Mér finnst þægilegast að vinna danstónlist (og reyndar bara alla tónlist) í Ableton Live hugbúnaðnum, hann kemur með alveg glás af effektum og eitthvað af synthum og þvíumlíku, aukadótið fer reyndar eftir því hversu stóra/dýra útgáfu af þessum hugbúnaði þú ert með.

Þú getur fengið slatta af frábærum ókeypis synthum og effektum í vst formi frá Tal (ekki símafyrirtækinu samt :p) hér er tengill á það, þetta er allt frábært stöff.

http://kunz.corrupt.ch/products

Aðalatriðin í danstónlist eru bassalínan og trommurnar og auðvitað söngurinn ef þú ert með söngmelódíu, allir hljómar og þessháttar eru algjör aukaatriði og eiga bara að styðja hitt þannig að til þess að þetta hljómi ekki alveg gríðarlega púkalega þarf maður að leggja egóinu sínu algjörlega og gleyma öllu sem heita hljómborðssóló eða flóknar hljómaskiptingar, danstónlist snýst alls ekki um að sýna hvað maður sé frábær hljóðfæraleikari. Minna er meira í danstónlist.

Ef þú ert með lag tilbúið þá er mikilvægt að finna út á hvaða hraða það er, þú setur upp einfalt trommupattern og syngur/spilar lagið við það og hraðar/hægir á taktinum þangað til þetta hljómar eðlilega.

Taktu upp hljómana og sönginn.

Ef söngurinn er eitthvað falskur hjá þér hentu þá falska hlutanum og taktu þann hluta upp aftur frekar en að eyða mörgum tímum og jafnvel dögum í að reyna að laga tökuna því það mun næstum því örugglega ekki takast.

smíðaðu svo utanum þetta bassalínu og þegar hún er komin lækkaðu nánast burtu hljómana eða jafnvel slökktu alveg á þeim því eins og ég sagði, þeir eru aukaatriði.

Hugsaðu um sönglínuna sem laglínu eða rythma frekar en “söng” og færðu setningar og jafnvel stök orð fram og tilbaka um nokkrar millisekúndur þangað til söngurinn grúvar með trommunum og bassalínunni.

Eitt orð… Logic

Þetta snýst allt um það að finna eitthvað forrit sem þér finnst þægilegt og læra 100% á það..

FL Studio, Logic, Ableton Live, Pro Tools, Reason.. etc etc.. þetta virkar allt!

Svo er bara að sanka að sér VST/RTAS synthum og sample bönkum og læra á synthana en ekki bara scrolla gegnum presetin!

Ég er ekki alveg viss hvað Örlygur Smári notar (hef séð hann nota Logic, ekki viss hvort hann vinni allt í því samt), en ég get sagt þér að “Sjomleh” var gert í Logic, en “Hún Er Alveg Með´etta” og “Djamm í Kvöld” voru bæði gerð í FL Studio.. sem er almennt álitið sem eitthvað byrjendadrasl en virkar bara feikivel ef menn kunna á það! (og eru með góða sound banka og syntha að sjálfsögðu!)

Varðandi hvernig lögin verða til er það auðvitað mjög mismunandi, hjá okkur eru hljómar og melódíur oftast samdar á gítar eða píanó fyrst og svo bara spilaðar inn á MIDI keyboardi, en stundum er bara browsað eftir melódíum á keyboardinu.. Svo getur þessu öllu verið breytt með músinni bara, sérstaklega ef menn eru að vinna einhverjar flóknar synthalínur og þannig drasl!