TyrannosaurusKex fyrir 16 árum, 2 mánuðum Fjöldi lestra: 1775

Fyrripartur nr. 9

Nú væri gaman að fá einhvern botn í þetta frá sniðugu fólki.

Veturinn er vinur minn
veð ég kátur skafla.

Veturinn er vinur minn
veð ég kátur skafla
nánast upp að nafla!
Naumast kemst ég aftur inn.

Glæsilegt framtak hjá nýjum stjórnanda - það var svo sannarlega kominn tími á nýjan fyrripart.

Gaman gaman!

Fyrra álit

TyrannosaurusKex fyrir 16 árum, 2 mánuðum

Inn ég kemst þó, ligga lá
læðist um mig hitinn.
Býsn af kuli bitinn
bjór ég opna glaður þá!

Fyrra álit

steindor fyrir 16 árum, 2 mánuðum

Nú ljóma ég lífsins nýt
því ljúf ég áhrif kenni.
Þótt ölið barkann brenni,
ég bjórinn annan opna hlýt.

Bætt við 4. mars 2008 - 02:16
Skjótum litlu “og” inn á eftir “ég” í fyrstu hendingu.

Fyrra álit

[Notanda eytt] fyrir 16 árum

Veturinn er vinur minn
veð ég kátur skafla
Brýst ég út í blindbylinn
Bilaður á kafla

Fyrra álit

[Notanda eytt] fyrir 16 árum, 2 mánuðum

Veturinn er vinur minn
veð ég kátur skafla.
köld og rjóð í minni kinn
ég í snjónum krafla.

Fyrra álit

TyrannosaurusKex fyrir 16 árum, 2 mánuðum

Krafla ég nú kver á blað
krota einhvern fjandann.
Hér á þessum “Huga” stað
hef ég dregið andann.

Fyrra álit

[Notanda eytt] fyrir 16 árum, 2 mánuðum

Veturinn er vinur minn
veð ég kátur skafla.
Vinur minn er veturinn,
verð að lesa kafla..

..í bókinni minni.

Fyrra álit

TyrannosaurusKex fyrir 16 árum, 2 mánuðum

Kafla hefur klárað nú
kannski heila bók.
Bara jafnvel bindin þrjú
brostu, drekktu kók.

Afsakið bullið í mér.

Fyrra álit

[Notanda eytt] fyrir 16 árum, 2 mánuðum

Kók er fullt af sykri og sýru
svei þér, ef þú drekkur kók.
Það eyðileggur lifur, nýru,
lestu frekar kafla í bók.

Fyrra álit

steindor fyrir 16 árum, 2 mánuðum

Veturinn er vinur minn
veð ég kátur skafla.
Stöku sinn mér kapp í kinn
klakans dísir afla.

Fyrra álit

TyrannosaurusKex fyrir 16 árum, 2 mánuðum

Afla dregur upp úr sjó,
Óðins viskuhafi.
Bestu kvæðin Bragi dró
brúkandi ljóðstafi.

Fyrra álit

steindor fyrir 16 árum, 2 mánuðum

Bragi kvæðin brattur dró
úr björtu ljóðahafi.
Um bestu kvæðin þuldi hann þó:
Þau eru enn í kafi.

Fyrra álit

TyrannosaurusKex fyrir 16 árum, 2 mánuðum

Veturinn er vinur minn
veð ég kátur skafla.
Lítið truflar kuldinn kinn
kuskið fyllir nafla.

Fyrra álit

steindor fyrir 16 árum, 2 mánuðum

Stormur geisar hvar og hér,
hreyfir vetrarstrenginn.
Naflakuskið kulda ver
svo klaki myndast enginn.

Fyrra álit

silent1 fyrir 16 árum

Veturinn er vinur minn
veð ég kátur skafla.
Labba ég í bæinn inn,
og pota í minn nafla.

haha ekki mikið sem rímar við skafla

Fyrra álit

steindor fyrir 14 árum, 2 mánuðum

Jújú, t.d. afla, babla, gafla, kafla, krafla, nafla, stafla, tafla …

Bætt við 27. febrúar 2010 - 14:00
islenska.org/rima

Fyrra álit

Ljóð

Ljóð

Ofurhugar

Stjórnendur

Hverjir eru inni

Pistlar - Botnaðu nú.

Fyrripartur nr. 9

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi