Jújú, Frost Activity er sko myndlist. Er ekki Ólafur Elíasson frægasti myndlistamaður Íslendinga?
Nánar um Ólaf er hægt að finna á heimasíðu Listasafns Reykjavíkur en þar stendur:
Ólafur Elíasson á íslenska foreldra en fæddist í Kaupmannahöfn árið 1967. Hann sótti nám við Konunglega listaháskólann í Kaupmannahöfn frá 1989 til 1995. Hann hefur tekið þátt í fjölmörgum sýningum um allan heim og verk hans má finna bæði í almennum söfnum og einkasöfnum svo sem í Solomon R Guggenheim-safninu í New York, Nýlistasafninu í Los Angeles, Deste stofnuninni í Aþenu og í Tate í London. Nýlega hefur hann haldið miklar einkasýningar í Tate Modern i London, í Kunsthaus Bregenz, Nýlistasafninu í París (Musée d'Art Moderne de la Ville de Paris) og í ZKM (Miðstöð lista og miðlunar) í Karlsruhe auk þess að vera fulltrúi Danmerkur á Feneyjartvíæringnum árið 2003. Hann býr nú og starfar í Berlín í Þýskalandi.
Sjáið myndirnar frá sýningunni hér:
http://www.listasafnreykjavikur.is/Hafnarhus/syningar/aukasidur/olafur_myndir.shtml