Mér langar að skrifa doldið um myndina The Gunman´s Daughter sem er í vinnslu þessa dagana og er væntanleg í kvikmyndahús einhverntímann á bilinu 4.júlí-17.ágúst á þessu ári. Þessi mynd á sennilega eftir að slá margt aðsóknarmetið enda fríður flokkur leikara með í för. Þar má helst nefna Morgan Freeman í hlutverki Pauls Simon, (SPOILER: Nágranni byssumannsins) og Liv Tyler í hlutverki dótturinnar sem stendur á krossgötum í lífi sínu. Burt Reynolds spilar líak stóra rullu sem kennari í milliskóla sem dóttirin hefur nýlega verið rekin úr fyrir bílþjófnað.
Söguþráðurinn flækist til muna þegar Kevin Costner stekkur fullmótaður fram á skjáinn í hlutverki Philips Goldman, lögreglumanns sem hefur lagt byssuna á hilluna og tekið flöskuna fram.
Mark Wahlberg er rannsóknarlögreglumaðurinn, sem áður hafði staðið dótturina að verki, en stendur nú frammi fyrir nýrri ógn, byssumanninum. Hann leikur Radcliffe Sudden, en aðstoðarmaður hans er Lance Rockford, leikinn af Kevin Bacon. Meryl Streep er skólastýran og milli hennar Lance (Bacon) takast óvæntar ástir.
Áfram með smjörið. Rannsóknarlögreglumaðurinn Gustaf (Wahlberg) reynir í örvæntingu að fá Philip (Costner) aftur í sveitina til að leysa mál byssumannsins. Nú er hyggilegast að segja ekki meira til að skemma ekki fyrir bíógestum í sumar.