Bóksalan getur sagt manni nokkurn vegin hvað bókin kemur til með að kosta þegar hún kemur hingað til landsins. En eins og þið vitið er gengið alltaf að breytast og þess vegna getur munað einhverju í verði þegar bókin er komin hingað.
Það er ódýrara að panta bækur frá amazon.co.uk sem seljast í miklu upplagi. Þar eru oft tilboð á vinsælum bókum. Ef þið hafið áhuga á að panta bækur sem eru ekki í þeim flokki (t.d. bækur sem tengjast námi eða bækur sem eru ekki nýútkomnar) eru þær oft ódýrari hjá Bóksölunni. Bóksalan pantar bækur frá útgefanda en ekki öðrum bókabúðum og þess vegna er verðið ekki það sama og á amazon.