Já já gott ef ég er ekki jafn þröngsýn og flestir patrol eigendur.

Þetta með að dansa í kringum 44" bíla var einfalt. lowluxinn minn er 2tonn, patrol og cruiser 80 eru talsvert þyngri ? færið var einfaldlega þannig að ég flaut, þeir ekki. Stærri bíl + stærri dekk þarf ekki endilega að þýða að þeir komist meira.

Með eyðsluna talarðu um að diesel hilux rjúki upp við hjakk og erfitt færi. Hún gerir það jú, enda væri annað skrýtið. En settu bensínbíl í sömu aðstæður og sjáðu hvert eyðslan fer. hún rýkur upp úr þakinu.

Auðvitað er það þannig að sterkari vélbúnaður kallar á sterkari drifbúnað. Amerískir eru eins og flestir vita oft með öflugar vélar, en þeir eru líka yfirleitt með drifbúnað í samræmi við það.

Menn eru hinsvegar oft að miða við að 20 ára gamall bíll sem búið er að þjösnast á allt hans líf hafi bilað í einhverri ferð, ergo, þetta er allt drasl. Samskonar 20 ára bíll sem hefur fengið eðlilega umhirðu og er í góðu standi er ekkert að bila.

Þegar við vorum að byrja að breyta þessum bílum þá voru þetta oft grodda breytingar. Það var gert eins lítið og hægt var og ekkert spáð í hlutina (nú er ég að alhæfa). Illa breyttur bíll býður upp á vandamál.

Ég hef sjálfur sloppið vel frá bilunum þrátt fyrir nokkuð spræka 350 vél, 38“ dekk og 23 ára bíl. Annað kram virðist vera nógu sterkt til að þola það. Það er ekkert ”skítamix“ í honum, og allt virkar.

Ég hef átt bílinn í 7-8 ár og eina stóra bilunin sem kom upp var smurstöð að kenna. Þeir gleymdu nefnilega að setja olíu á afturhásingu (en ég var að láta skipta á öllu eftir vatnasull). Það tókst að sanna það og VíS varð að punga út fyrir þessu.

Ég hef oft tekið það sem dæmi um sterkann búnað að ég keyrði bílinn í þrjá mánuði (þó ég hafi reyndar keyrt óvenju lítið þennan tíma, en samt hellings notkun) með ENGA olíu á hásingunni. Eina sem brotnaði var legan við pinjónin (hún hefur eflaust verið asísk ;), en allt í hásingunni var orðið blátt (og varð því að skipta því út).

Eftir þetta hætti ég að hafa miklar áhyggjur af hásingunum, fyrst þær þoldu þetta þá þola þær ansi mikið!

Það má kannski segja að þessi bilun hafi í raun verið mér að kenna, auðvitað á maður að sjá um þetta sjálfur en láta ekki aðra sjá um skítverkin fyrir sig ;)

Ég hef aðeins einu sinni tekið ventalok af vélinni, en það var ekki vegna bilunar heldur til að taka niður númerið á heddinu (alltaf sama forvitnin). Vélin stendur sig eins og hetja, þó nú sé reyndar farið að bera á því að smurþrýstingur er farinn að lækka (samt innan hættumarka, en nálgast ”gráa" svæðið).

Þetta er allt spurning um hvernig drifbúnaðurinn er. Það er stór kostur við þá amerísku að það er yfirleitt auðvellt og ódýrt að fá sterkari drifbúnað ef sá sem fyrir er dugar ekki.

Sem dæmi þá er minn trukkur er með dana 44 að framan og GM 12 bolta að aftan. Ef ég ætla að vera eins öruggur og hægt er þá þarf ég bara að redda mér um Dana 60 og 14 bolta, en það boltast beint undir (munur að vera með GM bíl :). Þessir bílar fengust hinsvegar á áttunda áratugnum með 10 bolta framan og aftan. Það var alveg í lagi ef menn settu ekkert stórt undir en þær eru ekki gerðar fyrir stærstu dekk (og þá er bara að fá sér d66/14 bolta).

Því er algjör óþarfi að halda að amerískt sé alltaf að brjóta eitthvað þó rokkarnir séu stórir, menn verða að miða alla drifrásina við restina í bílnum, og reyna að losna við veika punkta ef einhverjir eru.

JHG

Það hefur loðað við þessa 3 lítra mótora að eyða nokkuð miklu. Það virðist samt vera svolítið mismunandi á milli bíla.

Einn félagi minn vann hjá Toyota á þessum tíma og hann sagði mér að ef þeir röðuðu 10 bílum upp þá gekk enginn þeirra alveg eins (kannski aðeins ýkt en samt…).

Ég veit um nokkra sem voru með sjálfskipta 4Runner (sama vél) og þeir eyddu hrikalega. Einn þeirra talaði um stöðuga eyðslu uppá 25 lítra á hundraði en hann seldi hann vegna eyðslunnar (keypti bílinn nýjann og hefur líklegast átt hann í minna en eitt ár). Hann hélt fyrst að bíllinn væri gallaður en ekki vildi Toyota meina það.

Annar sem ég þekki var með beinskiptann og hann kvartaði ekki, en vildi ekkert tala um eyðsluna.

Power er mjög mismunandi eftir því hverju þú ert vanur. Persónulega fannst mér þeir ekkert vera sérstaklega aflmiklir en einn félagi minn talaði um þennan mótor sem powerstation. Hann var vanur afllitlum meðan að ég er vanur aflmeiri (V8).

JHG