Ef “alhliða heimilistölva” þýðir internet vafri, póstforrit, ritvinnsla og töflureiknir, þá mun þessi duga fínt. Má ég samt spyrja, ef þú ert að setja saman parta hvort eð er, hvers vegna velurðu allt frá sömu búðinni? Getur örugglega fengið eitthvað af þessu ódýrara annars staðar, skoðaðu vaktin.is fyrir þægilegan verðsamanburð á öllum algengustu íhlutunum.

Annars myndi ég sjálfur breyta amk tvennu við þessa vél.
1) Taktu minni frá annaðhvort Kingston eða Corsair. Það borgar sig að hafa minni frá góðum framleiðanda þó það kosti aðeins meira, lélegt minni getur valdið illrekjanlegum böggum og leiðindum.
2) ATI skjákort frekar en Nvidia. Mæli með HD4850, það er reyndar alveg 10.000 kallinum dýrara en það sem þú ert að skoða, en vel þess virði ef það á að spila einhverja leiki eða stunda þrívíddar- eða myndvinnslu á vélinni.

Síðasta ábendingin… Spinpoint eru mjög góðir harðir diskar, en ég sé að Kísildalur tekur ekki fram hvers konar Spinpoint diskar þetta eru sem þeir eru að selja. Það eru, að ég held, bara tvær týpur: F1 og T166. F1 er mun betri, talaðu við þá í Kísildal og tékkaðu á hvort þetta er. Ef þetta er T166 þá geturðu haft samband við Tölvuvirkni, þeir gátu amk selt mér 500GB F1 diska í sumar, eiga vonandi ennþá þannig.

Vona að þetta hafi verið hjálplegt :)

–Móðurborðið passar ekki í kassann sem þú valdir (ATX borð í µATX kassa) og 400W aflgjafi rosalega tæpt fyrir þetta set-up. Kanski nóg til þess að keyra tölvuna í núverandi mynd en þú veist aldrei hverju þú kemur til með að bæta við seinna meir. Tæki minnst 500W, helst 550W eða meira.
–Þarft ekkert að hafa áhyggjur af vinnsluminninu GeIL er með betri framleiðendum vinnsluminna í dag og ef þú ert ekkert að fara að yfirklukka skiptir litlu máli hvað framleiðanda þú velur.
–Eins og hann sagði hérna fyrir ofan mig þá er HD4850 betra kort en líka dýrara og orkufrekara. Ef þú hefur efni á því mæli ég samt algjörlega með því þar sem að það mun endast þér talsvert lengur en 9600GT og þú ert með talsvert öflugan örgjörva sem öflugara skjákort mun augljóslega nýta betur.
–Að öðru leiti er þetta nokkuð fínt en þú athugar að í tölvuna vanntar að sjálfsögðu stýrikerfi svo ef þú átt ekki ónotað eintak nú þegar verðuru að kaupa með tölvunni OEM eintak.