Hinn eini og sanni Indiana Jones, sjálfur Harrison Ford lýsti því yfir á dögunum hvernig hann myndi bregðast við ef framleiðendur næstu Indiana Jones myndar, þeir George Lucas og Steven Spielberg myndu reyna að koma einhverjum öðrum í hlutverk Jones.

Hann sagðist aldrei geta fyrirgefið þeim ef þeir myndu gera það. Svo sagði hann: “First I'd tell them to go fuck themselves, then I'd kill them. I'd kill them”.

Þetta sagði hinn 59 ára gamli Ford í viðtali hjá Playboy tímaritinu.

Svo útskýrði hann hvers vegna hann tók ekki aðalhlutverkið í síðustu Jack Ryan myndinni, The Sum of All Fear. Honum fannst einfaldlega handritið alveg ömurlegt. “I hated the script. It was dated and unworkable,” sagði hann.