Það er erfitt að segja til um hvað veldur straumleysinu. Eini gallinn sem ég veit um í þessum hleðslutækjum er sá að ef að tölvan er í sambandi og innstungan er þannig staðsett að snúran beygist alveg við aflinntakið á tölvunni, þá geta vírar farið að trosna og hleðslutækið hætt að virka.

Það gæti líka verið að það hafi komið upp svona “spike” (skyndileg ofhleðsla rafmagns) í rafmagnið sem liggur í hleðslutækið, það gæti þá hafa laskað það eða skemmt (en tölvan bjargast því hleðslutækið tekur svona lagað í sig).

Svo er spurning hvort hleðslutækið hafi orðið fyrir einhverju hnjaski eins og að detta harkalega í gólfið eða fá eitthvað jukk yfir sig.

loks getur verið það sé eitthvað að strauminntakinu á tölvunni sjálfri, lítill hlutur fastur inni, eitthvað gums búið að sullast þangað…

Bottom line er samt að ef að hleðslutækið er bilað, þá er lítið hægt að gera en að kaupa annað (kostar minnir mig eitthvað rétt yfir 10.000 kallinn). Ég mæli alla vega eindregið á móti því að fólk sé að opna og fikta við hleðslutækin sín því það gæti rústað tölvunum og jafnvel skapað eldhættu.

Mitt hleðslutæki hætti að virka og ég fór í apple og fékk nýtt allveg frítt, þannig að ef að þú ert ennþá með ábirgð á tölvunnu myndi ég kíkja í Apple.