Þú ferð í “Skoða nánar” og þar í “Breyta”.

Staðreyndin er bara sú að ég myndi eiginlega ekki samþykkja eina einustu könnun ef ég gerði þetta ekki. Og ég er admin á einum níu áhugamálum. En stundum finnst mér synd að þurfa að hafna könnun sem gæti alveg verið mjög góð. Það er nefnilega ekki hægt að láta fólk vita hvers vegna maður hafnar könnunum eins og þegar maður hafnar greinum, a.m.k. er það ekki hægt ennþá. En það mun líklega breytast einhvern tímann bráðlega segir ritstjóri mér. Ég samþykki könnunina þá bara og leiðrétti síðan stafsetningu t.d. í spurningunni sjálfri. Það hefur engin áhrif þótt fólk sé búið að kjósa (meira að segja þótt ný könnun væri tekin við). Ég breyti könnunum sjaldnast efnislega meira en því sem nemur að setja inn svarmöguleika eins og “annað”, “veit ekki” eða “hlutlaus”, en það er reyndar afar sjaldan. Ef fólk er hins vegar ekki sátt við það þá getur það haft í huga að könnunin hefði líklega ekki verið samþykkt ef þetta væri ekki hægt.

Korkum og greinum er ekki hægt að breyta. En ég er álíka harður á að samþykkja greinar. Ég held stundum að ég sé mun harðari en margir aðrir því ég sé oft greinar sem eru svo stuttar að ég hefði aldrei samþykkt þær. Ég samþykki sjaldnast greinar sem ná ekki upp í tvöhundruð orð. Og ég hef oftar en einu sinni sent grein til baka með leiðréttingu á yfir fjörutíu stafsetningarvillum. Maður ætti kannski að geta lagað stafsetningu á greinum til að geta birt þær?<br><br>_____________________________________
Aut tace aut loquere meliora silentio.