Jamm, ég get alveg nokkurn veginn tekið undir þessa flokkaskiptingu. Held samt að fólkið á geimvísindi og sagnfræði yrði ekki hrifið af því að sameinast öðrum. Dulspeki og trúarbrögð ættu svo að vera séráhugamál, en ekki undir vísindum og fræðum, að því er mér finnst.

Fyrir utan það reyndar að þótt ég sé menntuð í sálfræði myndu aðaláhugamál mín í sálfræði frekar tilheyra raunvísindum…

Sagnfræðin er nógu virk til að vera sérstakt áhugamál. Auk þess er sagnfræði yfirleitt ekki flokkuð með félagsvísindum (þótt það komi fyrir) heldur frekar með hugvísindum eða mannvísindum. En það er aukaatriði.

Ég hef lengi sagt að það væri mest vit í að bæta við áhugamáli fyrir náttúru- og raunvísindi og öðru fyrir félags- og mannvísindi, halda heimspekinni og sagnfræðinni og hugsanlega geimvísindunum og setja kannski upp áhugamál um trúarbragðafræði í staðinn fyrir dulspeki (ef menn vilja samt hafa dulspeki áfram þá ætti hún að vera í einhverjum öðrum flokki).