Ekki vera hræddur þegar ég segi þér að þetta er dálítið undir þér komið.
Það er alltaf spurning hvort þú sættir þig við það að hún heillast auðveldlega að báðum kynjum.
Hvort að þú sér tilbúinn að bíða á meðan að hún áttar sig á því hvað hún vill.
Þannig að þú verður að gramsa dálítið í sjálfum þér finna út hvað það er sem að þú ert að leita að? hvað það sé við hana sem að heillar þig? Hvað þú ætlast til að samband ykkar innihaldi?
Það er endlaust hægt að spyrja sjálfan sig.
Það er góð hugmynd að hún geri það sama.
Skrifið niður spurningar ykkar og svör ykkar og reynið svo að tala saman um spurningar ykkar og svör og þið getið síðan reynt að vinna út frá þessu.
Þetta er erfitt tilfinningamál.
Ykkur getur jafnvel sárnað við svörin sem þið fáið en ég held að þetta sé samt þess virði að reyna.
Það getur nefnilega verið erfitt að sakna einhvers.
Ég sjálf fjarlægðist manninn minn einu sinni en sem betur fer stóð það stutt yfir og ég einmitt spurði sjálfa mig fullt af spurningum, sagði honum hvernig mér leið og svo unnum við okkur í gegnum þetta. Í dag er ég fegin að ég komst yfir þetta þó svo að það hafi tekið á og verið erfitt.
Gangi ykkur vel með þetta verkefni.
Krusindull