Ekki bera saman þetta stríð við Seinni heimsstyrjöldina. Hitler hafði yfirlýstan ásetning á að taka yfir Evrópu ef ekki bara heiminn. Hann var byrjaður að dreifa brenglaðri pólitík sinni um allar trissur. Það réttlætir stríð. Hver hefði viljað fá nasista heimsveldi?
Hefði Saddam ætlað sér eitthvað svipað eða hefði hann átt einhver vopn þá getur vel verið að ég hafi stutt þetta stríð (Enda hef ég ekkert útá fyrri persaflóastríðið að setja, sem var nota bene í gangi þegar George Bush var forseti).
En það breytir því samt ekki að ástandið í Írak er allt of flókið til að hægt sé að leysa þetta með einni innrás.
Þú segjir að það sé engin hætta á borgarastyrjöld, að hún hefði löngu verið byrjuð. Þetta er bara ekki satt. Það er akkurat núna, þegar valdabaráttan á milli kúrda, súnnía og sjíta er í hámarki, að hættan á borgarastyrjöld er hvað mest (tala nú ekki um það verður ákveðið að skipta landinu í þrennt). Þetta snýst allt um þessar blessuðu olíulindir. Kúrdar finnst þeir eiga rétt á margar olíulindir súnnía þar sem þær eru á landi sem tilheyrðu þeim áður en Saddam rak þá þaðan. Súnníar ætla ekkert gefa þessar olíulindir frá sér bara svísona þannig að það verða einhverjar deilur.
Svo má náttúrulega geta þess að það eru ennþá hundruðir þúsunda stuðningsmenn Saddam í Írak sem eru ekki kátir. Ég er ekki frá því að Saddam hafi verið gerður að hálfgerðum píslarvætti með þessari handtöku.

Annars er þetta líklegast seinasta kommentið sem ég kem með á moti þér í þessari Íraksdeilu. Við þurfum kannski bara báðir að sætta okkur við það að allar deilur eru tilgangslausar. Við erum einfaldlega bara ekki sammála.;)

Ok, skoðum þetta á tölfræðilegu nótunum. Segjum - jafnvel þótt ég telji töluna ólíklega - að Saddam hafi einn og sér borið ábyrgð á tvemur milljónum mannslífa. Morð, hungursneyð o.s.frv. Miðað við þau 24 ár sem hann var við líði getum við áætlað að um 83 þúsund hafi látist á ári. Ef við notumst svo við tölfræði Lancet (virt lækna tímarit) þá sjáum við að á einu ári gætu u.þ.b. 100 þúsund óbreyttir borgarar látið lífið.

Gerumst svo graðir að skella síðan skuld sem nemur um einni milljón manna á herðar þeirra sem settu viðskiptabannið á Írak. Hvor er að drepa fleiri á ári?

Hei! Hver borgaði svo niður stríðskuldir Saddams? BNA. Guð minn almáttugur, útveguðu þeir kannski efnavopn óbeint líka? Hræsni?

Ertu fúll yfir því að það hafi verið stöðvað Hitler af því að það varð mannsfall með aðgerðunum? Nei, ég er fúll yfir því að BNA höfðu alls ekki í hyggju að taka þátt í stríðinu fyrr en Japanir gerðu árás á Pearl Harbor. Furðulegt að sumir sagnfræðingar álíta að BNA-menn hefðu jafnvel látið það ógert að fara í stríð við Hitler líka ef hann hefði ekki lýst yfir stríði á BNA. Enda sú ákvörðun Hitlers eitt af hans helstu glapaskotum. Kannastu ekki við gervistríðið (The Phony War)? Djöfuls andskotans tíma tók það nokkurn mann að stíga inn í þegar að Þriðja ríkið var búið að brjóta fullt af þeim skilmálum sem höfðu verið settir eftir fyrri heimstyrjöldina. Hér er gott dæmi um hentisemi, margar margar milljónir að farast í Evrópu og víðar, en þeim er drullu sama, svo hefur Saddam tekið 24 ár í að drepa 1-2 milljónir hægt og rólega en það er ekki gripið inn í fyrr en 2003 að viti. Þurfti tíu ár til að sjá að viðskiptabannið gerði ekkert?

Í guðana bænum reyndu svo ekki að líkja saman þjóðernishyggju Saddams og Hitlers við, eða aðgerðum þeirra yfir höfuð.

Hversu erfitt hefði verið að skjóta Saddam í hausinn fyrir tuttugu árum? Hann var nú ekki kominn með svo marga tvífara þá eða hvað?

Svo er maður þreyttur á þessari sérstæðishyggju BNA, hvaða andskotans aðstöðu eru þeir í til að biðja um leyfi en sniðganga svo synjun þegar þeir fá hana frá SÞ?

Af hverju hafa þeir ekki farið til Norður-Kóreu? Engin hætta frá kommunum þar lengur? Þjóðarmorð í Afríku? Af hverju taka þeir ekki til hendinni þar, burt sé frá því þótt SÞ vilji það ekki?

500 kall upp á að þeir ráðist inn í Íran og að það sé eina ástæðan fyrir því að þeir halda svona stórum herafla enn í Írak.