3/10

-2/10

Hvað er það sem fæðist í röngum líkama ef það er ekki partur af líkamanum sjálft? Líkaminn er það sem hann er, óháð því hvort maður sé sáttur við hann. Hann er ekkert “rangur” frekar en borðið mitt er rangt, bara því ég vildi að það væri öðruvísi.

Það sem ég átti við með fuglslíkingunni er að ég gæti alveg sagt “ég fæddist í röngum líkama, ég er fugl innra með mér”, en það gerir mig ekki fiðraðan og vængjaðan, og það breytir ekki erfðaefninu mínu, sem væri það sem myndi raunverulega gera mig að fugli.

Ég hef ekkert á móti því að Vala Grand eða hver sem er hegðar sér eins og hvað sem þau vilja, svo lengi sem það skaddar ekki aðra. En á meðan hún er með er með Y litninga þá er hún líffræðilegur karlmaður, eins og hún hefur verið frá fæðingu. Ekki að það skipti neinu máli fyrir það hvernig hún vill hegða sér, það er hennar mál.

Tl;DR

ER alls ekki þröngsýnn, hef ekkert á móti hommum eða lessum til að koma því á framfæri. Eins og Vala Grand það sést ennþá þetta strákalega andlitsdrætti á henni, eitthvað sem make up og eitthvað getur ekki lagað. Það er til dæmis til ritgerð um þetta um krakka sem fæddist með typpi, en læknirinn hans brenndi það óvart þannig það var ónýtt. Þannig honum var gefin pjatla í staðinn. Reyndu að finna þessa grein. Er alls ekki þröngsýnn, en mér finnst rangt að gefa skít í náttúruna svona.

“Eftir hverju fer kyn”

Þú hefur ekki enn svarað þessari spurningu. Bara linkað á mig grein sem heldur því fram að skilgreining kyns sé mismunandi.

Hahaha, þú ert alveg hreint ótrúlegur.

Þú snýrð út úr flestu sem maður segir, fleygir fram óvirðingu í garð einstaklinga einfaldlega vegna þess þér finnst það í lagi og heldur því fram að maður sé fullur af drambi, en ert sjálfur að drukkna í oflátum.

Ég verð að viðurkenna að ég er feginn að þín sjónarmið varðandi hinsegin einstaklinga eru hægt og bítandi að deyja út. Allt í lagi, ég skal gefa þér það að þú ert sannfærandi í málflutningi, vegna þess að þú gefur manni þá ásjónu að vera sannfærður í eigin máli. Rökin sem þú hinsvegar gefur ganga í hringi og vinna oftar en ekki beint á móti sjálfum sér (ef þau eru ekki beinlínis að fara með rangt mál, sem kemur óþægilega oft fyrir).

Ég hef komið fram með þær staðreyndir sem ég þekki í málinu og talað sem einstaklingur sem þekki vel til transeinstaklinga af eigin raun, fylgst með þeim og séð hvað þetta er erfitt og niðurlægjandi ferli.

Það fer því vissulega verulega illa í mig þegar þú, sem þekkir ekki persónulega til heldur hefur valið og hafnað mistraustum heimildum eftir eigin hentugleika til þess að dæma einstaklinga sem hafa ekkert gert á þinn hlut.

Þér hefur mistekist að koma með nokkur rök sem standast fyrir þinni skoðun, aðra en þau að þér finnist það.

Það að líkja saman félagsfræðilegum kenningum við líffræði kenningar er ekki raunhæft. Ég þekki vel til þessara kenninga, enda útskrifaður í félagsfræði frá menntaskóla. Ég veit hinsvegar og átta mig vel á að félagsfræðilegar kenningar eru byggðar á eðli samfélaga og að sú breyta er óstöðug. Þess vegna getur tveimur kenningum í félagsfræði (og öðrum félagsvísindum) greint á.

Náttúruvísindin bjóða ekki upp á sama sveigjanleika.

Ég verð svo að snúa þeirri staðhæfingu við, að ég sé pólitískur oftækismaður. Það ert þú sem ert að ráðast á hóp einstaklinga vegna þeirra sérkenna, kemur með vafasöm rök fyrir því að þau séu “öfuguggar” og að þeirra upplifun sé röng. Það ert þú sem ferð þvert á samfélagslega viðurkennd viðmið og velur að fara eftir eigin trú og sannfæringu, sem þó virðist einungis byggð á eigin þverleik.

Og þegar kenningar benda til niðurstaða sem eru einfaldlega rangar, því margt af því sem þú hefur lagt fram ER rangt, því er bara ekki að neita, þá er í lagi að benda á að þar farir þú ekki með rétt mál. Stundum þá er það virkilega þannig að aðrir vita ýmislegt betur en þú, t.a.m. fólk sem lifir og hrærist í þeim heim sem þú ert að lýsa.

Það eru til læknar, sálfræðingar og meðferðaraðilar sem halda því fram að samkynhneigð sé geðveiki og hana sé hægt að meðhöndla sem slíka. Engin samtök lækna, sálfræðinga, geðlækna eða meðferðaraðila viðurkenna hinsvegar slíka firru, og geta meðferðaraðilar, læknar eða sálfræðingar misst starfsleifi sitt fyrir það að halda öðru fram.

Þannig þó svo hægt sé að finna aðila sem styðja aðrar kenningar en þær sem eru almennt samþykktar, þá þýðir það alls ekki að þær kenningar eigi sér stoð í raunveruleikanum, heldur bendir frekar til þess að þeir aðilar séu ekki ósvipað þér sjálfum, frekar fylgnir eigin sannfæringu heldur en því sem almennt er talið vera rétt.


Ég gef mér ekki að ég sé fordómalaus, það er ég ekki, eins og þú myndir átta þig á hefðiru lesið síðustu færslu. Ég gef mér hinsvegar að slíkt sé hægt, í litlu meira en von.

Ég hef til að mynda mikla fordóma gagnvart þér. Ég þekki þig ekki persónulega, en get vel gert mér í hugarlund að sökum þess að þú ert ekki tilbúinn að sýna transfólki umburðarlyndi, þá hljótir þú að sýna öðrum samfélagshópum sem ekki deila þinni sýn á lífið sömu andúð. Ég geri líka fastlega ráð fyrir því að þú sért sjálfstæðismaður, enda íhaldsemin að drepa þig.

Ég hef ekkert á móti kynbótum, enda alinn upp í sveit og veit að þær gefa góða raun í búfénaði :)
Ég hef hinsvegar enga skoðun á henni þegar kemur að mannfólki, en geri hinsvegar fastlega ráð fyrir því að við virkum ekkert alveg ólíkt og önnur dýr.

Þú ert hinsvegar algjörlega að misskilja um hvað málið snýst í raun og veru.

Ég endurtek: Kynímynd.

Það er kynímynd sem er orsakavaldur þess að einstaklingar fæðast trans. Það eru ekki ytri kynfæri sem ákvarða raunverulegt kyn einstaklings, heldur kynímynd hans. Það er hinn vestræni stuðull á kyni. Sá stuðull sem það samfélag sem við búum við telur réttann. Það er staðreynd.

Það er rétt að fólk sem fæðist með aðrar litningaparanir en “XX” og “XY” getur haft alvarlega vankanta, en það er hinsvegar ekki algilt og langflestir lifa mjög eðlilegu lífi án þess að gruna nokkurn tímann að þeir séu ekki bara eins og flestir aðrir.
Og það er vissulega rétt að þú getir sannað að transfólk sé oftast nær með litninga sem benda til annars kyns. En sem betur fer hefur fólk áttað sig á því hvað það er miklu fleira sem ákvarðar kyn en litningar.

Þú, vinur minn, varst til að mynda kvenkyns þangað til á 8. viku fósturs. Þrátt fyrir að vera með litninga sem benti til annars, þá varst þú kvenkyns. Það voru síðan hormónar sem breyttu þér í karlkyns fóstur. Þetta er búið að sanna. Þetta er staðreynd. Líkamlegt kyn hefur því mun meira að gera með hormónastarfsemi heldur en beint litninga. Fari eitthvað úrskeiðis í hormónastarfseminni getur heili til að mynda fengið þau skilaboð að hann sé kvenkyns, en líkaminn önnur. Þá myndi fæðast barn sem væri líkamlega karlmaður, en heilinn, huginn, veit að hann er kona. Kynímynd þeirrar manneskju er kvenkyns. Þar af leiðandi er hennar meðvitund (og undirmeðvitund) kvenkyns. Líkaminn hinsvegar heldur því fram að hann sé karlkyns. En þar sem allir geta nú verið sammála um hvaða líffæri hefur að geyma stjórntækin, þá er orðið nokkuð ljóst af hvaða kyni manneskjan er í raun og veru. Ef heilinn er kvenkyns, þá ert manneskjan kvenkyns. Það er alltaf hægt að breyta líkamlegu kyni, með hormónum og aðgerðum, en heilinn veit áfram hvoru kyni hann tilheyrir.

Ég áttaði mig á því að þérunin hefði verið kaldhæðni. Það var einum of augljóst, þar sem notkun hennar var klaufaleg og úr samhengi. Hinsvegar hefur þú misskilið ef þú hélst að þérun teldist yfirstéttarmál á Íslandi. Eða bara gott mál yfir höfuð.

Og drengur minn, það eru þín orð en ekki mín að ég sé merkilegri en þú. Það er sú tilfinning sem þú myndaðir í kringum mín orð, ekki sú meining sem ég lagði í þau. Það sem þú túlkar sem dramb er hinsvegar mín sannfæring á því að ég hafi forskotsskilning í þessu máli, sökum þess að ég trúi því einfaldlega ekki að þú sért eins upplýstur og þú þykist vera. Þú fleygir fram hinum og þessum misvísandi staðhæfingum og segir síðan að ég hafi ekki borið mitt mál nógu sannfærandi. Ég hef sett það hér fram hver mín sannfæring sé. Ég hef rökstutt hana. Ég kom með ansi góð rök fyrir minni sannfæringu, enda er ansi auðvelt að koma sér í kynni við þau rök, þar sem þessari sannfæringu deili ég með langflestum meðferðaraðilum, sérfræðingum og einstaklingum sem eitthvað um málið vita.

Þú hefur talað í hringi, komið með rök gegn eigin máli og lagst ansi lágt í því að dreifa drullu um minn málsflutning, sem reyndar hefur virst hið versta úrræðaleysi. Tilgangur minn var tvennur: Að koma þér í skilning um að mér þætti þú ansi góður með þig að dæma nokkuð sem þú augljóslega hefur ekki hundsvit á og hinsvegar að reyna að gefa þér nokkrar staðreyndir um málið, þannig þú gætir þá mögulega fræðst eitthvað um málið.

Þú hefur hinsvegar kosið að láta eigin þvermóðsku ráða för. Takmark þitt var greinilega ekki að fræða mig um það hvers vegna þú hefðir rétt fyrir þér, heldur einungis tilraun til að réttlæta það að þú værir ósammála mér, á meðan þú reyndir að kenna mér lexíu um að vera ekki með dramb og læti. Þetta er hinsvegar ekki mál sem hægt er að vera ósammála um á faglegum eða fræðilegum grundvelli heldur einungis byggðri á siðferðislegri og eða trúarlegri sannfæringu.

Og ef þú heldur að ég sé uppfullur af drambi, þá hvet ég þig eindregið til að lesa aftur yfir þínar eigin athugasemdir og velta því fyrir þér hvað það var sem fékk þig upphaflega til að fleygja fram þvílíkum sleggjudómum um mál, sem þú, jú, hefur greinilega engan skilning á.

Nema þú hafir hann, en hefur ekki þroska til þess að vinna með þann skilning, eða í það minnsta að viðurkenna það.

Ferlið byrjar ekki á hormónameðferð. Ferlið byrjar á svokölluðu undirbúningsferli. Það ferli gengur þannig fyrir sig að einstaklingur fer að klæðast fötum síns rétta kyns, lifa samkvæmt því kynhlutverki sem þau láta leiðrétta sig í, finna nafn, segja vinum og vandamönnum og svo framvegis. Einstaklingur gengur til sálfræðings og geðlæknis reglulega sem meta og vega stöðu einstaklingsins og hjálpa einstaklingi í gegnum erfileika sem fylgja þessari breytingu á kynhlutverki. Einnig gengst einstaklingur undir allskyns próf, svo sem sálfræðipróf, persónuleikapróf, geðröskunar- og líkamsröskunar próf og einnig greindarpróf. Þessi próf vega og meta hvort einstaklingur sé virkilega að upplifa sig í vitlausum líkama eða hvort það séu einhverjar aðrar ástæður. Þessi próf eru bæði löng og erfið og einstaklingur kemst ekki í gegnum þessi próf nema að þetta sé virkilega ástæðan. Þetta ferli tekur að minnsta kosti 1 ár, en það fer algjörlega eftir aðstæðum einstaklinga, hversu vel vinir, vandamenn og aðrir taka þessu og hverskonar andlegu ástandi einstaklingur er í.

Ef allt gengur vel og geðlæknirinn telur einstakling tilbúinn í að halda áfram byrjar einstaklingur í hormónameðferð, kjósi hann eða hún það. Í hormónameðferinni er einstaklingi gefið tvennskonar hormón sem stöðva þáverandi kynhormónaframleiðslu í líkamanum og svo fær einstaklingur hinsvegar andstæð kynhormón við þau sem eru í meirihluta (estrógen eða testósteron). Estrógen minnkar hárvöxt, breytir fitumyndun, eykur brjóstvöxt, minnkar vöðvamassa og fleira. Testósterón eykur hárvöxt, hefur greinileg áhrif á dýpkun í rödd, eykur hárvöxt og breytir fitumyndun og vöðvamassa svo fátt sé nefnt. Þetta ferli tekur í minnsta lagi eitt ár en fer algjörlega eftir hversu vel líkami einstaklings tekur við hormónum, hver aldur einstaklings er og fleira. Það er ekki fyrir en eftir eitt ár á hormónum sem einstaklingur fær svo loksins nafnabreytingu og getur fengið skilríki á réttu nafni.

Ef svo að allt hefur gengið mjög vel getur einstaklingur undirgengist sjálfa leiðréttingaraðgerðina (kallað leiðréttingar aðgerð vegna þess að einstaklingur lætur leiðrétta kyn sitt, hann eða hún eru ekki einfaldlega að skipta). Sjálf aðgerðin er mjög flókin og það segir sig sjálft að enginn fer í aðgerð nema vera mjög viss. Samt eru alveg til dæmi um einstaklinga sem sjá eftir því að fara í gegnum svona aðgerð, en það eru ekki mörg tilfelli.

Og nei, það er ekki hægt að sjá það að einstaklingar séu trans. Ásdís Rán er til að mynda ekki einu sinni transgender á nokkurn hátt. Það eru líka tveir einstaklingar sem hafa verið mikið í fjölmiðlum sem þú getur ekki séð á að þau sé trans. Ég veit ekki hvort þú hefur séð þau eða fylgst með því, en þau hafa bæði verið í sjónvarpi og dagblöðum, ásamt ýmsum netmiðlum.

Vissulega eru einstaklingar sem eru með XXY öðruvísi útlítandi en flest fólk, en svoleiðis einstaklingar eru engann veginn fatlaðir. En eins og með þetta fólk, þá eru þetta fæðingargallar líkt eins og hjá transfólki.

Já, það er til kerfi sem flokkar fólk í kyn eftir litningum þeirra. Það er hinsvegar bara einn hluti af mörgum sem ræður kyni. Þeir hafa til dæmis ekkert með kynímynd að gera. Þó svo þeir gefi til kynna kyn manneskju, þá eru þeir ekki það eina sem ræður kyninu. :)

Það er líka mjög greinilegt að það eru fleiri þættir sem ráða kyni manneskju, því annars væri transfólk nú varla til. Ekki viltu meina að þau séu bara geðveik?

Fyrst uppbygging heila í transmanneskju fylgir þeirra kynímynd getur það ekki verið að litningar ráði öllu í líffræðilegri uppbyggingu manneskju.

;)