En um hvað snýst þetta hrikalega samráð dreifingaraðila grænmetis ?

Ekki snýst það um að hlutur þeirra í verði grænmetis hafi aukist, því hann hefur minnkað.

Þegar verðmyndum grænmetis er skoðuð kemur í ljós að hlutur framleiðenda og dreifingaraðila hefur minnkað, en hlutur smásölunnar hefur aukist.

Það er því ljóst að fjölmiðlar og samkeppnisstofnun hafa staðið í nornaveiðum undanfarið gegn röngum aðilum. Grýtum smásalana!
Reyndar segja heimildarmenn mínir í grænmetisgeiranum að ansi margt í skýrslu samkeppnisstofnunar sé vafasamt. Orð séu tekin úr samhengi og hlutir settir upp til að gera menn grunsamlega. Þegar verð á markaði séu hins vegar skoðuð kemur í ljós að engin hækkun hefur átt sér stað til smásala.
Til að mynda hefur eitthvað verið vitnað í fundargerð þar sem einn fundarmanna talar um að það þurfi að hífa verðin upp. Ekki kemur fram í fjölmiðlum að sá sem þetta segir er kartöflubóndi og verð á kartöflum út úr búð var 20kr/kg þegar þetta var mælt. Þessi bóndi var að fá 4rk/kg og sagði að verðið þyrfti að hækka. Ég sé ekkert athugavert við það, en þetta er ein af þessum *glæpsamlegu* setningum sem vitnað er í.

Hvernig væri að leggja af tolla á grænmeti, auka framleiðslu á rafmagni svo bændur geti keypt það ódýrara og leifa íslenskum neytendum að velja milli þess að kaupa ódýrt erlent grænmeti eða dýrara íslenskt *gæða* grænmeti.

Matti

Það má ekki gleima því heldur að skattar eru gífurlegur hluti af þessari hækkun og oft talamenn undir rós með það að verðhækkun á sér stað allstaðar í þjóðfélaginu og er það því deginum ljósara að ef menn ættla að taka á þessu verður að taka á öðrum hlutum í þjóðfélaginu.