þú segir að sé jafn hættulaust og vatn. Prófaðu að setja orðið “vatn” í staðin fyrir “THC” og athugaðu hvort það kemur heim og saman við kenningu þína
Fáránleg aðferð hjá þér til að draga úr trúverðugleika orða minna, auk þess sem ég sagði aldrei að vatn og THC væri sama efnið með sömu eiginleika. Vatn er lítil, ólífræn, skautuð sameind á meðan THC er stór, lífræn, óskautuð sameind.
Það gefur augaleið að þetta eru ekki sambærileg efni á öllum sviðum.
Ég var einfaldlega að segja að þú hefðir rangt fyrir þér þegar þú sagðir að þetta væri eiturefni. THC er ekki eitrað frekar en vatn.
Allar gerðir cannabis breyta hugarástandi
Auðvitað, annars myndi maður ekki nota það :P
Þetta er aðalefnið í cannabis en í cannabis er einnig að finna 400 aðrar gerir efna.
Þetta er ekkert aðalefni í kannabis. Þetta er virka efnið í kannabis sem veldur eftirsóttum áhrifum. En auðvitað er fullt af öðrum efnum líka. Það eru yfir 400 lífræn efni í sólblómum. Það eru yfir 400 lífræn efni í okkur… point?
THC er ávanabindandi
Ég ætla ekki að vera hálfviti, en þú einfaldlega biður um það… ertu að segja að við séum ekki háð vatni?
THC er andlega ávanabindandi, já…
óhollur matur er líka ávanabindandi…
Þeir sem nota THC eru 104 sinnum líklegri til að nota kókaín.
Konur sem nota brjóstahaldara eru líka líklegri til að fá brjóstakrabbamein.
Þýðir það að brjóstahaldarar valdi krabbameini?
Ekki láta tölfræði ná of mikið til þín. Það eru til gröf sem sína fylgni milli bárujárnsinnflutnings og magakrabbameins.
Ástæða þess að konur sem nota brjóstahaldara eru líklegri til þess að fá brjóstakrabbamein en konur sem nota ekki brjóstahaldara er ekki út af brjóstahöldurunum heldur býður lífstíll vesturlandabúa (sem nota frekar haldara) meira upp á krabbamein heldur en lífstíll þriðjaheims ríkja (þar sem færri konur nota brjóstahaldara).
Fólk sem ákveður að drekka kaffi er líka líklegra til að sprauta sig með amfetamíni en annað fólk… á þá að banna kaffi?
Þú hefur ekki sýnt fram á nein orsakatengsl milli kannabis og kókaínneyslu.
Svarið er að þeir sem eru yfir höfuð líklegri til að prófa kókaín á lífsleiðinni eru einnig líklegir til þess að prófa kannabis, áfengi, sígarettur eða kaffi.
Síðan eru aðrir sem eru tilbúnir að prófa kannabis, en ekki kókaín eða áfengi.
Svo eru aðrir sem vilja bara nota áfengi, en ekki kaffi og sígarettur.
En, fólk sem er líklegt til að fara í hörð efni, er auðvitað líklegra til þess að prófa mjúk efni líka…
Þannig þetta er mjög villandi tölfræði hjá þér.
Það eru ekki aðrar tilrannsóknir sem sýna með óhyggjandi hætti fram á að notkun THC leiði til annarra efna en kókaíns en rannsóknir sýna með óhyggjandi hætti stór hluti þeirra sem nota önnur efni byrjuðu á THC.
Sama, hvað með áfengi, kaffi og sígarettur? þeir sem fara út í kannabis byrjuðu líklegast á því að neyta fyrrgreindra efna. Þýðir það að neysla þeirra hafi leitt þá út í önnur efni? Eða að þeir hafi tekið sjálfviljuga ákvörun um að nota önnur efni?
Þessi gate-way kenning er löngu orðin úrelt. Eina Gateway-ið er það að kannabis er ólöglegt, svo að kannabisneytendur þurfa að umgangast fólk úr undirheimunum, og eru því líklegri til þess að umgangast önnur efni og eru því líklegri til þess að neyta annarra efna á lífsleiðinni.
Þannig að ef eitthvað leiðir unglinga þessa lands út í fíkniefnaneyslu þá er það bannið á kannabis.
THC minnkar hæfni til að stýra ökutæki.
Enda á fólk ekki að keyra undir áhrifum kannabis frekar en áhrifum áfengis.
Þarf ég að vera á móti áfengi til þess að vera á móti ölvunarakstri?
Fólk á ekki að keyra undir áhrifum vímuefna yfir höfuð.
THC er skaðlegt heilsu bæði til skamms tíma og langs tíma.
Það er skaðlegt heilsu að borða snakkpoka. Það eru engar rannsóknir sem benda til alvarlegs skaða vegna THC neyslu.
Skammtímaáhrif:
Meiri hætta á kæruleysi varðandi kynlíf sem getur leitt af sér óvarið kynlíf = meiri líkur á smitsjúkdómum.
Ef þetta eru virkilega rök gegn vímuefnum þá er fyrsta efnið sem ætti að banna áfengi, númer 1,2, og 3.
Fólk undir áhrifum kannabis er ekki mikið að pæla í kynlífi. Þetta er ekki djamm-vímuefni. Og ef einstaklingur stundar óvarið kynlíf þá er það hans vandamál… ekki annarra. Fólk tekur ábyrgð á eigin lífi.
Fólk er einnig líklegt til þess að stunda óvarið kynlíf þegar það er edrú.
Minnisvandamál og skert lærdómsgeta.
Enda er ekki mælt með því að fólk sé að neyta THC meðan það lærir fyrir próf.
Erfiðleikar með hugsanir og að takast á við krefjandi verkefni.
Er það virkilega alvarlegt? Er fólk að neyta kannabis þegar það þarf að takast á við krefjandi verkefni eða er fólk að neyta þess í sínum frítíma, einmitt þegar það vill slaka á og ekki takast á við nein verkefni? Ég sé ekkert vandamál hér
Lakari samhæfing hreyfinga (vera lengi að slá á lyklaborð eða hitta á vitlausa takka)
Er skaðsemi THC virkilega komin á svona lágt plan? Þetta er vímuefni… við hverju bjóstu. Það er verið að lýsa einkennum… þó svo að þau séu ekki skaðleg.
-Aukinn hjartsláttur
-Kvíðaköst
-Ofsahræðsla
Smávægilegt vandamál sem líður hjá. Ég sé ekki hvað vandamálið er.
Áfengi gerir mann kærulausan, THC gerir mann varan um sig.
Þetta þarf hvorki að vera jákvætt né neikvætt, þetta eru einfaldlega einkenni.
Fólk notar ekki vímuefni til þess að vera eðlilegt… það gefur augaleið.
X-Daglegur hósi og aukin slímmyndun
X-Einkenni krónísks bronkítis
X-Aukin tíðni lungnakvilla
Enda er skaðlegt að anda að sér reyk sem á uppruna sinn í hægum bruna lífrænna efna… Ef þetta er virkilega eitthvað sem við viljum banna þá ætti að banna allar reykingar yfir höfuð. Þetta kemur kannabis í sjálfu sér ekkert við.
Langtímaáhrif:
X-Alvarlegir lungnakvillar
Þetta er fylgikvilla reykinga yfir höfuð, ekki séreinkenni á kannabisneyslu
-Varanleg skerðing á minni, lærdómsgetu og athyglisgáfu
Má vera. Ég man þó ekki eftir rannsóknum sem benda til þess.
THC hefur sömu langtímaáhrif á heilastarfsemi líkt og önnur eiturlyf. Þ.e. ýtir undir geðklofa, ofsóknaræði, þunglyndi, sjálfsvíg.
THC er ekki eiturefni svo þú varst líklegast að meina eitthvað annað. En annars þá eru einstaklingar sem eiga erfitt í lífinu, þunglyndir eða eiga við geðvandamál að stríða, líklegri til þess að neyta kannabis en aðrir svo að auðvitað verður hlutfall þeirra hærra innan kannabis heimsins. Það þýðir ekki að kannabis leiði heilbrigða einstaklinga út í þunglyndi og sjálfsvíg.
Einnig sinnir áfengi þessu starfi alveg nógu vel. Þunglynd íslensk skáld hafa drekkt sorgum sínum í áfengi í áraraðir. Fylgni milli þunglyndis og vímuefnaneyslu er ekki sem einkennir kannabis.
Ertu að kalla mig svín?
Hugi notar vefkökur til að bæta notendaupplifun á vefsíðunni og greina umferð um hana.
Einnig hefur Hugi uppfært persónuverndarstefnu sína. Skoðaðu stefnuna hér..
