Daredevil fyrir 19 árum, 7 mánuðum Fjöldi lestra: 911

Jón Steinar í Hæstarétt

Samkvæmt fréttum útvarps í hádeginu verður gengið frá ráðningu Jóns Steinars, prófessors í HR og hrl., í embætti Hæstaréttardómara í dag. Jón Steinar tekur við af Pétri Kr. Hafstein sem lætur af störfum á föstudaginn.

Það hefur mikið verið skrifað og rætt um þessa skipun í embætti Hæstaréttardómara undanfarnar vikur. Í Morgunblaðinu hafa birst fjölmargar blaðagreinar þar sem lögmenn og ýmsir aðrir hafa lýst yfir stuðningi við ráðningu Jóns Steinars. Jón Baldvin, Magnús Thoroddsen, Sveinn Andri og fjölmargir aðrir hafa tekið þátt í þessum skrifum. Í dag skrifa Hallur Hallsson og Þröstur Ólafsson greinar í Morgunblaðið. Í öllum þessum greinum er lýst yfir stuðningi við Jón Steinar og margir ljá máls á því að pólitískar skoðanir Jóns eigi ekki að koma í veg fyrir að hann sé ráðinn.

Þeir sem leggja stund á lögfræði eða laganám gera sér grein fyrir því skoðanir manna á einstaka málefnum samfélagsins eiga ekki að hafa áhrif á úrlausnir í lögfræðilegum álitaefnum. Beiting lagalegra aðferða við úrlausnir á lögfræðilegum álitaefnum hefur lítið með stjórnmálaskoðanir dómara að gera. Það er samt eðlilegt að almenningur átti sig ekki á þessu og haldi að pólitískra skoðanir Jóns eigi eftir að endurspeglast í dómaúrlausnum Hæstarétts. Það er samt fráleitt að halda þessu fram, enda yrði sá lögfræðingur sem færi að beita pólitískum aðferðum við vinnu sína fljótt afskrifaður. Jón Steinar er þekktur fyrir vönduð vinnubrögð og er almennt talinn einn hæfasti lögfræðingurinn á Íslandi.

Í lögmannafélaginu er 700 lögmenn. Af þeim skrifuðu 120 undir yfirlýsingu þar sem tekið var fram að undirrituðum þætti sem Jóni Steinar nyti ekki sannmælis í umsögn réttarins um hæfi umsækjenda. Í framhaldi af því hafa nokkrar umræður sprottið um það hvort Hæstiréttur eigi í raun að raða umsækjendum í hæfnisröð eða hvort hann eigi eingöngu að meta hvort umsækjendur séu hæfir eða ekki. Um þetta verður eflaust deilt áfram, en eins og nú er komið er brýnt að þetta ferli verði skoðað uppá nýtt, enda mun þetta endurtekna fjaðrafok rýra trúverðugleika réttarins til lengri tíma litið.

Ég hef engan skoðun á því hvort Jón Steinar hafi verið hæfasti umsækjandinn í þetta embætti. Held raunar að aldrei hafi verið hægt að komast að niðurstöðu um það hver af þessum sjö sem sóttu um var hæfastur. Held þó að Eiríkur Tómsson, Stefán Már og Jón Steinar hafi verið hæfastir. En það er bara mitt mat, svo hafa margir aðrir annað mat.

http://s65.yousendit.com/d.aspx?id=38Q2J0ZL7C0U301GU2JMHMX2EN

Pipppi fyrir 19 árum, 7 mánuðum

JSG hefur látið pólitík eða persónulega óvild hafa áhrif á opinber störf sín.
Þegar ÓRG var í framboði til forseta sagði JSG sig úr kjörstjórn með miklum yfirlýsingum í fjölmiðlum. Hann gerði það ekki þegar ÓRG skilaði inn framboðinu (febrúar-mars?), heldur beið með það fram í maí-júní til að reyna að hafa áhrif á kosningarnar.

Fyrra álit

Marciano fyrir 19 árum, 7 mánuðum

Ég get virkilega ekki séð hvers vegna Jón Steinar er ekki hæfur.
Maðurinn er einn alhæfasti lögmaður sem við eigum, það getur enginn efast um að hann sé hæfur dómari. Andstæðingar geta svo glaðst yfir því að pólitískar yfirlýsingar munu láta eitthvað á sér standa eftir ráðningu Jóns Steinars í hæstarétt…
Ég hélt að Eiríkur fengi djobbið einfaldlega vegna þess hversu virtur hann er í þjóðfélaginu. En við erum ekki illa sett með JSG í þessari stöðu.

Fyrra álit

IcedBach fyrir 19 árum, 7 mánuðum

Maðurinn er sjálfsagt hæfur til starfsins. Það er samt þannig nú að tveir einkavinir hafa nú verið ráðnir í tvær af æðstu stöðum landsins. Jón Steinar hefur sýnt það og sannað að hann fylgir alltaf, ég ítreka, alltaf flokkslínu sjálfstæðisflokksins og hvernig í ósköpum á slíkur maður að geta dæmt í t.d. málum einstaklinga gegn þeirri ríkistjórn sem er í dag. Sem betur fer get ég ekki séð að Íslendingar geti kosið þennan viðbjóð yfir sig enn og aftur.

Ég hef nú endanlega misst allt traust til dómstóla þessa lands.

Dies irae

Fyrra álit

Sblender fyrir 19 árum, 7 mánuðum

Ég er laganemi. Ég tel að þetta hafi verið gífurlegt högg á réttarvitund Íslendinga og er hættur að treysta hæstarétti núna, þar sem tveir menn fengu þar stól í gegnum pólitísk tengsl.

Fyrra álit

Nishanti fyrir 19 árum, 7 mánuðum

Sammála. Ég er líka laganemi og okkur er kennt að dómastólar verði að líta út fyrir að vera hlutlausir. Þ.e. almenningur á að geta verið viss um að dómarinn sé ekki hlutdrægur, t.d rýra yfirlýsingar eða yfirlýstar skoðanir dómara á ákveðnum málum traust almennings á því að þeir geti litið hlutlaust á málefnið. Þó að dómararnir geti litið framhjá perónulegum skoðunum sínum á það að vera hafið yfir allan vafa.
Ég veit allavegana núna að ég myndi ekki vera alveg viss um að JSG myndi líta á mig og segjum t.d einhvern úr ríkisstjórninni sem jafnréttháa aðila í dómsmáli.

www.blog.central.is/runin

Fyrra álit

hannesa fyrir 19 árum, 7 mánuðum

Geir H Haarde hefur gefið góða skýringu á máli sýnu og fólk sem talar um “pólitísk tengsl” hefur ekki gefið nein rök nema afleitar samsæriskenningar.

Fyrra álit

Sblender fyrir 19 árum, 7 mánuðum

Hannes A, semsagt þér finnst umsögn hæstaréttar ekki vera nein rök fyrir því að annar maður en hann hefði átt að fá stólinn ? Eða þú einfaldlega lokar á allar aðrar skýringar eins og sannur sjálfstæðismaður…

Fyrra álit

Sikkarinn fyrir 19 árum, 7 mánuðum

Ja, núna verð ég eð vera sammála þér Sblender, Fyrst ólafur Börkur og svo þetta. Það er bara verið að sjálfstæðisvæða hæstarétt :) Humm.

Fyrra álit

BirkirHauks fyrir 19 árum, 7 mánuðum

Jón Steinar er fremstur meðal jafningja

The infamous

Fyrra álit

[Notanda eytt] fyrir 19 árum, 7 mánuðum

Ég nagaði einusinni neglurnar mínar en núna er ég eiginlega hættur því.

Fyrra álit

L4m3r fyrir 19 árum, 7 mánuðum

enn eitt dæmið hvað sjálfstæðisflokkurinn framhvæmir subbulega hagsmunaklíkupólitík
alveg viðurstygð hvað þeir ná að drulla út allt og nú er komið að hæstarétti sem er nú byrjað að ata í klíkuskít.

sorgleg afsökun fyrir stjórnmálaafl sem er ekkert annað en mafía.

Fyrra álit

Laufa fyrir 19 árum, 7 mánuðum

Af hverju er JSG ekki hæfur til að gegna þessu embætti?
Hann er einn hæfasti lögfræðingur á Íslandi og hefur margt til brunns að bera. Þó svo að maðurinn hafi skoðanir á landsmálum er hann hlutlaus er hann ver mál fyrir fólk; oftast þegar hann lætur í ljós skoðanir sínar er það annað hvort vegna skjólstæðinga sinna eða kemur lagalegum flækjum með.
Geir hefur gefið sínar ástæður fyrir ráðningunni og þær voru ekki “Hann hefur svo góðar pólitískar skoðanir”. Sumir sjá einfaldlega samsæri allsstaðar.

Eyrún

Fyrra álit

Sblender fyrir 19 árum, 7 mánuðum

“Af hverju er JSG ekki hæfur til að gegna þessu embætti?”

-Ok, það er enginn að segja að hann sé ekki hæfur til að gegna embættinu. Ef þú heldur að það sé málið þá skaltu annaðhvort leza meira um þetta eða ekki skipta þér að þessu.

“Hann er einn hæfasti lögfræðingur á Íslandi og hefur margt til brunns að bera”.

-Hæfasti lögfræðingur í hverju ? Almennri lögfræði ? Hann var ekki hæfastur í því sem við þurftum í hæstarétt, t.d. í Evrópurétti - Ekkert miðað við Eirík Tómasson.

“svo að maðurinn hafi skoðanir á landsmálum er hann hlutlaus er hann ver mál fyrir fólk”

-Það er einmitt málið, hann er búinn að vera allt og mikið í viðræðunum í stórum málum, eins og t.d. í fjölmiðlamálinu. Hann veður í pólitík, var lögfræðingur sjálfstæðisflokksins, hvað stoppar hann í því að vera hæstaréttardómi sjálfstæðisflokksins ?

Alveg yndislegt að sjá ykkur reyna að réttlæta þetta. Finnst ykkur virkilega gott að lifa við svona banalýðveldi - geðþóttastjórn. Þetta er viðbjóðslegt.

Fyrra álit

Nuwanda fyrir 19 árum, 7 mánuðum

Eyrún:

Auðvita er JSG hæfur til að sitja í hæstarétti.
Margt mælir meira að segja með því að hann ætti að fá embættið jafnvel þó að hann sé yfirlýstur stuðnings og málfylgjumaður sjálfstæðisflokksins, og jafnvel þó að hæstiréttur hafi metið aðra en hann hæfari í mati sínu á umbjóðendum, og jafnvel þó að vera megi að hann verði að víkja sæti þegar mál tengdum þessum 120 lögfræðingum sem skrifuðu undir skjalið til setts dómsmálaráðherra koma fyrir dóm, og jafnvel þó að hann sé góður og persónulegur vinur setts dómsmálaráðherra sem skipar í sætið, og jafnvel þó að hann sé bridsfélagi og opinber varðhundur valdamesta manns löggjafarvaldsins, og jafnvel þó að frændi þessa sama manns hafi verið skipaður í réttin seinast þegar að sæti losnaði þar. En þegar að þetta kemur allt saman, þá hljóta allir að sjá hversu óheppileg það er að skipa JSG í réttinn nú, sérstaklega með tilliti til þess sem á undan er gengið. Þá er kannski hægt að segja, á JSG að líða fyrir það að þekkja valdamikla menn? Nei, á hann að líða fyrir það að láta skoðanir sínar á mönnum og málefnum opinberlega í ljós? Nei, á hann að líða fyrir það að seinast þegar að skipað var í réttinn þá var frænda forsætisráðherra troðið þar inn með svo augljósri valdníðslu að fólki lá við uppgangi? Nei. Hann á ekki að líða fyrir neitt af þessu en hann á ekki að hagnast á því heldur, og hver ætlar að dæma um hvort hann gerði það eða ekki?…..óheppilegt….mjög óheppilegt. En sem betur fer þá fór svo að þó aðdragandi, ferli og aðstæður hafi verið slæmar, þá hitti svo á að góður maður varð fyrir valinu, en þegar að svona er staðið að málum er alls ekki gefið að svo beri undir. Ég fagna því að Jón Steinar sé kominn í hæstarétt, jafnvel þó hann hefði ekki verið minn fyrsti kostur, en ég fæ sting í magann þegar ég hugsa til þess hverjir og hvaða ástæður réðu því að hann var valinn.

bj

Fyrra álit

midiz fyrir 19 árum, 7 mánuðum

Skv. lögum á hæstiréttur að skila inn áliti hverjir honum þykir hæfastir. Þeir þurfa að skila greinagóðri skýrslu og rökstyðja mál sitt vel. Í öllum öðrum löndum þar sem þetta kerfi er viðhaft er í nánast öllum tilvikum farið eftir því sem dómurinn telur best. Ef ekki þá þyrfti skipandinn að hafa mjög góð rök sem ég sé ekki hér.

Málið er að nú í annað skiptið á tiltölulega stuttum tíma líta ráðherrar Sjálfstæðisflokksins framhjá dómstólnum og ræður :
a) Frænda Davíðs Oddssonar sem allir ættu að vera orðnir sammála um núna að er ekki nærri því jafn hæfur og allir aðrir sem sóttu um starfið.
b) besta vin Davíðs Oddssonar, sem er jú hæfur lögmaður og hefði komist að hjá hæstarétti næst.

Ég er ekki að ímynda mér eitthvað samsæri því það er til staðar. Þú hins vegar kýst að líta framhjá því.

Auk þess sem Jón Steinar Gunnlaugsson er í rauninni óhæfur til að fjalla um mál sem þessir 120 lögmenn sem skrifuðu undir undirskriftarlistann fara með… og þá kannski líka allra hinna sem ekki skrifuðu undir…

ég er ekki að sjá þrískiptingu valdsins hérna, ég er farin að hallast meira að einræði …

Fyrra álit

shelob fyrir 19 árum, 7 mánuðum

Vinir Davíðs eiga ekki heima í hæstarétti.

She's well acquainted with the touch of the velvet hand, like a lizard on a windowpane

Fyrra álit

Sikkarinn fyrir 19 árum, 7 mánuðum

Næsti hæstaréttardómari verður Hannes Hólmsteinn Giss. það vantar bara hann í þessa klíku.

Fyrra álit

einaraxel fyrir 19 árum, 7 mánuðum

Óháð allri hæfni eða óhæfni Jóns Steinars var Geir H. Haarde í það minnsta fullkomlega óhæfur til þess að skipa hann í þetta embætti. Það veit alþjóð að þeir eru persónulegir vinir.

(\_/)

Fyrra álit

september fyrir 19 árum, 7 mánuðum

Jón Steinar er hæfastur, hann er klár karl og frábær lögmaður. Ég treysti honum alveg til að peppa hæðstaréttinn upp og koma einhverju lífi þetta. Frábært að fá þennan fína karl í réttinn.

Fyrra álit

Beer fyrir 19 árum, 7 mánuðum

Það sem mér þykir hvað fyndnast í þessu eru pólítísk og vinatengls Jóns Steinars og Geirs H. Haarde og að Geir hreinlega leyfi sér að ráða hann.
Ég var einmitt að horfa á endursýning á Viltu vinna milljón þar sem Jón Steinar var gestur ásamt Hannesi Hólmsteini. Félagararnir gerðu sér lítið fyrir og unnu fimm milljónir fyrir góðgerðarmál. En þeir Jón og Hannes lentu í vandræðum á leiðinni og viti menn, þeir hringdu í Geir H. Haarde til að fá hjálp við eina spurningu.
Augljós vinatengsl eru þarna á milli og manni hálfblöskrar þessi ráðning sérstaklega eftir ráðningu Ólafs Börks hér um daginn.

Reyndar kemur það á móti að það er frekar ósanngjarnt gagnvart vini manns ef maður má ekki ráða hann í vinnu bara vegna þess að hann er vinur manns, þrátt fyrir að hann sé kannski hæfastur í starfið.

Ég er ekki að segja að hann sé hæfastur eða ekki hæfastur í starfið enda er ég ekki dómbær á það. En þetta vekur samt sem áður upp spurningar og gefur Hæstarétti upp vandræðalega mynd því sumir gætu sagt að þarna séu bara menn sem fá vinnu út á klíku og í raun sé ekkert að marka Hæstarétt lengur þess vegna.
Hæstiréttur hefur beðið án efa álitshnekki eftir þessar tvær ráðningar, það er augljóst.

Fyrra álit

Skaz fyrir 19 árum, 7 mánuðum

Ja núna þegar hann verður hæstaréttardómari þá má ætlast til þess af honum að hann skipti sér ekki af þjóðfélagsumræðunni?

Enda hefur það ekki verið talið rétt að hæstaréttadómarar tjái sig um mál og/eða dóma þeir gætu gert sig vanhæfa til þess að sitja yfir málum…(Jón Steinar er það nú þegar miðað við það magn frumvarpa að lögum sem hann hefur gefið álit/ráðgjöf um)

Reynið að líta á björtu hliðarnar, við losnum loksins við manninn úr fjölmiðlum með allar sínar yfirlýsingar…

Fyrra álit

thevoid fyrir 19 árum, 7 mánuðum

Það er náttúrulega hið besta mál að Geir H. Haarde skipi rammpólitískan einkavin sinn og flokksforystu Sjálfstæðisflokksins í embætti hæstarréttardómara stuttu eftir að Björn Bjarnason skipar náfrænda Davíðs Oddssonar í samskonar embætti og mun þetta vafalaust stórauka traust almennings á því að Hæstiréttur sé dómsstóll sem hægt sé að treysta á.

Ég skil ekki hvað fólk sér að þessu.

Fyrra álit

biko fyrir 19 árum, 7 mánuðum

Ég tel það af og frá að halda að staða hæstarétttardómara sé ekki pólitísk staða. Hæstiréttur er einn af þremur handhöfum ríkisvalds í landinu og þar að leiðandi í eðli sínu pólitískur og það er jafnan engin ein rétt túlkun á lögum. Hún fer eftir skoðunum manna sem oftar en ekki hengur á einhvern hátt saman við aðrar skoðanir þeirra.
Ég er ósammála veitingu stöðunnar til JSG en ég er pólitískt ósammála henni. Á sama hátt er ég ósáttur við að Halldór Ásgrímsson skuli vera forsætisráðherra en ég tel það samt ekki vera slæmt að hann skuli vera það á pólitískum forsendum.
Skipanir í hæstarétt er allsstaðar pólitískar og munu alltaf vera það meðan hæstiréttur fer með ríkisvald.

Fyrra álit

[Notanda eytt] fyrir 19 árum, 7 mánuðum

Eitt af grundvallarskilgreiningunum á lýðræðisríki er að ríkisvöldin þrjú eru aðskilin, framkvæmdarvald, löggjafarvald og dómsvald.

Fyrra álit

unsworth fyrir 19 árum, 7 mánuðum

Það skemmtilega við þetta, er það að ef dómsmálaráðherra hefði verið framsóknarmaður, þá væri Eiríkur Tómasson hæstaréttardómari

Fyrra álit

EXCALIBUR fyrir 19 árum, 7 mánuðum

Ef að að Jón Steinar hefði aldrei lýst því yfir um að hann sé sjálfstæðismaður þá hefði þessi háværa deila aldrei sprottið upp í samfélaginnu.

Svo finnst mér óþolandi þegar fólk gagnrýnir Geir fyrir að hafa ekki farið eftir umsögn hæstarétts. Svarið er ósköp augljóst, ef að hæstiréttur gæti nánast ráðið því hverjir eftirmenn hans yrðu þá myndi skapast mikil hætta á að valdaklíka myndist innan hæstarétts. Það á að láta lýðræðið ráða þessu óbeint. þessvegna eiga þeir sem sitja í ríkistjórn hverju sinni að ákveða hverjir taka sæti í dómarstöðu hæstarétts, ekki hæstiréttur sjálfur.

www.frjalshyggja.is

Fyrra álit

Deiglan

Deiglan

Ofurhugar

Hverjir eru inni

Greinar

Jón Steinar í Hæstarétt

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi