Best er að lýsa ofanvarpi punkts/línu/vigurs/rúmskika/etc á línu/plan/vigur/etc þannig að það er “skugginn” sem annar hluturinn myndar á hinum (sennilega asnalegasta skýring allra tíma :)

Ef þú ert með vigur a og vigur b sem eru hvorki hornréttir né samsíða þá geturðu dregið þverla frá upphafs og endapunktum a niður á b. Skurðpunktar þverlanna við b ákvarða þá ofanvarp(svigur) vigursins a á b.
Það gildir að a * b = a(ofanvarp á b) * b og líka að ofanvarpsvigurinn er (a * e)e, þar sem * táknar innfeldisvirkja og e er einingavigur samsíða “ofanvarpsþolanum”.
Þetta er háð því að vigrarnir séu eiginlegir. a og b geta verið samsíða en þa er ofanvarpsvigurinn vigurinn sjálfur. Ofanvarp punkts er síðan bara punktur sem liggur á línu sem er hornrétt á “ofanvarpsþolann”.
Þetta er svona grunnurinn.

Það er ekkert annað íslenskt orð notað yfir ofanvarp (að ég held). Það heitir projection á ensku. Kennt í Stæ303.