geiriv fyrir 21 árum Fjöldi lestra: 724

RÚV og Gervihnattasendingar

Gott fólk bæði hér heima og að heiman, nú ætlar Ríkisútvarpið að fara að senda kosningasjónvarp um gervihnött.

Ástæða þessara útsendinga er sögð allir þeir Íslendingar 20.000 þús segja þeir, sem búa utan Íslands verða nú að fá að vita hvað er að gerast hér heima þann 10 Maí.
Og náttúrulega einhverjir sjómenn “ fáir útvaldir því ekki nærri því öll skip ná þessum sendingum ”

Mér rann kalt vatn milli skinns og hörunds við að heyra þetta og sérstaklega við að heyra það að þetta myndi kosta okkur hundruði þúsunda eða jafnvel einhverjar milljónir “ Uss þetta er leyndarmál hvað þetta mun kosta mig og þig, svo ekki segja frá ”.

Sérstaklega stingur þetta mig af því að RÚV er rekið með hundruða milljóna tapi…..

Ég hreinlega vissi ekki að svona margir Íslendingar í Útlöndum borguðu afnotagjöldin sín ennþá ?? veit einhver tölurnar um það hvað margir brottfluttir Íslendingar borga ennþá afnotagjöld af okkar elskulega Ríkisfjölmiðli ??

Enn svona án gríns, hvers vegna í ósköpunum eigum við sem búum hérna á skerinu og erum neydd til að borga afnotagjöld RÚV fyrir að horfa á stöð tvö eða video “ flestir horfa ekki á RÚV ”
að borga fyrir gervihnattasendingar til útlanda?????

Nær væri að láta þá sem þessar sendingar eiga að ná til borga þetta sjálfir ekki satt.

Og mér er spurn hvers vegna hinn rétti kostnaður er svona mikið leyndarmál ?? er þetta svona dýrt að þeir óttast reiði almennings hér á landi.

Hvað segið þið hin um þetta mál ??

Kreator fyrir 21 árum

Jú ég er alveg sammála sjóararnir eiga að borga þetta sjálfir enda ríkir mjög…. flestir.

“spurningin er ekki hvad maður getur… heldur hvað maður gerir!” (Purrkur pillnikk, Einar Örn)

Fyrra álit

null fyrir 21 árum

Það er með ólíkindum að árið 2003 sé fólk í þessum heimi skylt að borga af ríkisreknum miðli, hvort sem hann er nýttur eða ekki. Svona batterí á auðvitað fyrir löngu að vera komið á fjárlög. En því miður virðist enginn þarna úti fatta þetta því ekkert bólar á að það verði gert. En nú eru kosningar framundan og spurning um að haga atkvæði sínu eftir því hver vill taka á þessu máli, losna við RÚV og ÁTVR. Þá væri gaman að lifa…

Fyrra álit

geirag fyrir 21 árum

null:

Að setja Ríkisútvarpið á fjárlög er litlu skárra en að rukka afnotagjöld. Afnotagjöldin eru þó allavega sýnilegur skattur! Að afnema þau og láta þess í stað skattana renna “ósýnilega” til RÚV myndi bara gera illt verra. RÚV á að selja með húð og hári, og í röðinni Rás 2 - Sjónvarpið - Rás 1, og ekki seinna en strax.

Áhugavert þessu tengt:
http://www.lagmarksriki.is/?sida=pistlar_skoda& pistill=355
(muna laga bil sem myndast í slóðinni)

Fyrra álit

Hlynur fyrir 21 árum

Hvað er verið að agnúast út í það þó að nokkrum krónum sé varið í að koma upplýsingum til mín og annarra er búa erlendis á meðan á kosningunum stendur? Þar að auki eru þetta fyrstu skrefin í gervihnattaútsendingum á sjónvarpsefni sem geta komið sér vel síðar. Þetta gæti leitt til þess að hægt yrði, síðar meir, að selja innlenda menningu til annarra þjóða, þ.e.a.s. Íslenska tónlist, kvikmyndir og fleira.

Það væri nær að kvarta undan óráðssíu núverandi ríkisstjórnar! Það er ekki minnst á glæsihallir þær sem þjóðin byggir og/eða kaupir til að hýsa sendiráð út um allan heim! Hver greiðir fyrir þann flottræfilshátt? Það eru skattgreiðendur, að sjálfsögðu! Ég segi nú bara: “giv mí a breik!”

Fyrra álit

geiriv fyrir 21 árum

Málið er það hver borgar fyrir þig sem býrð í útlöndum, ef þú býrð erlendis geri ég ekki ráð fyrir að þú borgir afnotagjöld ??
svo hvers vegna átt þú þá rétt til að horfa á ???

varðandi það að selja innlenda menningu, hvaða heilvita útlendingur fer að horfa á það sem Íslendingar vilja ekki sjá ??

Fyrra álit

Hlynur fyrir 21 árum

geiriv.

Ég hef ekki haldið bókhald yfir þá mörgu daga sem ég hef hvorki nýtt mér það að horfa á Ríkissjónvarpið né að hlusta á útvarpið í gegnum tíðina, á meðan ég greiddi fyrir full afnot. Ég greiði, það að auki, skatta og skyldur til Íslenska ríkisins þó að ég búi tímabundið erlendis. Ég er því fyrir löngu búinn að borga fyrir þessa þjónustu sem RUV hefur ákveðið að bjóða Íslendingum sem búsettir eru erlendis upp á, á meðan á kosningunum stendur!

Mér finnst þú bara sýna mér og fleirum ótrúlegan nánasarskap með því að vera að væla yfir þessu! Ef þú telur þetta vera til marks um bruðl í Íslensku þjóðfélagi, þá verður jú svo að vera. Ég gæti bent þér á verulega alvarleg dæmi um bruðl, en ég efast um að þú hafir áhuga á að heyra nokkuð um það.

“varðandi það að selja innlenda menningu, hvaða heilvita útlendingur fer að horfa á það sem Íslendingar vilja ekki sjá ??”

Hvar hefur þú alið manninn upp á síðkastið? Ég veit ekki betur en að Íslensk menning sé talin afar áhugaverð um þessar mundir? Ég veit ekki betur en að margir listamenn séu að gera það gott víða um heim! Kvikmyndir fá verðlaun á hátíðum í Evrópu og Íslensk tónlist (t.d. Björk og Sigurrós) er í mikilli sókn út um allan heim?

Fyrra álit

geirag fyrir 21 árum

Hlynur:

Þú hefðir þá væntanlega ekkert á móti því að borga eins og 500 krónum meira í afnotagjöld og láta texta allt íslenskt efni sem er sent út af RÚV? Svona fyrir áhugasömu útlendingana!

Sjálfur er ég líka búsettur í útlöndum og fagna því í laumi að fá tækifæri til að sjá kosningasjónvarp RÚV, að því gefnu að ég komist í sjónvarp sem ég má stilla eftir mínu höfði. En þrátt fyrir það hef ég fullan skilning á sjónarmiðum þeirra sem eru ekki tilbúnir að borga fyrir afþreyingu annarra, hvort sem það er með afnotagjöldum af RÚV eða sinfóníutónleika þeirra sem hlusta á klassíska tónlist. Það að splæsa í gervihnattarsjónvarp er hreint og klárt bruðl og þú sem ert búsettur erlendis og lætur borga undir rassinn á þér hefur lítinn rétt til að hrópa að greiðendum afþreyingar þinnar. Gildir þá einu hve mikið eða lítið þú horfðir á RÚV á meðan þú greiddir af því.

Fyrra álit

Hlynur fyrir 21 árum

geirag:

“Þú hefðir þá væntanlega…”

Ég geri ráð fyrir því að þú sért þokkalega kurteis og því ráðlegg ég þér að sleppa því að gera náunga þínum upp skoðanir. Ég er handviss um að það var hluti af þínu uppeldi að læra um almenna kurteisi.

“þú sem ert búsettur erlendis og lætur borga undir rassinn á þér hefur lítinn rétt til að hrópa að greiðendum afþreyingar þinnar. Gildir þá einu hve mikið eða lítið þú horfðir á RÚV á meðan þú greiddir af því.”

Nei, ég neyðist víst til að taka aftur það sem ég sagði áður. Þú ert auðheyranlega dóni og ekkert annað. Hver er að “borga undir rassinn” á mér? Ertu eitthvað verri?

Þú hefur bara þínar skoðanir á því hvað þér finnst gilda einu. Ég læt mér það í léttu rúmi liggja.

Fyrra álit

geirag fyrir 21 árum

Hlynur:

Spurningar enda á spurningamerkjum. Ég skal samt framvegis reyna orða spurningar þannig að ekki fari á milli mála að þær eru spurningar en ekki fullyrðingar.

Ég skal umorða “borga undir rassinn á þér”:
Rukka aðra um kostnað vegna þín.

Orðalagsvandkvæði sem leiða til aukins skýrleika laga ég með ánægju og fagna því að ekkert var amast við innihaldinu, bara umbúðunum.

Fyrra álit

Hlynur fyrir 21 árum

geirag:

Ég vissi ekki einu sinni að það væri til, þetta sem þú nefnir “spurningamerki” í Íslensku. Takk fyrir að fræða mig um það. Eru til fleiri svona merki í málinu?

Það er ágætt að þú áttaðir þig á dónaskapnum. Batnandi mönnum er best að lifa.

Af hverju ætti ég að amast við innihaldi þess, sem þú lætur þér um munn eða huga fara? (Sko, þarna kom spurningamerki, eins og þú kallaðir það) Mig varðar ekkert um það. Hins vegar get ég leyft mér að hafa skoðanir á því hversu merkilegt það er, en það er allt annar handleggur.

Ég hef alltaf greitt afnotagjöld af RUV og eru þeir ótaldir mánuðirnir sem ég hef dvalið t.d. erlendis án þess að nýta mér þjónustuna. Ég mun því horfa á þessar gervihnattaútsendingar án þess að votti fyrir sektarkennd.

Fyrra álit

geiriv fyrir 21 árum

Hlynur

Hvers vegna fæ ég ennþá reikningin inn um lúguna um hver mánaðamót, ef þú telur þig vera búinn að borga nóg til að hafa fullan rétt á einka
gervihnattasendingum þá ætti ég og margir aðrir að vera búnir að borga okkar skerf af RÚV.

Ótrúlegur nánasarskapur segir þú! RÚV er í bullandi tapi svo hvers vegna á að eyða peningunum í þá sem eru löngu hættir að borga fyrir þessa þjónustu, nær væri að reyna að minnka tapið…..

Reglan segir, þú borgar fyrir þjónustuna sem þú færð annars færðu ekki þessa þjónustu ekki satt ?

Fyrra álit

Titta fyrir 21 árum

Nú ekki eins og það sé verið að tala um eitthvað tilfallandi sjónvarpsefni, eins og Kastljós eða Áramótaskaupið. Það er verið að tala um alþingiskosningar, sem Íslendingar sem búsettir eru erlendis eru hluti af (þeir kjósa utan kjörstaðar).

Nánasarskapur eða ekki. Ríkið (RUV er jú ekki alfarið borgað af notendum) er að gera sitt til að sem flestir landsmenn geti fylgst með málefnum sem snertir alla.

Svo getur nú vel verið að þeir nái sér í smá aukapening í leiðinni ef auglýsendur á borð við Samskip, Flugleiði eða íslensku Ferðaþjónustuna vilja nota tækifærið og ná til þeirra sem búsettir eru erlendis.

Fyrra álit

[Notanda eytt] fyrir 21 árum

Kostnaðurinn við þessa útsendingu verður víst ekki mikill þar sem um “kynningartilboð” er að ræða.

Svo verður líka að horfa til þess að það er mögulega ódýrara að senda útum gervihnött í stað þess að reka sendanet um land allt sem telur hundruði senda og allt það viðhald sem því fylgir.

Nú þegar búið er að koma fyrir búnaði til gervihnattasendinga (sem hefur minnst verið notaður af RÚV - mest verið í útleigu) er gott tækifæri til þess að leggja niður hliðrænar sendingar á tilteknum stöðum og taka upp stafrænar sendingar frá einum stað sem nær til alls landsins, sjómiða, norðurlanda og hluta af evrópu.

Svo er líka hægt að leggja niður gömlu FM sendana líka og senda útvarpið um gervihnött með meira úrvali - jafnvel fleirri stöðvum en með minni kostnaði.

Mér finnst þetta vera gott sóknarfæri og þeir sem hafa búið erlendis vita hversu mikið gleðiefni það er að fá fréttir frá Íslandi - svo ekki sé talað um í beinni útsendingu í sjónvarpi.

Kveðja,
Hreinn Beck

Fyrra álit

Ferenzcy fyrir 21 árum

Ef það vill fá fréttir frá íslandi getur þetta lið bara farið á mbl.is.

Fyrra álit

Boozer fyrir 21 árum

ég segi bara gott mál…. það er kanski að þeir hjá RUV eru að vakna ??
marr veit ekki…

kv. Boozer…

Fyrra álit

[Notanda eytt] fyrir 21 árum

Auðvitað ættu þessir 20.000 erlendis að borga brúsann ef þeim er í svo miklum spreng að þeim dugar ekki netið til þess að komast í fréttir af klakanum.

RÚV er steindauður miðill. Ekkert orðið annað en verndaður vinnustaður fyrir “listafólk” sem kemur ekki drasli sínu að annars staðar.

Nær væri að leggja þetta niður og setja peningana sem sparast í kassa Landhelgisgæslunnar!

Fyrra álit

gummij fyrir 21 árum

Ég er einn af þeim sem borga ávallt afnotagjöldin með bros á vör, ég átta mig ekki alveg á því
hvað þið eruð að finna að því hvort RUV verði sent í gegnum gervihnött eður ei. Efnið mun að
öllum líkindum aðeins verða aðgeingilegt þeim sem eru kapaltengdir.

Annað mál sem ég hef furðað mig á í langan tíma, en það er afhverju ekki væri fyrir löngu byrjað á
því að texta allt íslenskt efni á textavarpinu, þetta heitir nú ekki textavarp fyrir ekki neitt. Einnig
finnst mér að texta eigi allt erlent efni í gegnum textavarpið, íslenskt og erlent, þá getur maður ráðið því hvort maður vilji texta eður ei.

Fyrra álit

Titta fyrir 21 árum

Aðeins þeir sem eru með móttakara eða disk geta séð þetta, það er ekki nóg að vera kapaltengdur. Og þar sem stór hluti þessara 20000 manns er námsfólk sem ekki notar svoleiðis, heldur lætur sér nægja að nota breiðbandið, þá eru nú ekki margir eftir sem munu horfa á þetta.

Fyrra álit

ganjha fyrir 21 árum

RUV hefur verið með tilraunaútsendingar um gerfihnött í marga mánuði. Ég er ekki viss hvort það er um Sirius eða Thor.

Ríkisreknar sjónvarpsstöðvar í evrópu eru flestar sendar út um gerfihnetti, þar sem ríkisstjórnir þeirra landa vilja að ríkisborgarar þeirra geti fylgst með því sem er að gerast í þeirra heimalandi sem og horft á dagskrárefni á þeirra eigin tungumáli.

Mér finnst þetta gott framtak hjá RUV.

Fyrra álit

DonCorleone fyrir 21 árum

Líklegra að sendingarnar hafi verið um Thor. Annars ætla ég ekkert að segja um þessi mál.

___________________________________________________

Fyrra álit

vhg fyrir 21 árum

Ríkið á RÚV. Þannig að það á enginn sérstakur þessar gervihnattaútsendingar. Við borgum þetta með afnotagjöldum og sköttum til ríkisins.

Fyrra álit

binnibinni2456 fyrir 21 árum

það ættiað selja þetta dæmi strax.

tja þa myndi ég gera það er nú varla hlutverk ríkisins að reka sjónvarpstöðvar….

_________________________________________

Fyrra álit

lhg fyrir 21 árum

Ég bý erlendis og mér finnst þetta rugl. Fólk getur fengið alla þá menningu sem það vill í gegnum netið. Það er hægt að hlusta á nokkrar Íslenskar útvarpsstöðvar á netinu og sjá fréttir í beinni eða upptökur af fréttum sem hentar mörgum betur. Ég segi t.d. fyrir mig að um það leyti sem fréttir eru í imbanum heima á fróni er ég í vinnu og ekki nálægt neinni tölvu. Ef ég kíki á kosningasjónvarpið, þá verður það líka gegnum netið. Annars finnst mér stjórnmál á Íslandi koma mér því minna við sem ég er lengur úti.

Fyrra álit

[Notanda eytt] fyrir 21 árum

Þar sem þetta er Ríkissjónvarpið og er rekið af ríkinu þá ber þeim skylda að gera allt sem þeir geta til að sem flestir nái útsendingum þeirra. Þó að þetta sé fáránlegt í augum sumra þá er þetta bara svona og lítið hægt að gera í því.

Þetta er bara verðið sem við verðum að borga fyrir að hafa ríkisrekið sjónvarp

Fyrra álit

mimir fyrir 21 árum

Þó þér líki það illa þá hefur þessi þjóð ákveðið að reka ríkisfjölmiðil.

RÚV hefur ákveðið að veita íslenskum ríkisborgurum og kjósendum þá þjónustu að geta fylgst með kosningavökunni um gerfihnött.

Afnotagjaldið mun ekki hækka vegna þessarar kvöldstundar.

Legðu við hlustir næst þegar sagt er frá fjölmiðlakönnun því það eru einmitt flestir sem horfa á RÚV.

Það kæmi mér verulega á óvart ef kostnaður af þessu á hvert mannsbarn næði upp í tíkall. Líklega nær það ekki einu sinni fimmkalli. Ertu virkilega svona nískur?

Mun dýrari er auglýsingaherferðir stjórnmálaflokkanna fyrir þessar kosningar sem hleypur líklega á hundruðum miljóna.
Gettu hver borgar fyrir það að lokum.

Fyrra álit

Deiglan

Deiglan

Ofurhugar

Hverjir eru inni

Greinar

RÚV og Gervihnattasendingar

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi