Sem hundaeigandi til margra ára mæli ég sterklega með því að þú gefir hundinum þínum ekki Icepet, sérstaklega ekki ef hann fer mikið úr hárum.

Það er í raun og veru bara einn kostur við Icepet, og það er hvað fóðrið er ódýrt.

Gallarnir eru þeir að þeir nota fiskimjöl til að drýgja fóðrið sem er ekki gott fyrir feldinn né hundinn.
Icepet er mjög ungt fyrirtæki og er ekki með reynslu í hundamat og myndi ég sterklega mæla með því að þú takir hundinn af fóðrinu strax.

Hárlos getur stafað af mörgum þáttum t.d lélegt og næringalítið fóður, stress, hreyfingaleysi og þegar þeir eru að taka út unglingaskeiðið, og hjá tíkum þegar þær eru lóða.
Hárlos getur líka stafað af því ef þú gefur honum annað heldur en sinn hundamat, svo sem matarleifar af disknum þínum.

Miðað við það sem þú segir með hárlosið og að það sé svo mikið að þú þurfir að losa þig við hann (sem þú þarft vonandi ekki að gera) þá mæli ég eindregið með að skipta um fóður og þá mæli ég sterklega með að þú setjir hundinn á Eukanuba fóður. Það fæst í Dýralandi og er örugglega ódýrast þar. Fóðrið er samt frekar dýrt, en algjörlega þess virði.

Í fóðrinu er ekkert fiskimjöl og ríkt af omega-3 fitusýrum og fleiru sem er mjög gott fyrir hundinn.
Eukanuba hefur framleitt hunda og kattamat í meira en 20 ár og eru margverðlaunaðir um allan heim.
Ég hef reynt annan hundamat en Eukanuba og hefur hann ekki virkað sem skyldi.

Eukanuba framleiðir einnig sérstakar tegundir af mat fyrir meðal annars of feita hunda, sérstakar tegundir t.d labrador, boxer, rottweiler og fleiri.

Einnig framleiða þeir blöndur fyrir þá hunda sem eru með hárlos, eru of grannir, með viðkvæma húð, keppnishunda svo eitthvað sé nefnt. Fóðrið frá Eukanuba styrkir hundinn þinn og stuðlar að heilbrigðum vexti vöðva, beina og liða. Fóðrið er mjög orku- og vítamín ríkt og styrkir einnig sjón og heyrn.

Eukanuba er með rannsóknarstofu í Kanada þar sem vinna næringafræðingar og fleiri allt árið um kring til að viðhalda hámarks gæðum á hverjum tíma. Sem segir okkur kannski eitthvað ef einhver bóndi útí sveit hrærir fiskimjöli í hundamat fyrir Icepet :þ

Þó það sé ódýrt fyrir þig að kaupa Icepet þá kemuru væntanlega niður á svipuðum stað í verði því Eukanuba er mun næringaríkara fóður og mettir dýrið betur, og þar af leiðandi étur minna. Þannig ætti pokinn af Eukanuba að endast þér lengur.

Ef ég væri þú myndi ég kaupa gott hundasjampó og næringu, skella hundinum í bað, bursta hann vel reglulega og skipta um fóður strax. Gott er að bursta hann úti og mæli ég með að þú, á meðan feldurinn er að jafna sig, gefur honum eina matskeið af lýsi eða ólívuolíu tvisvar í viku útí matinn.
Honum á ekki eftir að finnast þetta gott en það verður bara að hafa það.

Feldurinn ætti að jafna sig og hárlosið að ganga alveg til baka á c.a 2-3 vikum. Þetta gæti kannski tekið lengri tíma ef þú skiptir um fóður og það gæti kostað hárlos og flösu á meðan. Ég mæli með að þú skiptir rólega um fóður og blandar tveim fóðrum saman og minnkar með tímanum gamla fóðrið.

Hundarnir mínir hafa aldrei fengið hárlos, nema tíkurnar þegar þær eru lóða, og feldurinn alltaf verið sléttur og fínn og engin flasa, og tel ég það vera útaf réttu fóðri.

Þú getur lesið þér til um fóðrið www.eukanuba.com

Ef þú hefur fleiri spurningar, endilega sendu línu :)

hann er ekki á þessu dæmi , hann er á eitthverju fóðri sem maður hringir í og það kemur til dyra…haha þetta er svona besta lýsingin sem ég get gefið.

ehm..nei bara venjulegt fóður sko, þetta var bara langt tímabil hjá honum allt þetta fara úr hárum. það er búið að lagast núna