Það eru fullt af sniðugum aðferðum á internetinu og í bókum. Hins vegar er ég ekki viss um að það sé sniðugt að stofna sveim svona ungar. Hann er mikil skuldbinding og þú hættir ekkert í sveim sisvona. Miklu nær væri að vinna saman í hóp að alls kyns æfingum og jafnvel göldrum. Það er ekkert grín að vera í sveim og fólk þarf að vera mjög samstillt og vera búið að finna sínar leiðir og þekkja sjálft sig vel ef samstarfið á að ganga upp. Maður er ekki enn fullmótaður svona ungur. Hugsið ykkur aðeins betur um hvort þetta sé rétta leiðin.