS ekki verið til staðar hefði hann skautað áfram.

Gerandinn var eldri maður ásamt konu sinni og líklega voru þau í sínum reglubundna sunnudagsbíltúr eða á heimleið úr Öskjuhlíðinni, hver veit? Sennilega hefur greyið kallinn einfaldlega ekki tekið eftir mér (eins og kemur fyrir bestu menn) enda var hann ekkert að flýta sér yfir og var auðsjáanlega nokkuð brugðið þegar ég lá á flautunni sótrauður í framan af bræði með upprétta löngutöng.

En þó fór ég að pæla eftir á, að ég hef sennilega oft verið í talsvert meiri hættu með félögum mínum sem margir hverjir eru þó prýðis ökumenn, ekki allir áhugamenn um akstursíþróttir en heldur engir ökuníðingar.

Einhvertíma sat ég í bíl með ágætis vini mínum, sem er þó ágætur fyrir aðrar sakir en ökuhæfileika, og hann var á þriggja strokka Suzuki Swift. Skelfingu lostinn, eins og túnfiskur í blikkdós, horfði ég uppá hann sveigja inná Kringlumýrarbrautina án þess að svo mikið sem horfa aftur fyrir sig (það vantaði spegilinn á Súkkuna). Þessi vinur minn var þó hvorki elliær, hár-, heyrnar- né tannlaus.

Ég man tildæmis líka eftir að ung stelpa á hvítri Vectru (kannist þið við einhverja?) hafi sveigt inná Reykjanesbrautina milli Reykjavíkur og Hafnarfjarðar á svo gott sem engum hraða þar sem umferðin var á um 80 til 100, enn og aftur var ég fenginn til að prófa bremsukerfi VW og enn og aftur stóðumst við raunina, Þjóðverjar eru greinilega ágætisfólk!

Boðskapur þessara dæmisagna er líklega sá að það fer ekki endilega eftir aldri fólks, né háralit, hvort það gerir mistök - það kemur fyrir alla, meiraðsegja mig :)

P.S. Þetta er líklega ekki alveg rétt hjá mér, ég held það ætti virkilega að endurskoða það hvort kvenfólk eigi yfir höfuð að fá að koma nálægt bílum, hvað þá að keyra þá!

Ég hef lent í 3 árekstrum og er búinn að vera með bílpróf í 3 ár! Fyrsti áreksturinn var við strætó! Ég var að keyra á Grensásvegi og var á ljósum að fara taka u-beygju. Ég sé strætó á hægri akrein með stefnuljós til hægri þannig að ég byrja að taka u-beygjuna nei nei kemur ekki strætó og keyrir á mig hann var enn með stefnuljósin á þegar hann keyrir á mig! þetta var gamall maður að keyra strætó! Ég var dæmdur í órétti þó að hann hefði viðurkennt að hafa verið með stefnuljós á! Þetta fannst mér óréttlát, það er eins og ef þú ert undir 21 þá ertu í órétti. Annar áreksturinn var rétt hjá grensásvegi þegar ég var á leið í vinnuna það var svona 22 strákur sem keyrði aftan á mig á sæmilegum hraða. Hann var eitthvað að fikta í útvarpinu. Þriðji áreksturinn var samt ekkert mikill allavega sást ekkert á mínum bíl, það var gamall maður á svona ´97 módel af skoda svínaði fyrir mig ég varð brjálaður. En svo sá ég að bíllinn minn skemmdist ekki neitt en stuðarinn hjá honum brotnaði. Ég hef ekki verið tekinn fyrir ofhraðann akstur enn einu sinni verið tekin mynd af mér fara yfir á rauðu ljósi það var vegna þess að sólin blindaði mig og ég sá ekki að það væri komið rautt ljós. Enn ok ég er búinn að keyra bíl sem ég er búinn að eiga í 2 ár 43.000 km! það er þó nokkuð!

Kveðja
Ray Franco

Ég þoli ekki að vera fastur bakvið einhverja kerlingu sem er á 40 þegar ég vil vera á 90 og það er of hættulegt að taka frammúr.
Það á að sekta fólk stigvaxandi þegar það er komið 20 undir ámarkshraðann.
Svei mer þá