Ég hef ekki reynslu á að panta mér neitt í þessum dúr að utan. En ég hef reynslu á innflutningi á öðru dóti frá bæði USA og UK.

Það er ekki tollur á tölvum, hvort leikjatölvur falli þar undir þekki ég samt ekki - en mig grunar það. En ég held þú getir bókað það að leikirnir séu tollaðir.

Reglan er sú að þú tekur erlendaverðið + sendingakostnað bætir svo við það toll og eftir það bætirðu við virðisaukaskatti.

Dæmi. Keypt er tæki á 75$ + 25$ í sendingakostnað = 100$. Þá breytum við yfir í íslenskar krónur sem væri þá sirka 100 x 85 = 8500 krónur. Við þetta bætist þá (nánast alltaf 10% tollur) 10% = 8500 x 1,1 = 9350 og við það bætist 24,5% VSKur = 9350 x 1,245 = 11641 króna. Við þetta getur bæst einhver vörugjöld, en það er afar ólíklegt.
Svo þarftu að reikna með að greiða um 1500 - 2000 krónur fyrir gerð tollskýrslu líka (nema þú klórir þér fram úr því sjálfur).

Þú átt að geta hringt í tollinn eða póstinn til að fá nánari upplýsingar um þessi mál.

Passaðu einnig að kaninn klíni ekki á þig einhverjum auka kostnaði, t.d. söluskatti sem er ekki auglýstur í verðinu eða eitthvað þannig…

Kv, Andri