já,veistu þetta er satt það er bara full vinna að “þurfa” að vera í einhverjum samskiptum við Tryggingastofnun,að ég tali nú ekki um ef að þar er framfærsla manns,vonandi kemst þetta í lag sem fyrst

kveðja
harpajul

vissuð þið að þetta öryrkjamál sem var í gagni og allir voru svo óánægðir með. að aðeins þeir sem öryrkjar sem áttu ríkan maka fengu endurgreitt, hin venjulegi öryrkji fékk ekki krónu, svo hver var tilgangurinn með þessum öryrkjadómi og látunum kringum hann. ?? kannski gera ríka ríkari ?

Þetta er náttúrlega ekki hægt, það er oft á tíðum eins og við séum föst í samfélagi sem að stjórnað er með 100% skrifræði!
Og það að ekki sé hægt að koma með vottorð sjálfur heldur bara með pósti og svo þegar að manneskjan er komin á staðin er þetta svo strangt að ekki má lauma einu ófrímerktu vottorði á borðið, ég meina hvað er í gangi!

Kveðja,
LárusH

Hæ,

Mín reynsla af tryggingastofnun, er þannig að oftast er reynt að komast upp með einhverja vitleysu, en þegar maður gefur ekki eftir, þá lúffa þeir fyrir manni.

Vandamálið er hins vegar það, að oft er öryrki ekki í stakk búinn til þess að standa fast á rétti sínum og því virðist sem starfsmenn TR gangi á lagið og láti eins og þeir láta stundum.

Sem betur fer á þetta ekki við alla.

Þú lýsir líka í fyrri hluta greinarinnar einu stærsta vandamáli TR, upplýsingaflæði. Öryrkjum er ekki bent á hvaða bætur þeir hafa rétt á og í flestum tilfellum þurfa þeir sjálfir að sækja um bæturnar. Þetta þýðir það að það er fullt af öryrkum sem ekki hafa fullar bætur, af því að þeim hefur aldrei verið sagt að þeir gætu fengið þær.

Þarna er ekki endilega við starfsfólkið að sakast, heldur reglurnar sem þau eiga að fara eftir.

Hvernig á fólk að geta sótt um bætur sem það veit ekki einu sinni af. Það er ekki hægt. Sem betur fer þekkja sumir læknar (ekki allir) reglur TR, og geta því hjálpað fólki með hvaða bætur það á rétt á.

Tryggingakerfi TR er mjög flókið og það er ekki fyrir flesta að skilja það. Fólk þarf að skilja svo marga breytilega þætti, sem allir hafa áhrif á hvorn annan.

Gott dæmi um ruglið í kerfinu, kemur m.a. fram á heimasíðu TR. Þar er tekið dæmi um tekjutryggingu tveggja örorkulífeyrisþega sem eru hjón, hún með 47000 kr. í atvinnutekjur og hann með 138000 kr. í atvinnutekjur. Síðan er tekjutrygging þeirra reiknuð eftir kúnstarinnar reglum. Og hvað gerist. Hann, sem er með hærri launin fær 22233 kr. í tekjutryggingu, hún 14043. Tekjuhærri öryrkin fær hærri tekjutryggingu.

Sem betur fer eru þau hjón og eru því sameiginlega að fá upphæðina, en ég er ekki viss um að sumir starfsmenn gætu né nenntu að skýra út fyrir fóli af hverju þetta er.

Þarna er hins vegar um að ræða nýju reglurnar fyrir skerðingu bóta vegna tekna maka. Eins vitlaust og það er, er tekjutrygging ennþá skert vegna tekna maka, sem og vegna eigin tekna.

En til að lagfæra hlutina aðeins var ákveðið að aðeins 60% eigin atvinnutekna kæmu til skerðingar, en 100% atvinnutekna maka. Viðmiðunartekjurnar eru semsagt 60% af eigin tekjum + tekjur maka deilt með tveimur.

Hún ((47000*0,6)+138000)/2=83100
Hann ((138000*0,6)+47000)/2=64900

Þetta er lýsandi dæmi um þann frumskóg reglna og talna sem öryrki þarf að ganga í gegnum. Þess vegna á það að vera skýlaus krafa öryrkjans að geta gengið að því sem vísu að starfsmenn TR taki á móti þeim með hlýju og þjónustulund.

En það er bara draumsýn, því miður.

Kveðja,
Ingimundur.

Það er nú bara einu sinni svoleiðis að almenningur og öryrkjar verða bara að fara að átta sig á því að það eru ekki bara óheppnir öryrkjar sem eru að fá örorkulífeyri. Það eru líka vitleysingar sem eru að hirða lífeyrin þeirra sem ættu í raun ekkert að fá neitt. Ef fólk sem ætti ekkert að vera að fá örorkulífeyri td. alkar, eiturlyfjaneytendur og letingjar yrði hafnað um lífeyri þá held ég að bætur hjá fólk sem ætti eingöngu að hafa rétt á þessu svo sem fötluðum, hvort sem er líkamlega eða andlega, þroskaheftum og fleirra ólukku fólki myndi hækka um allveg ágætlega góða summu og löglegir öryrkjar gætu farið að lifa lífinu betur.

Nú á örugglega einhver eftir að verða allveg brjálaður og segja að greyið alkarnir séu nú líka sjúklingar svo ég ætla bara að svara því strax og spurja á móti, hvar voru alkarnir fyrir 50 árum síðan þegar alkar fengu engar bætur og eingin almennileg meðferðarstofnun fyrir hendi? Jú gott ef þeir voru ekki úti á almennum vinnumarkaði vinnandi sína vinu þar sem þeir þurftu jú að sjá fyrir sér sjálfir til að halda lífinu í sér og sínum.

Til hvers á ég að kaupa brennivín fyrir alka fyrir skattinn minn? Af hverju, fyrst alkar fá styrk, get ég ekki sótt minn rétt og sótt um styrk fyrir næstu verslunarmannahelgi? Ég er jú búinn að borga minn skatt, annað en sumt af þessu fólki (þó ekki allir). Þetta kann að hljóma fáránlega en að mínu mati þá er þetta ekkert mikið fáránlegra heldur en það að gera ölkum auðveldara fyrir að halda áfram að vera alkar.

Hæ.
Frábær grein hjá þér!
Þetta kemur öllum við og frábært að einhver sem talar af reynslu tjái sig.

Ég óska öryrkjum og aðstandendum þeirra bara alls hins besta í baráttunni.
Í blöðin, sjónvarpið og útvarpið með ykkur! Talið við “Fólk með Sirrý” eða einhvern svona sjónvarpsþátt sem gæti haft áhuga. Þetta kemur öllum við og þetta óliðlega fólk á ekki skilið að þetta mál sé bara þagað í hel. Krefjist breytinga! Er þessi formaður öryrkjabandalagsins að standa sig?

Það er skammarlegt að samfélagið geti ekki séð betur um örykja og aldaraða, fólk sem hefur takið þátt í að byggja upp samfélagið eins og við hin, og lagt sitt af mörkunum, en verður fyrir óláni, veikindum eða bara elli og á þá bara að éta það sem úti frýs?! Þvílíkt vanþakklæti!

Æðisleg grein hjá þér!