Þessi skipting á sér sögulegar rætur, það er bara staðreynd. Og það gildir líka á Íslandi. Hins vegar var sálfræði ekki til þegar greinarmunurinn á tekhne og episteme / ars og scientia varð til og það sama á við um margar aðrar greinar. Þess vegna hafa þær skipað sér í fylkingar eftir því hvað skyldar greinar liggja; og það fer eftir skólum hvaða gráður eru veittar fyrir hvaða greinar. En heiti greinanna breytir engu um kennsluna svo sem.
Ég held að almenna reglan í Bandaríkjunum sé sú að BA gráða (eða AB gráða) er veitt fyrir grunnám, nema í verkfræðinámi, kennaranámi og slíku. Í Princeton er t.d. veitt AB gráða fyrir allt nema verkfræði, þar sem er veitt BSE gráða. Það þýðir að það er veitt AB gráða fyrir stærðfræði, eðlisfræði, efnafræði, geimvísindi (astrophysical sciences), sameindalíffræði og sálfræði óháð því hvað menn reikna mikið í þessum greinum, óháð því hvaða mikilvægi tilraunir skipa í greinunum og óháð hagnýtingargildi greinanna. Í sumum skólum (t.d. Brown) er veitt bæði AB og SB gráða fyrir sálfræði, en um 60% nemendanna brautskrást með AB gráðu. Á Íslandi er líka hægt að fá bæði BA og BS gráðu í sumum greinum (t.d. hagfræði).
Það má vel vera að það mætti auka þátt raunvísinda í sálfræði, en heiti gráðunnar sem er veitt fyrir nám í greininni þarf ekki að endurspegla mikilvægi stærðfræðinnar í henni. Og það er stórundarleg ástæða fyrir að vilja auka stærðfræði í sálfræðinámi - finnst mér - að þá sé hægt að kalla gráðuna BS frekar en BA, eins og það skipti einhverju máli. Það er t.d. ekkert sem bendir til þess að það sé minni áhersla á stærðfræði og tölfræði í sálfræði í Princeton bara af því að þar er veitt AB gráða frekar en BS gráða.
___________________________________
Já en það eru svo fáir sem vita þetta, og það sem verra er það er svo ótrúlega mikil fáfræði í samfélaginu um sálfræði og hvað hún fæst við. Hugsa bara allir um Freud og bekkinn. En þessi skipting sem ég sagði er eitthvað sem er svona almannaskoðun, hefur ekkert með endilega fræðilegt gildi að gera. En ef sálfræði væri sett undir B.S. hattinn þá myndi það opna augu almennings um hvaða stefnu sálfræðin hefur í dag. Fyrir þeim sem eru menntaðir skiptir þetta sáralitlu máli og flestir á því stigi þekkja greinarnar og hvað þær eru í raun að fást við.
Kannski er það bara ég persónulega að vilja stærðfræði, veit að margir í sálfræði vilja minna :D en þetta er þó aðallega um fáfræði almennings.
Það ættu nú að vera til staðlaðar gráður, my god hvað er með þetta allt saman AB SB BSE eeeeeek. En það er kannski ómögulegt þar sem námið er svo mismunandi. Þá ætti að vera til kerfi sem segir nokkurnveginn til um hvernig námið er, svona eins og 5 gráður eða eitthvað eftir sviðum. Og ekki ein föst gráða í hverju skori heldur myndi það fara eftir því hvað stúdent tekur, ef það er svo mikið val.
—Halldó
0
AB og SB endurspeglar bara aðra orðaröð á latínu. BSE stendur fyrir Bachelor of Science in Engineering :)
Ég held að almenningur verði í fyrsta lagi engu fróðari um eðli námsgreina með því að breyta titli námsgráðunnar; það þarf samt að uppfræða fólk og ef við förum út í að uppfræða fólk, þá skiptir engu máli lengur hvað gráðan heitir. Og í öðru lagi held ég að það skipti stúdenta ósköp litlu máli þótt meirihluti almennings hafi lítinn skilning á sálfræði sem vísindagrein. Ef eitthvað, þá er betra fyrir íslenska stúdenta að hafa BA gráðu þegar þeir halda utan í framhaldsnám, þar sem sumstaðar eru BS gráður lítt þekktar og sumstaðar er litið niður á þær. Ég meina, jafnólíkir skólar og UC Berkeley og Boston University kjósa að veita BA gráður í eðlisfræði!
___________________________________
0
Það er greinilegt að ég þarf að kynna mér þetta betur! Takk fyrir spjallið.
—Halldó
0
Hugi notar vefkökur til að bæta notendaupplifun á vefsíðunni og greina umferð um hana.
Einnig hefur Hugi uppfært persónuverndarstefnu sína.