Reaper Man eftir T. Pratchett. Byrjar vel, vefur saman húmor og heimspeki auk fantasíu á góðan hátt.

Safn allra Hitchhiker's Guide bókanna saman í einni :D

Þær eru frábærar! Myndin, sem þó er (réttilega) sög góð, er ekki nema skugginn af bókunum. Húmorinn er yndislega lúðalegur og sífellt eru spunnar upp nýjar og nýjar sögur í kring um hvert smáatriði.

kláraði eina fyrir nokkrum vikum, heitir heimskir hvítir kallar og mér fannst hún virkilega góð ! endilega tjékkaðu á henni :)

Ég er nýbúin að klára Veronika Decides to Die eftir Paulo Coelho og Harry Potter og Fönixreglan. Er að baslast við að klára Friðþæging (eða Atonement) eftir Ian McEwan, er bara alls ekki að fíla að lesa hana á íslensku held ég.

Kláraði pygmy eftir chuck palahniuk fyrir svona tveimur dögum. Ég veit ekki alveg hvað mér finnst. Sagan er sögð frá sjónarhorni útsendara einhvers þriðja heims commienazi ríkis og því er bókin öll skrifuð á mjög svo fatlaðri ensku. Það á það til að vera fyndið en það er aðallega bara pirrandi. Ég hugsa að myndin yrði betri en bókin. Þ.e.a.s. ef kvikmyndagerðamenn gætu fundið leið til að gera blóðuga nauðgun 13 ára stráks fyndna.
Var annars að byrja á 100 ára einsemd eftir gabríel Garcia Marques. Sem þýðir að ég er aðeins tveimur bókum frá því að breytast í móður mína.

Er að lesa Hogfather eftir Pratchett núna, hún er ágæt þó það hefði kannski verið betra að lesa hana um jólin :)

Er að lesa Harry Potter and the Prizoner of Azkaban í hundraðasta skiptið í augnablikinu, en næst á listanum er Predikarinn eftir Camillu Läckberg :)

Datt í Pride and Prejudice núna um daginn eftir að hafa klárað the Hobbit. Gengur hægt en mér líka ágætlega svona fyrstu síðurnar…

Eins og ég ef skrifað annars staðar þá er ég að lesa þessar:

Das Buch der Tugenden - Ulrich Wickert
Samansafn ummæla mikils metinna manna um dyggðir. Sumt er uppfyllt glimrandi innsýnum, sumt er skvapkennd hugsanamóða. Aristóteles er náttúrulega bara vitleysingur.

The Faber Book of Science
Önnur safnbók, þessi er safn brota úr vísindatengdum verkum, svosem ritum Galíleó, Darwin, lýsingum á tilraunum Enrico Fermi til kjarnaklofnings og þvíumlíkt. Mögnuð bók, frábært safn.

The Demon-Haunted World - Carl Sagan
Carl Sagan að kvarta yfir hve margir trúa á fljúgandi furðuhluti. Skemmtilegt að heyra lýsingarnar hans stundum og hann hefur áhugaverðar innsýnir, en í heildina takmarkaðri bók en ég hafði vonast eftir.

The Extended Phenotype - Richard Dawkins
Ég las The Selfish Gene og hef víða séð Dawkins mæla með þessari. Ég er enn í fyrstu köflunum sem rifja upp TSG svo ég get fátt sagt um hana.

My Man Jeeves - P.G. Wodehouse
Wodehouse á það sameiginlegt með Douglas Adams að allt sem hann skrifar verður að gulli. Þessi bók er safn smásagna sem sumar fjalla, augljóslega, um ævintýri Bertie Wooster og Jeeves, þótt aðrar persónur með grunsamlega lík einkenni en önnur nöfn séu viðfangsefni hinna.

The Rough Guide to Climate Change - Robert Henson
Ég vonaðist til að finna yfirlitsbók um þetta viðfangsefni og þessi stendur alveg undir nafni. Hún er blessunarlega laus við fárkenndar handaveifur en vísar ríkulega í rannsóknir sem maður getur leitað uppi. Tilvísanirnar eru reyndar mjög óbeinar og gefa yfirleitt bara upp höfunda og ártal skýrsla og rannsókna. Mér hefði þótt betra að fá alvöru heimildaskrá, en þannig er það bara. Ágætis bók, samt.