Ég hélt það líkaq fyrst þegar ég sá nafnið á korknum…

En hvernig væri að ýta á linkinn?

:S

Ef þú myndir lesa fréttina myndirðu fatta hvað ég var að tala um :P Ég nennti bara ekki að útskýra það, fólk getur alveg lesið þetta á mbl :P

Þetta er um styttingu framhaldsskólanna.

Ó, fyrirgefðu … En fólk ætti samt að mæta :)

Uhm, já, akkúrat, fólk getur nú þegar farið og tekið námið á styttri tíma. Þarf ekkert að leiða það í lög, fólk getur tekið námið á 2-3 árum ef það vill það. Sumir þurfa samt meiri tíma, 4 og jafnvel 5 ár.

Veistu eitthvað um þetta? Það er ekki aðal málið að skólinn er ári styttri, það er enginn að pæla í því. Ef skólinn verður styttur um eitt ár verður skólaárið lengt og skóladagurinn líka. Krakkar sem vinna á sumrin og þurfa á peningunum að halda geta ekki unnið eins mikið og það er erfiðara að vinna með skólanum. Sérstaklega af því það verður meira álag í skólanum og það eru ekki allir sem ráða við það. Með þessu er líka verið að koma hluta af kostnaðinum við skóla á nemendur í staðin fyrir ríkið. Nemendur hafa minni pening og minni tíma fyrir félagslíf.

Það er satt að þetta er svona á norðurlöndunum, en munurinn er að þau fá styrk frá ríkinu í staðin. Islenska ríkið ætlar ekki að veita nemendum styrk svo þetta gengur eiginlega ekki upp.

Það er fleira sem breytist ef skólinn verður styttur. Það verður líklega ekki hægt að hafa listnámsbrautir og ýmsir náttúrufræðiáfangar verða lagðir niður.

Þetta er ástæðan fyrir að nemendur eru á móti þessu.

Nei, ertu ekki búinn að heyra hvernig þetta var í Svíþjóð? Framhaldsskólinn var styttur niður í þrjú ár, og skorið niður heilmikið af nauðsynlegum áföngum.
Svo kom fólkið í háskólann, en kunni ekkert það sem það þurfti að kunna! Það þurfti að bæta við námið í háskólunum, það sem var búið að skerða úr framhaldsskólunum!

skólinn er 3 ár í svíþjóð og ekki eru svíar eitthvað heimskari en við..?

Nei, svíar eru ekkert heimskari en við, hins vegar eins og einhver á undan mér sagði þá fá nemendur styrki frá ríkinu, bókakostnaður, matarkostnaður og meira að segja „vasapeninga“. Við eigum ekki að fá neitt slíkt.

Auk þess eru mjög margir svíar sem þurfa að taka auka ár eftir framhaldsskóla af því að þeir eru ekki nægilega vel undirbúnir fyrir háskóla með þá menntun sem þeir hafa eftir þrjú ár.

Ótrúlegt en satt þá þarf fólk mis langan tíma til að læra, á meðan þetta yrði hægðarleikur fyrir suma væri þetta erfitt fyrir aðra. Fólk sem gerir þetta auðveldlega hefur val um það að taka þetta á 3 árum, mér finnst bara heimskulegt að það eigi að gera þetta að skyldu hjá öllum hinum líka sem eiga ekki eins auðvelt með það að læra.