Nei, ég get ekki séð að þú sért að segja að Anna Frank hafi ekki verið til, því þó þú efist um að hún sé að öllu leiti höfundur dagbókanna ..þá er ekki þar með sagt að þú sért að segja að stúlkan Anna Frank hafi aldrei verið til :)

Jájá það má vel vera að faðir hennar hafi ritskoðað dagbækurnar, fellt úr og breytt, en til að þess að hann hafi getað gert það þutfti hann væntanlega að HAFA EITTHVAÐ til að ritskoða og breyta, og ég verð nú að segja að mér finnst það heldur ósennilegt ef maðurinn hefur t.d. skáldað (já ég veit ÞÚ sagðir það ekki) upp dagbók og eignað hana dóttur sinni, voðalega hefur hann þá sett sig vel inní gelgjuhugsunarhátt 14 ára stelpu t.d. þegar hún gagnrýnir mömmu sína sem auðvitað skilur hana ekki og blabla.
Og svo er spurning, hvers vegna skrifaði maðurinn ekki bara dagbók eða æviminningar sjálfs síns, hann var nú í felum á sama stað, og hefði meira að segja getað bætt við hryllingsfrásögnum úr fangabúðunum, lýst sorg sinni við að missa fjölskyldu sína o.s.frv.

Annars er það ekkert nýtt að höfundarverkum sé breytt og eða þau ritskoðuð, en til þess að þau teljist ekki lengur höfundarverk þess sem skráður er fyrir þeim þurfa breytingarnar að vera ansi miklar, því höfundaréttur getur líka náð yfir t.d. söguþráð eða hugmynd að verki.

En ég er sammála því að taka verður það með í reikninginn ef verkinu hefur verið breytt eða það ritskoðað. En þó er varla hægt að tala um dagbók Önnu Frank sem heimild um mikið annað en upplifanir 14 ára stelpu á því hvernig er að vera lokaður inni í tvö ár í felum fyrir nasistum.