Ég ætla að skrifa um nokkur One Tree Hill fan fiction sem ég er að lesa/búin að lesa. Þetta eru allt Laley fic (Lucas+Haley), en ég mæli hiklaust með þeim fyrir alla, held jafnvel að fyrsta sagan, Lately, gæti snúið öllum yfir í Laley fólk. :)

Önnur tilraun – Greinin mín er greinilega ekki að komast í gegn, en nógu langur tími er liðin, ég get bætt við þetta tveimur mjög skemmtilegum sögum.

1. Lately, 180 kaflar, klárað.
Kaflar 1-89
Kaflar 90-165
Kaflar 166-180+eftirmáli

Samið af Kat2299, sem er snillingur í að semja svona. Þetta fic er alveg magnað, í stuttu máli gerist það nokkrum árum á eftir þáttunum sjálfum, krakkarnir, Lucas, Haley, Nathan, Brooke, Peyton og Jake eru öll í sama skóla, en sumt úr þáttunum gerðist aldrei, t.d. giftust Haley og Nathan aldrei, held að það hafi ekki verið búið að gerast þegar þetta var samið. Allavegana, búa Luke og Haley í íbúð saman utan skólans, og eru bara vinir, enþá…Ég vil ekki segja neitt meira, en ég stóð á öndinni þónokkuð oft, og gat bara ekki hætt… Ef þið hafið mikinn tíma lesið þetta þá endilega.

2. Always, 28 kaflar, klárað.
Kaflar 1-28

Líka eftir kat2299. Las þetta beint á eftir Lately, hélt að ég gæti ekki notið annars fanfics, afþví að Lately var bara OF magnað. Það var líka eitthvað við það að þetta gerist þegar þau eru enþá í skólanum sem mér fannst ekki alveg ganga. En ég gaf því tækifæri, og sé ekki eftir því. Endaði ansi snögglega, en var samt ágætasta skemmtun.

3. Vaguely familiar, enþá í gangi, er komið á kafla 29, næsti verður seinasti.
Kaflar 1-29+

Þessi er eftir angeliclin, snilldin við þetta hérna er að þetta byggir algjörlega á þáttunum, nema sú stóra undantekning er að Lucas og Haley voru aldrei bestu vinir, hún var bara, hvað segir maður, nobody á meðan hann var stjarna körfuboltaliðsins. Hún var rosalega skotin í honum, en hann vissi ekki að hún væri til. Engin af hinum persónunum er komin fram enþá, býst ekki við því að einhver komi. Hann er orðin útgefandi hjá stórri útgáfu, hann ræður sér einkaritara sem er engin önnur en Haley sjálf. Hún er enþá hrifin af honum, og vill reyna að forðast það að byrja á einhverskonar persónulegu sambandi við hann. Á meðan verður hann hrifinn af henni, en veit ekkert hver hún er, eða afhverju hún forðast hann eins og heitan eldinn.

4. Misery loves company, er enþá í gangi, komið á kafla 106.
Kaflar 1-60
Kaflar 61-106+

Í þessari sögu, enn ein eftir kat2299, þá eru þau bæði búin í skóla, hún er blaðamaður, en hann er körfuboltaleikmaður. Eftir að þau útskrifuðust úr Tree Hill High og fóru í college (man bara ekki hvað það er á íslensku) höfðu þau lofað hvort öðru að halda sambandi. Eitthvað fer það úrskeiðis, og núna hafa þau ekki talað saman síðan ca. ári eftir að þau útskrifuðust. (þau eru 26 ára í sögunni, you do the math) Hún er samt búin að fylgjast með honum í sjónvarpinu og fréttunum. Hún er trúlofuð manni sem heitir Jeffrey, og búa þau í New York. Hitt fólkið (Peyton, Nathan og Brooke) eru líka í þessari, Nathan er blaðafulltrúi í Californíu, Peyton er frægur listamaður í New York, hún og Haley bjuggu saman þegar þær komu til New York, og Brooke er frægur tískuhönnuður. Líf Haley snýst á haus þegar hún á að taka viðtal við nýjasta leikmann New York Knicks, Lucas Scott….

5. The one that got away, er enþá í gangi, komið á kafla 15.
Kaflar 1-15+

Haley vinnur á sem blaðamaður (er það eitthvað þema að hún vinni sem blaðamaður í þessum sögum?) í Chicago, en Lucas er heima í Tree Hill. Þau höfðu misst sambandið, en hlutirnir breytast fljótt þegar Nathan hringir í Haley og segir henni að Karen sé alvarlega veik..

6. Wanna make a bet?, er nýbyrjuð, komið á kafla 2
Kafli 1-2+

Þessi er frábær, ég er enþá að setja mig inní hana, enda eru bara tveir kaflar komnir. Þessi gæti innihaldið spoilera úr annari seríu, einn kominn fyrir fólk sem ekki er búið að sjá allavegana að þætti 9 í næstu seríu, ég er komin þangað og ekkert er búið að koma mér á óvart enþá. Set þetta með svona til gamans.

7. Fade away, 34 kaflar , klárað.
Kaflar 1 – 34

Hérna er Haley kennari í Tree Hill High, en Lucas er free agent í NBA. Þau misstu samband eftir að þau fóru í sinhvorn háskólann, hún reyndi að halda sambandi við hann, en hann svaraði ekki símtölum og bréfum sem hún sendi honum. Hlutirnir breytast þó þegar Lucas tekur við af Whitey sem körfuboltaþjálfari Tree Hill Ravens.

Þetta er allt það sem ég er að lesa núna, það eru ábyggilega fleiri góðar sögur á Ezboards, allir ættu að finna eitthvað sem þeir geta alveg tapað sér í.

Vil líka nefna þessa, það er síða sem ég er með, allar One Tree Hill myndir sem ég rekst á á netinu enda þarna. Hún er 100% fullnýtt, ætla að gera aðra fyrir afganginn af myndunum mínum. Endilega kíkið.