Ég er sammála því að það var tómt rugl sé litið til þess hversu kvalinn Chris Tuchscherer augljóslega var. Hins vegar er ég ósammála því að hægt sé að kenna dómaranum um þetta. Iðulega fá menn spark í punkhlífina og jafna sig fljótt. Því var hinsvegar greinilega ekki þannig háttað þarna og því átti læknirinn að stöðva bardagann. Það er þeirra hlutverk og óbyrgð að meta það hvort keppandi hafi orðið fyrir það miklum meiðslum að ástæða sé til að meina honum áframhaldandi keppni. Þegar dómarinn hefur kallað til lækni vegna meiðsla keppandans er hann í raun búinn að setja ákvörðunina í hendur læknisins. Ef læknirinn segir að hann megi halda áfram og keppandinn vill halda áfram þá er það varla dómarans að stöðva það. Menn kvarta sí og æ yfir því að dómarara stöðvi bardaga of snemma. Ef dómarinn hefði stöðvað þennan bardaga eftir að bæði keppandi og læknir höfðu sagt að hann mætti halda áfram þá er ég hræddur um að menn hefðu heldur betur stokkið til og skammast yfir því. Þá hefði hann átt að fara eftir úrskurði læknisins. Og því er ég sammála, en það var akkúrat það sem dómarinn gerði í þessu tilfelli. Mistökin eru því læknisins og keppandans en ekki dómarans að mínu mati.

Mér leiddist reyndar ekkert að sjá þetta hausspark þannig ég var sáttur við ákvörðunina :). En ég held að Gonzaga hefði maukað þennan gaur þó hann hefði fengið að berjast með óstappaðan pung.

En þetta var í fyrsta sinn sem ég hef séð einhvern taka allar fimm mínúturnar og halda áfram. Skál fyrir því!