Reglurnar um kjörsvið eru þannig að þú þarft að taka a.m.k. þrjú kjörsvið, sem verða að mynda heild sem eru amk 9 einingar (3 áfangar), kjarni telst með í því samhengi. Samtals þarftu að taka 30 einingar í kjörsviði, en það veistu greinilega.

Þú segir að þú sért komin með kjörsviðin:
Aukabraut Listnámsbraut: 12 einingar
Sálfræði: 12 einingar
Og þá eru eftir 6 einingar.

Það eru ekki hámark á það hversu mörg kjörsvið þú tekur, svo lengi sem að þú nærð 9 eininga reglunni.
Þó þarftu að athuga það að þetta verða að vera áfangar sem eru skilgreindir sem kjörsviðsáfangar félagsfræðibrautar í þínum skóla, en það er af því að skv. skilgreiningu námskrár þá má maður taka allt að 12 einingar sem kjörsvið af öðrum brautum, en með mati á listnámsbrautinni þá ertu búin með þann kvóta. Þannig að þessar 6 einingar verða að vera kjörsviðsáfangar sem skilgreindir eru sem kjörsviðsáfangar félagsfræðibrautar í þínum skóla, eins og ég nefndi ofar.

Þar sem íslenska er gild kjörsviðsgrein á félagsfræðibraut þá sé ég ekkert því til fyrirstöðu að þú takir staka áfangann ÍSL 633, þar sem þú ert þegar búin að ná 9 eininga lágmarkinu. En þú verður líka að athuga það að sá áfangi sem þú átt eftir að ákveða þarf að mæta þessarri reglu líka.

Myndi segja að ekkert athugavert sé við vangaveltur þínar um þetta, þetta er ekki einfalt kerfi.

Ef þú vilt mitt álit, þá myndi ég segja að Stærðfræði 313 (tölfræði) henti ágætlega með sálfræðiáföngunum.