ég stend stirðum fótum og hunsa lætin
stunda að ígrunda en nú hallar undan fæti
er að reyna að - láta ykkur heyra það í bundnu kvæði
en þið stoppið - og horfið til drottins - líkt og þið skuldið bænir
vissi að undir lægi - eitthvað af þessu undra tagi
og vissi að þið gerðuð skyssur um leið og þið funduð næði
er að verða frá mér en hjá mér liggur þessi dulda bræði
og mín synd verður upplýst nú hún brýst út er ég skund'um bæinn
finnst ég vera að bilast líkt og ég hafi smitast af hundaæði
tek fram gamla takta og reyni að rappa en ég bara muldra lagið
er á sveimi einn í mínum heimi um lífsins huldu stræti
hugsa um markaðinn og fyrir jafnvægi ég verð að ígrunda haginn
-því nú finn ég langanir í fjármagnið, eina sem angrar mig eru bjálfarnir en - hálfpartinn þá má ég til að - skálda fyrir málstaðinn og - nálgast þig - þangað til ég mun fanga þig…