Ég held ekki að það væri viturlegt að kaupa svona gamla hátalara og sem eru þar að auki frá Bose, nema þú fáir þá fyrir slikk - 5000 kall eða undir myndi ég segja. Allavega ekki krónu meira en 8.000.

Bose eru einfaldlega ekki að búa til neitt góða hátalara. Ég prófaði einu sinni að skreppa niður í Nýherja og hlusta á þessa hátalara og ég get fyllilega tekið undir máltækið “No highs, no lows, must be Bose”.
Það sem mér fannst eiginlega verst við Bose hátalarana er að það var frekar óþægilegt að hlusta á þá lengri tíma nema ef þeir voru mjög lágt stilltir. Maður varð hálf þreyttur í eyrunum eftir að hafa hlustað á þá.

Þar að auki er ekki mælt með því að kaupa notaða hátalara (sérstaklega ekki mjög gamla) þar sem hátalarar eru hreyfanlegir hlutir og því verða þeir slitnir og lúnir með árunum. Það er heldur ekki gott að kaupa notaða geislaspilara en í fullkomnu lagi að kaupa notaða magnara - jafnvel frekar gamla magnara.

Ef þig langar í góða ódýra hátalara myndi ég mæla með Paradigm Atom/Titan í Hljómsýn á rétt yfir 20.000 (Atom eru betri en það er meiri bassi í Titan), Tannoy MX hátalara í Pfaff eða Rafgrein á milli 20 og 30 þúsund, Mission M71 í Elco - var á um 25.000 síðast þegar ég vissi eða þá kannski Wharfedale í Rafgrein sömuleiðis. Öll þessi fyrirtæki eru mjög stórir og virtir hátalaraframleiðendur; m.a. er Paradigm stærsti hátalaraframleiðandinn í Kanada og Tannoy er einn elsti framleiðandi hátalara í heiminum.

Ef þú ert að tala um aðeins meiri pening væru Quad í Rafgrein eða Dynaudio í Pfaff mjög góðir kostir á 50.000 og yfir.

Ég sé í sjálfusér ekkert að því að kaupa gamla hátalar. Þrátt fyrir að þetta séu “hreyfanlegir hlutir” (hafi moving parts) þá virka haṫalarar ekki á sama hátt og eldsneytisbrennandi bílvél eða álíka. Flestir hátalarar hljóma bara betur með árunum, hafi þeir í upphafi verið sæmilega vel smíðaðir. Þetta er sökum þess að þeir liðkast til og mýkjast upp.

Aftur á móti þá held ég að flestir, sem á annaðborð spá í hljómgæðum, hljóti að vera sammála um það að Bose er nú ekki beinlýnis það besta. En án efa vel smíðað (einhver hlýtur ástæðan að vera fyrir þessu geðveika verði…?).

Nú, talandi um Paradigm, Tannoy, Dynaudio og Quad þá eru þar á ferð gæðamerki hin mestu. Ég á sjálfur Paradigm Titan sem ég er nokkuð ánægður með. Dynaudio Audience 42 eru bestu hátalara sem ég hef heyrt sem kosta undir 60.000kr (veit ekki hvað þeir kosta á Íslandi) og Quad L12 þykja einhverjir allra músíkölsku hátalarar sem fást fyrir sama pening.

Ég myndi frekar spara fyrir einhverjum þessara (eða einhverju allt öðru) fremur en að kaupa notað Bose.

En ef þú ert á því máli að þetta kunni að vera gaurar fyrir þig þá ættirðu að greiða u.þ.b. 5000ikr fyrir parið að mínu mati. En mundu að hlusta fyrst!