Held samt að mómentið sem allt hafi farið í bullið… var þegar hann hitt Yoko. Evu*

Invisible Children hafa safnað sjálfboðaliðum með kynningarfundum árum saman, sem er ein af ástæðunum fyrir því að Kony herferðin heppnaðist svona vel. Þetta myndband, eins og þú bendir sjálfur á, er ekki fullnægjandi kynningarstarfsemi, enda birtir það einfaldaða mynd af vandamálum Úgandabúa. Sá partur þess sem flestir fallast á, og sá sem samtökin hengja sig helst við undanfarna daga, er að knýja fram handtöku Kony og setja með frægð hennar fordæmi fyrir aðra glæpamenn. Það að fólk styrki frekar samtökin gegnum svona herferð og með skrankaupum en gegnum einfaldar bænir um fjárframlög á grundvelli upplýsts mats er ekki þeirra sök. Eins og þau segja sjálf eru þau óvenjuleg samtök, enda starfa þau ekki aðeins á svæðunum sem eru hjálpar þurfi, heldur einnig við vitundarvakningu. Þú vilt kannski meina að vitund hafi vaknað nóg og nú þurfi þau að einbeita sér að hjálparstarfinu. En þau eru ekki endilega best í því, vitundarvakningu um vandamál Úgandabúa er ekki lokið og ekki er víst að nokkrum væri best borgið ef þau myndu bara þegja núna og vona að myndbandið tali sínu máli. Sérstaklega þegar svona heiftarleg gagnrýni birtist á það og þau.

Ég veit ekki hvað pirrar þig við að hjálparsamtök auglýsi sig, jafnvel dýrum dómum, ef það virkar. Til er sú aðferð að senda fjölda fólks eitt sent í bréfi og biðja þau um að senda það til baka með fleiri peningum. Sú aðferð er ögn dýrari, en ber mikið meiri ávöxt en beiðnin ein. Á sama hátt fær tilfinningaþvæla og einfölduð mynd af hjálparþurfi fórnarlambi mikið fleiri til að styrkja málstað þeirra. Ef þér finnst það aumt þarftu að kvarta í einhverjum öðrum en hjálparsamtökum sem laga sig að því.