Ég fór í eftirmynnilega ferð þangað síðasta sumar, það er engin hraðbraut þvert gegnum landið, bara malarvegur uppað jökli. Annars væri gaman að fá almennilegann veg suður frá Akureyri beint inná suðurlandið…

Það versta sem gæti nokkurntímann gerst fyrir þetta frábæra land eru svona náttúruspillandi framkvæmdir. Ég er ennþá svo ótrúlega reiður útaf Kárahnjúkum og ef að framkvæmd eins og þetta sem mundi örugglega þýða borun í náttúruna og mengun útá landi mundi koma í mál myndi ég brjálast.

Ég var ekki svona fastur við mál mitt fyrir eins og 3 árum en það var vegna þess að þá hafði ég ekki búið í útlöndum. Núna þegar ég bý í Svíþjóð skil ég bara hversu heppin við erum með Ísland eis og það er!!
Hérna er engin náttúra eftir því það eru vegir útum allt.
Þegar ég var á Íslandi í fyrrasumar fór ég útá hálendið og klifraði uppá fjall.
Ég segi til allra að þið verðið að gera þetta.
Ég hef aldrei í lífinu fundið svona ferskt loft eins og þarna uppá fjalli á miðju hálendinu. Það er nóg af gösum og hættulegum efnum sem eiða ósonlaginu og eru vond fyrir gróðurhúsaáhrifin í þessum heimi og það þarf virkilega ekki að koma þeim á hálendi Íslands sem er einn af fáum stöðum þar sem maður getur andað inn gott loft!!

Kv. StingerS

uh nei það er ekki verið að byggja neina hraðbraut í gegnum hálendið.. pabbi vinar þíns er snargeðveikur :P

haha! þetta hlýtur að vera djók… hálendi íslands er einskona þjóðgarður og það mun enginn leyfa sér að leggja hraðbraut í gegnum hana! Í öðrulagi þá er ísland jarðskjálftasvæði og jarðskjálftarnir eiga upptök sín þar sem þessi margfræga sprunga er.. og hún liggur BEINT í gegnum ísland… stupidos

Hraðbraut í gegnum landið væri næstum heimskulegra en göng til Vestmanneyja. Ef þau verða að veruleika ætla ég að finna út þá flokka sem samþykkja það og styðja það og ALDREI kjósa þá svo lengi sem ég lifi.

Eftirfarandi er tekið af mbl.is


Hlutafélagið Norðurvegur ehf. var stofnað á Akureyri í dag en tilgangur félagsins er að vinna að því að lagður verði vegur úr Skagafirði um Stórasand, Arnarvatnsheiði og Kaldadal sem stytti umrædda leið um 81 kílómetra. Hlutafé er 11 milljónir króna og hefur stjórn heimild til að hækka það í 15 milljónir. Fram kom að kostnaður við slíkan veg gæti verið 4,4-6,8 milljarðar króna, en ef miðað væri við að 700 bílum yrði ekið eftir veginum daglega gæti stytting leiðarinnar sparað vel á annan milljarð króna á ári.
Fréttamynd 185116

Á kortinu sést hvar gert er ráð fyrir að Norðurvegur muni liggja.
mbl.is/GÓI

Stofnendur félagsins eru KEA sem leggur fram 5 milljónir, Akureyrarbær, 3 milljónir; Hagar, 2 milljónir; Kjarnafæði, hálfa milljón; Gúmmívinnslan, 200 þúsund, og Brauðgerð Kr. Jónssonar, Norðlenska matborðið og Trésmiðjan Börkur með 100 þúsund krónur en að auki hefur Norðurmjólk ákveðið að taka þátt í stofnun félagsins þannig að hluthafar eru þegar orðnir 9 talsins. Í stjórn félagsins voru kjörnir þeir Andri Teitsson formaður og Eiður Gunnlaugsson og Jóhannes Jónsson meðstjórnendur.

Fram kom í ávarpi Halldórs Blöndals, forseta Alþingis, sem lengi hefur hvatt til að slíkur vegur verði lagður, að nú þegar félagið hefði verið stofnað yrði hafist handa við að vinna að því að vegurinn yrði lagður og nefndi hann að bændur frammi í Skagafirði og í Borgarfirði væru jákvæðir í garð hugmyndarinnar. Halldór sagði styttingu vegarins milli Akureyrar og Reykjavíkur geta skipt sköpum varðandi vöxt og viðgang Akureyrar.

Birgir Guðmundsson, umdæmisstjóri Vegagerðarinnar á Akureyri, nefndi í erindi sínu á stofnfundinum að ef miðað væri við að 700 bílum yrði ekið eftir veginum daglega gæti stytting leiðarinnar sparað vel á annan milljarð króna á ári. Fór hann yfir helstu hugmyndir manna um hálendisveg, en fjórar slíkar hafa verið til athugunar og nemur kostnaður við vegagerð frá 4,4 til 6,8 milljörðum króna eftir því hver yrði fyrir valinu. Birgir kynnti einnig þær hugmyndir sem verið hafa í umræðunni varðandi styttingu hringvegarins á þjóðvegi 1 milli Akureyrar og Reykjavíkur, m.a. um Svínavatn, sunnan Blönduóss og að fara sunnan Varmahlíðar í Skagafirði en um yrði að ræða um 19 kílómetra styttingu. Kostnaður er áætlaður 1,4 milljarðar króna en sparnaður við þessa styttingu gæti numið á annan milljarð króna á ári.

Hápunktur leiðarinnar er á Stórasandi, 798 metrar, en um 15 kílómetrar af hálendisveginum yrðu í yfir 700 metra hæð. Til samanburðar má nefna að um Öxnadalsheiði er farið í 540 metra hæð og rúmlega 400 á Holtavörðuheiði.

Já þessi leið yrði lokuð mestan part vetrar..
en samt: heir heir!