JHG fyrir 21 árum, 7 mánuðum Fjöldi lestra: 1289

Hvernig er farið með bílana okkar?

Hvernig er farið með bílana okkar?

Bíll er ein mesta fjárfesting sem við leggjum í. Með því að kaupa bíl þá öðlumst við einkarétt til að nota hann eða leyfa öðrum að keyra eftir því sem við ákveðum sjálfir. Við bílaáhugamenn hugsum yfirleitt vel um okkar bíla og pössum okkur að misnota þá ekki, og ef við gerum það þá erum það við sem borgum reikninginn.

En hvernig er með þá sem þjónusta bílana okkar?

Ég rakst á þráð á Mustang síðu um misnotkun starfsmanns bílaumboðs á bíl viðskiptavinar:

http://65.31.67.109/showthread.php?threadid=29134&p erpage=15&pagenumber=1

Viðskiptavinur kom með nýjan Ford Mustang Cobra blæjubíl í athugun þar sem að hún var ekki alveg ánægð með hann. Hún tók það sérstaklega fram að hún vildi ekki að einhverjir bílaböðlar færu að leika sér á bílnum (maður á nú ekki að þurfa að taka það fram) en engu að síður tóku tveir starfsmenn sig til og tóku bílinn á yfirgefna flugbraut þar sem að bíllinn var settur upp í 140 mílna hraða. Ekki nóg með það þá fór annar þeirra að gorta sig af þessu á netinu og gaf upp hvaða bílaumboð þetta væri og númerið á bílnum (hversu vitlaus geta menn verið).

Nú hafa bílaáhugamenn frá öllum heimshornum (og tegundum) lýst vanþóknun sinni á þessu og allavegana starfsmaðurinn sem keyrði fengið skjót starfslok en eigendurnir eru að undirbúa málsókn á hendur umboðinu.

Þetta varð til að ég fór að hugsa um það hvernig þeir sem treyst er fyrir bílunum okkar hugsa um þá.

Þegar ég var nýbúinn að kaupa minn TransAM þá fór ég með hann í smurningu (sem ég sé vanalega um sjálfur, var eitthvað latur). Smurstöðin (sem ég ætla ekki að gefa upp hver var, svo hröð starfsmannavelta á þessum stöðum að sá sem er ábyrgur er örugglega löngu hættur) var rétt hjá mínum vinnustað svo ég skildi bílinn eftir og sótti hann í lok dags.

Það sem ég var óánægður með var að planið var með ansi mörgum svörtum gúmmírákum sem pössuðu við mína dekkjabreidd (sem ég hafði ekki séð um morguninn) þegar ég sótti bílinn. Einnig var þarna nýr BMW þristur og voru einhverjar rákir líklegast eftir hann (þær voru allavegana við það stæði og sama dekkjabreidd).

Eftir þetta þori ég ekki að fara frá þegar það er unnið í mínum bílum. Ég var mjög pirraður en gat ekkert sannað. Eflaust hafa fleiri bílaeigendur lent í því sama.

Mér finnst það ótrúlegt að menn skuli leyfa sér þetta, maður er að borga þeim fullt verð fyrir þjónustu og þeir misnota bílinn í staðinn.

Eflaust eru flestir starfsmenn bílgreina vandir að virðingu sinni en þessir bjánar eyðileggja orðstýr hinna. Nú spyr ég ykkur, hafið þið lent í einhverju í þessa veru?

JHG

shadowman fyrir 21 árum, 7 mánuðum

Pabbi fór með bílinn sinn í stillingu('87 ch van), ekki nóg með að bíllinn væri verr stilltur eftir verkstæðisferðina, þá var búið að baka utaní eitthvað og afturbrettið beyglaðist aðeins, snúningsitemið fyrir svissinn brotið og startarinn nánast eyðilagður, því miður fattaðist þetta ekki fyrr en nokkrum dögum seinna, þá dó startarinn og síðan losnaði svissitemið sem augljóslega hafði verið límt.

Old Chevy's never die, they just go faster

Fyrra álit

joipalli fyrir 21 árum, 7 mánuðum

Ég er mest hræddastur við, ef einhver tekur hann ófrjálsri hendi í svona skoðun. Viðkomandi klessir bílinn gjörsamlega ónýtan, ef þetta er sjaldgæf tegund þá verður bílinn vart bættur.

Er ekki hægt að krefjast þess að þeir eða tryggingafélagið flytji inn annan slíkan?

Fyrra álit

JHG fyrir 21 árum, 7 mánuðum

joipalli skrifaði:

“Ég er mest hræddastur við, ef einhver tekur hann ófrjálsri hendi í svona skoðun. Viðkomandi klessir bílinn gjörsamlega ónýtan, ef þetta er sjaldgæf tegund þá verður bílinn vart bættur.”

Það kom eitt svona dæmi upp í Cleveland (ef ég man rétt).

Mann nokkurn hafði alla tíð dreymt um að eignast Porsche. Rétt áður en þeir skiptu yfir í vatnskældar vélar keypti hann nýjan Porsche með loftkældri vél.

Starfsmaður Dekkjaverkstæðakeðju (en bíllinn var í dekkjaskiptum) tók bílinn ófrjálsri hendi, keyrði mjög greitt og endaði með að rústa bílnum (kom ekki fram hvort starfsmanninn hafi sakað).

Þetta kom í öllum fréttatíma þar vestra og eyðilagði orðspor fyrirtækisins.

Fyrirtækið keypti nýjan Porsche handa karli en þá voru aðeins til vatnskældir bílar svo ekki var hægt að bæta tjónið að öllu leiti.

Skömmu seinna fór keðjan á hausinn, væntanlega vegna þess að bílaeigendur sniðgengu hana.

Ef það sannaðist hér á landi að þjónustuaðili hafi skemmt bíl þá bætir tryggingafélag þess aðila tjónið (með eins góðu geði og með önnur tjón).

Ég hef reynslu af því þar sem að smurstöð eyðilagði fyrir mér hásingu en það kostaði mikið stríð að toga peningana út úr tryggingafélaginu (en hafðist að lokum :). Þeir ætluðu meira að segja að fara að leita af drasli á partasölum en sem betur fer er erfitt að finna 4.88 hlutfall og læsingu í 12 bolta GM hásingu á partasölum. Urðu því að kaupa allt nýtt ($$$)

JHG

Fyrra álit

spraekur fyrir 21 árum, 7 mánuðum

Ég ætla aldrei að skilja bílinn minn eftir nokkrustaðar án þess að þekkja til starfsmannana. Ég lennti í því þegar það var nýbúið að smíða undir bílinn minn pústkerfikerfi (camaro Z28 4th gen) að verkstæðisgaurinn bakkaði bílnum út fyrir framan mig, snéri við og reykspólaði út á götu fyrir framan mig ! Ég hafði ekki ráðrúm til að láta hann vita að bremsurnar á bílnum voru alveg fuckt á þessu tímabili. Ég heyrði dekkja ýskur í fjarska og bað til guðs að ekkert hafði gerst, svo kom maðurinn og kommentaði á bremsurnar. Ég hefði brjálast ef eitthvað hefði komið fyrir ! Sem betur fer gerðist ekkert, en það hefði hæglega eitthvað getað gerst.

Er ekki málið bara að gera eins og porsche ? Setja tölfukubbs læsingu þannig að þú getur bara snúið bílnum 2500rpm og ekki farið hraðar en 30 eða 35km hraða ? Kannski full dýrt og fyrirhafnar samt, en flestir virða nú eignar rétt annarra held ég … Þetta eru þá bara stráka fífl sem eru að þessu í flestum tilfellum er það ekki ?

Fyrra álit

dadi3859 fyrir 21 árum, 7 mánuðum

Þetta er mjög snjöll lausn hjá porsche og alveg ljóst að hún hefur komið í veg fyrir tjón og misnotkun. Kunningi minn sem tók á móti bílum í eimskip ætlaði að grenja þegar hann tók á móti 911 turbo porsche og uppgötvaði að hann kommst ekki yfir 30 km/klst :)

Daðmundur hinn spaki

Fyrra álit

[Notanda eytt] fyrir 21 árum, 7 mánuðum

30 km/klst ertu eikkað bilaðu

Fyrra álit

ih8 fyrir 21 árum, 7 mánuðum

Mér er nú alltaf illa við að skila eftir bílinn minn í höndum annarra eftir að ég sá starfsmann á ónefndu dekkjaverkstæði hér í bæ reykspóla á nýjum BMW eftir dekkjaskipti. Þetta er náttúrlega fáránlegt að starfsmenn skuli leyfa sér þetta á bílum viðskiptarvinarins.

Mig minnir að svona læsingar system hafi verið á nýju corvettunni, þegar ríku pabbarnir voru að lána strákunum bílanna sína þá læstu þeir þeim bara þannig að þeir keyrðu bara á 4 eða 6 strokkum.

I WAS BORN FOR DYING!

Fyrra álit

JHG fyrir 21 árum, 7 mánuðum

ih8 skrifaði:

“Mig minnir að svona læsingar system hafi verið á nýju corvettunni, þegar ríku pabbarnir voru að lána strákunum bílanna sína þá læstu þeir þeim bara þannig að þeir keyrðu bara á 4 eða 6 strokkum.”

Þessi búnaður kom með C4 Corvettunni, ég hef ekki séð hann í boði fyrir C5 en það má vel vera að hann sé ennþá í boði.

JHG

Fyrra álit

soulwatcher fyrir 21 árum, 7 mánuðum

hmm ég verð að spyrja: var það hjá Einari 8-villta?
hef heyrt að það hefur verið að testa kerfinn í bílunum.. (veit ekki hvort það eru starfmenn eða viðskiptavinir) en hann Einar fór oft í rúnt til að testa kerfinn

Why complain?

Fyrra álit

JHG fyrir 21 árum, 7 mánuðum

Ég frétti af einum sem var að stilla Jaguar XJ6, hann tók bílinn í “prufutúr” eftir stillinguna, þrykkti honum upp á snúning og bræddi úr vélinni. :( Ég held að hann hafi á endanum orðið að gera vélina upp en ég man að það var mikið strögl út af þessu.

Flestir sem ég kannast við hafa lent í því að hafa grun um mistnotkun á bíl sínum, en yfirleitt skortir sannanir.

Þetta er það algengt að eigendur verkstæða/smurstöðva/bónstöðva hljóta að hafa heyrt um þetta en gera lítið sem ekkert til að koma í veg fyrir þessa misnotkun.

Svo tekur maður við bílnum, heyrir eitthvað aukahljóð og verkstæðið kannast ekki við neitt og eigandinn situr uppi með tjónið.

JHG

Fyrra álit

flat6 fyrir 21 árum, 7 mánuðum

Bróðir minn vann á bílaþvottastöð í rvk fyrir 2árum síðan, hann var að segja mér frá því þegar einn maður kom með nýja bensann sinn á þvottastöðina og hann átti að vera tilbúinn þegar maðurinn kæmi aftur, því hann sagðist vera að fara úr bænum. En seinna um daginn fóru 2 starfsmenn, sem voru að vinna á þvottastöðinni, á bílnum til að leika sér á!!

Accent ‘95 - Micra 2,0GTi ’96

Fyrra álit

Rx7 fyrir 21 árum, 7 mánuðum

Sauði sem leifa sér að gera svona á náttúrulega að taka og brennimerkja (eða bara kýla smávegis, fer eftir smekk).

Rx7

Fyrra álit

Mal3 fyrir 21 árum, 7 mánuðum

Mig vantar slóðina, en eigandi frekar fágætrar útgáfu af Porsche 928 (minnir að það hafi verið GT, man ekki upp á hár hvað var svona spes, en bíllinn var perfect condition, með bestu eintökum) setti upp vefsíðu þar sem hann sýndi hvað kom fyrir bílinn hans þegar starfsmaður bílageymslu var að leggja bílnum “á litlum hraða”.

Ég hefði grátið ef ég hefði verið hann og kært svo helvítin. Versta var að bíllinn var manninum í raun óbætanlegur því hann vildi alveg eins bíl sem var mjög erfitt.

Fyrra álit

gje fyrir 21 árum, 7 mánuðum

ég fór með bmwinn minn í vélarþvott á einni bónstöðinni hér í bæ. ég þurfti að látann kólna í svona 30 mín þannig að ég skrapp bara frá, en sagði við gaurinn: þið keyrið ekkert bílinn minn. og hann varð þvílíkt móðgaður og sagði bara ha? og ég endurtók þetta og hann varð ennþá móðgaðari og spurði bara hvort það væri ekki allt í lagi og svo nei. ég kíkti á akstursmælinn og skrapp svo í burtu :) þess má geta að þeir keyrðu hann ekki. en svo hefur maður heyrt af gaurum á bónstöðvum sem hafa gjöreyðilagt bíla á meðan þeir voru í “bóni”. ´svo hef ég nú horft á fyrrverandi starfsmann bónstöðvar sem btw. var ekki einusinni með bílpróf taka bíla og spóla á þeim til fjandans og keyra þá eins og löggan væri á eftir honum. hræðilegt að sjá þetta :(

Fyrra álit

JHG fyrir 21 árum, 7 mánuðum

gje skrifaði:

“…svo hef ég nú horft á fyrrverandi starfsmann bónstöðvar sem btw. var ekki einusinni með bílpróf taka bíla og spóla á þeim til fjandans og keyra þá eins og löggan væri á eftir honum.”

Maður skilur ekki hvað svona starfsmenn eru að hugsa. Í fyrsta lagi eiga þeir ekkert með það að fara með bílinn og í öðru lagi þá vita þeir ekkert um ástand bílsins.

Eigandinn veit kannski af einhverju sem er orðið veikt og þarf að laga. Hann keyrir þá bílinn í samræmi við það. Svona meðferð gæti orðið til þess að smá vandamál verði stórt tjón. Ég hef grun um að þeir væru ekki í góðum málum ef þeir myndu rústa gírkassa eða afturdrifi í svona joyride.

JHG

Fyrra álit

[Notanda eytt] fyrir 21 árum, 7 mánuðum

Jú, maður er búin að heyra margar svona sögur og þetta er ávallt sorglegt. Það er eitt sem við getum gert og það er að láta eiganda bílanna vita ef við sjáum einhvern vera að þrykkja þeim þegar við komum með okkar bíl í smurningu eða slíkt.

Og auðvitað á maður ekki að skipta við þessi fyrirtæki. Ég hef hinsvegar oftast heyrt þetta á bílasölum. Ef maður kemur með góðan bíl þangað þá fer staffið á bílasölunum út í bíltúr. Ég man vel eftir frænda mínum sem átti þokkalegasta bíl.
Nema hvað hann fer með bílinn sinn á bílasölu, fer í burtu og fattar svo að hann gleymdi einhverju í bílnum þannig að hann fer beint tilbaka. Neinei, þá segir maðurinn á sölunni að hann sé í reynsluakstri (15 mínútum eftir að hann kom með bílinn) en frændi ákveður að bíða. Þegar hann er búin að bíða í klukkutíma með tilheyrandi pirringi þá er farið að sjóða á kallinum, hann hótar að hringja í lögguna og hvaðeina en bíður samt áfram á sölunni. Eftir tvo klukkutíma kemur svo hinn sölumaðurinn tilbaka á bílnum, með fullt af innkaupapökum úr Hagkaup! Búin að rúnta bæinn í rúma tvö tíma á bílnum sem átti að standa á sölunni.

Ég fer alltaf með minn bíl á sömu smurstöð þar sem hef þekkt strákana þar í 10 ár, ég þríf hann sjálfur, fer alltaf með hann á sama verkstæðið og nú þegar bíllinn stendur á sölu þá leyfi ég ekki reynsluakstur og tek kílómetratöluna. Það hreyfir engin þennan bíl án míns leyfis.

Það væri heldur ekkert vit í því að hleypa t.d. einhverjum nýkomnum með próf á 315 hestafla bíl í bleytunni eins og er úti núna. Það myndi MJÖG LÍKLEGA enda utanvegar.

Það ætti náttúrulega að vera hægt halda úti einhverri svona kvartana síðu fyrir svona dæmi.

Fyrra álit

JHG fyrir 21 árum, 7 mánuðum

bebecar skrifaði:

“…hann fer með bílinn sinn á bílasölu,…Eftir tvo klukkutíma kemur svo hinn sölumaðurinn tilbaka á bílnum, með fullt af innkaupapökum úr Hagkaup! Búin að rúnta bæinn í rúma tvö tíma á bílnum sem átti að standa á sölunni.”

Er þetta ekki þjófnaður?

JHG

Fyrra álit

[Notanda eytt] fyrir 21 árum, 7 mánuðum

Jú, ætli það ekki. Mig minnir reyndar að hann hafi hringt á lögregluna. En það eru sirka 10 ár síðan að þetta var þannig að sumt breytist ekki.

Það var t.d. engin GSM til að hringja í kauðann og segja honum að drullast tilbaka.

Við sem eigum bíla sem á einhvern hátt kunna að vekja athygli hvort sem það er vegna véla eða útlits eða bara sjaldgæfni. Við þurfum að passa mjög uppá þessi tæki.

Fyrra álit

flat6 fyrir 21 árum, 7 mánuðum

Ég nyndi ekki vilja setja bílinn minn á sölu í rvk. Það getur hver sem er gomið að prufa bílanna og farið að leika sér á þeim, ég veit þetta því ég geri þetta oft, fæ að taka í einhverja flotta bíla. Ég fer þó ekki illa með þá, gef auðvitað aðeins inn en fer ekki illa með þá. Ég myndi frekar vilja eyðileggja minn eigin bíl heldur en bíl sem einhver annar á. En ég veit að það eru alls ekki allir sem hugsa svona.

Accent ‘95 - Micra 2,0GTi ’96

Fyrra álit

[Notanda eytt] fyrir 21 árum, 7 mánuðum

Þú getur reyndar bannað reynsluakstur og margir bílar eru skráðir þannig í söluskrám. Og ég hef séð menn framfylgja því.

Fyrra álit

soulwatcher fyrir 21 árum, 7 mánuðum

eða bara haldið sjálfur lyklinum ;) og beðið þá að hringja ef einhver vil prufukeyra bílinn. annars hefur þetta öfug áhrif á mig og ég missi áhugan á bílnum vegna tímaeyðslu sem tekur að ná í suma eigendur.

Why complain?

Fyrra álit

[Notanda eytt] fyrir 21 árum, 7 mánuðum

Ég þori ekki að skilja minn eftir neinstaðar með lykli.
Ef það brotnar drif í bílnum mínum skal það vera ÉG sem brýt það. Og hana nú!

Fyrra álit

axyne fyrir 21 árum, 7 mánuðum

ég fór með bílinn minn í skoðun núna um daginn í bænum var rétt fyrir 6 og það átti að vera opið til 6. það var ekki upppá höfða heldur á staðnum þarna við höfnina eitthvað svoleiðis.

jæja gamann kall kemur og ætlar að aka með hann í gegn. og ég svona sá á honum að hann var frekar eitthvað pirraður þannig ég bíð úti á meðan hann ekur honum í gegn, bara svona fylgjast með.

okey kallinn byrjar á að setja í gang og þenur bílinn alveg fáránlega. ætlar síðan að aka af stað. drepur á. jæja okey svona skeður. síðan kveikir aftur þenur aftur og drepur aftur á bílnum. ég svona var farinn að óttast um bílinn minn. jæja hann kveikir á þenur, og já rétt kemur honum af stað.

síðan ekur hann bílnum alveg á fleygiferð inní bremsutjekkidæmið. og bílinn alveg skopppar í því jæja síðan tjekkar hann að aftan líka gerði það reyndar betur.

nú ég labba til kallsins og spyr hvort það sé ekki alltílagi með hann bara svona rólega.

kallinn bara byrjar að æsa sig þvílíkt og dæmi mar. segir að hann nenni ekkert að vinna svona rétt fyrir lokun hann á að vera komin heim og algjör læti.

bíllinn stóðst skoðun en eitt er víst aldrei ætla ég aftur að fara þangað að láta skoða bílinn.

Fyrra álit

Mal3 fyrir 21 árum, 7 mánuðum

Þetta var væntanlega í Athugun niðri hjá Sundahöfn? Það er einmitt staðurinn sem ég fer alltaf á og er mjög sáttur með. Vissulega er þetta algerlega út af kortinu að þola svona þjónustu!

Annað mál er að það taka því fæstir vel að vera spurðir hvort það sé ekki “allt í lagi með þig?” nema viðkomandi þjáist af veikindum eða álíka ;)

Mun meira dipló að spyrja hvort að það sé t.d. eitthvað vandamál með bílinn. :)

Fyrra álit

soulwatcher fyrir 21 árum, 7 mánuðum

ég treysti eiginlega ekki bónstöðum.. sérstaklega ekki eftir að ég var með 2 eða 3 náungum sem voru alltaf að monta sig = sirka 15-16 ára , er enn að spá hvernig þeir fengu vinnuna þegar maður þarf að vera með bílpróf til að vinna á bónstöð.

Ég þekki eiganda á bónstöð og ég get fengið mjög góðan afslátt af þvotti og bón þjónustu en ég hef ekki enn notað þessa þjónustu vegna þess mér líkar betur við að gera þetta sjálfur og fyrir mun minna verð.

Annars vinn ég á réttingarverkstæði og ég segi að maður sér fullt af fólki sem horfir á mann eins og fjandan sjálfan þegar maður er að fara keyra bílinn þeirra inn :/ = það treystir ekki 18 ára ökumanni til að keyra inn.

Annars er það oftast skrárra í framkomu eftir að það sér að maður fer hægt og varlega með bílana.
Margir sem heimta að fá að keyra sjálft inn , frekar en að leyfa manni að gera þetta fyrir það. (sumir eru sama og leyfa manni að keyra bílinn inn/út á meðan það er á skrifstofunni)

Why complain?

Fyrra álit

soulwatcher fyrir 21 árum, 7 mánuðum

hmm hljómaði vitlaust: “sérstaklega ekki eftir að ég var með 2 eða 3 náungum sem voru alltaf að monta sig = sirka 15-16 ára” rétt sagt: “sérstaklega ekki eftir að ég var með 2 eða 3 náungum í grunnskóla/bekk sem voru alltaf að monta sig = sirka 15-16 ára”

Why complain?

Fyrra álit

stannoinn fyrir 21 árum, 7 mánuðum

Einu sinni fór ég fyrir félaga minn að ná í Toyotuna hans á ónefnt réttingaverkstæði. Þeir voru með hann inni þegar ég kom og svo bakkaði einn gaukurinn honum út. Úti á planinu fyrir utan var mikið svell. Gaukurinn bakkar alveg út, rífur svo í handbremsuna og bíllinn snýst og lendir með frambrettið á nokkur vörubretti sem var staflað þarna upp. Beint fyrir framan á augun á mér reif hann í handbremsuna. Ég hringdi í félaga minn sem átti bílinn og hann kom saltvondur og skammaðist við þá.

Þetta sýndi að þeir bera ekki neina virðingu fyrir bílum sem er verið að koma með til þeirra né viðskiptavinum.

Og þarna í sambandi við Athugun við Sundahöfn læt ég alltaf skoða bílinn minn þar, og hef lent á þessum gamla, sem er stundum úrillur. Maður er hinsvegar heppinn ef maður fær þarna lítinn þybbinn mann sem heitir Gísli og er mjög sanngjarn og almennilegur maður og er ekki með neina stæla, einsog einn ónefndur skoðunarkall hjá Frumherja í árbænum sem gaf mér endurskoðun fyrir nokkru fyrir að vera með Liverpool límmiða á númeraplötunni. Nafnið hans rímar við Hnútur og ekki fara til hans á mánudögum, né rétt fyrir lokun.

Fyrra álit

octavo fyrir 21 árum, 7 mánuðum

Ef ég skil bílinn minn eftir tek ég alltaf mælastöðuna.

Skoðanir Octavo eru hans eigin og gætu því stangast á við skoðanir annarra á Huga. Þér er velkomið að:

Fyrra álit

sudan fyrir 21 árum, 7 mánuðum

Mal3 héna er slóðin á porsche síðuna um þegar hann var eyðilagður af breskum bílastæðaverði
http://www.baparkingcrashedmycar.co.uk/

Fyrra álit

v8mann fyrir 21 árum, 7 mánuðum

ég reyni alltaf að vera með þegar ég neyðist til að þurfa láta einhverja aðra gera við camaroinn og ef einhver myndi keyra bílin án mín leyfis myndi ég kæra hann enda hefur aðeins einn maður keyrt bílin síðan ég keypti hann sem er orðið rúmlega ár síðan og sá aðili missti prófið á staðnum..

ég fór með hann á verkstæði um daginn og þeir tóku hann meðan ég var í vinnuni.. þegar ég kom sögðust þeir hafa þurft að útbúa smá pall til að ég kæmi honum inn vegna framspoilersins.. þá datt mér í hug að lýta á hann og sá að hann hafðpi greinilega rekið hann harkalega í því hann var allur laus og skakkur.. ég nefndi þetta við hann og ég var bara rekin út með látum

Fyrra álit

Mal3 fyrir 21 árum, 7 mánuðum

Takk!

Fyrra álit

zazou fyrir 21 árum, 7 mánuðum

Ef maður vill sleppa við svona áhyggjur keyrir maður
bara um á Tojjotu Kóróllu *æl* >;-)

Fyrra álit

Hlynzi fyrir 21 árum, 7 mánuðum

Ég hef nú ekki lennt í þessu svona slæmu , en eitt svipað þar sem ég hef góð sambönd á einum stað get ég treyst liðunu þar og hef lennt í einu svipuðu þar sem ég og pabbi vorum að skipta um klossa og bílinn smá stund að taka við sér í bremsukerfinu eftir svona breytingu , þá keyrði hann á annan bíl , á 10 km hraða or some , sem betur fer kom annað óhapp uppá sem var öðrum að kenna , klest á bílinn á sama stað nema stærra og tryggingar borguðu tjónið , (hinn aðilinn olli því )

Fyrra álit

gogsi fyrir 21 árum, 7 mánuðum

Fyndið þegar menn segjast alltaf hafa gert hitt og þetta þegar þeir létu í raun gera það fyrir sig.

En allavega, ég vinn á réttingar verkstæði og þar er enginn sem misnotar bílana. Þessu er bara keyrt inn og út ósköp rólega. Þannig að ég held að við ættum ekki að dæma alla á nokkrum fávitum.

Fyrra álit

JHG fyrir 21 árum, 6 mánuðum

“Fyndið þegar menn segjast alltaf hafa gert hitt og þetta þegar þeir létu í raun gera það fyrir sig.”

Ég sé ekki alveg hvað þetta kemur þræðinum við…en ætla samt að svara því.

Sumt gerir maður sjálfur og annað ekki. Það fer eftir hvort nákvæmni þarf að vera það mikil að mann skorti græjur og stundum spilar tímaleysi stóra rullu.

Ég var t.d. að lagfæra ryðskemmdir, sparsla og sprauta grjótvörn og grunn á japanska dós um helgina (með sprautukönnu ekki brúsa) og ætla að sprauta lakkinu á einhvern næstu daga. Ég myndi samt ekki sprauta minn Transam sjálfur. Hann vil ég fá sprautaðann í klefa (útaf ryki) og lakkið bakað á (ofninn minn er of lítill ;).

Ég hef gert upp/tjúnað/skipt um/mixað vélar í bíla, hækkað upp bíla, sprautað, lækkað gólf og margt fleira. Það segir samt ekki að ég megi ekki skipta við þjónustuaðila þó ég geti gert þetta sjálfur.

Stundum borgar sig að fá menn með réttu tækin til að gera hlutinn fyrir sig. T.d. er ég alveg hættur að gera pústkerfi, það er svo ódýrt að láta gera það fyrir sig.

Það er heldur ekki verið að dæma alla eins og segir í greininni:

“Eflaust eru flestir starfsmenn bílgreina vandir að virðingu sinni en þessir bjánar eyðileggja orðstýr hinna.”

Það er gott að heyra að þið misnotið ekki þá bíla sem ykkur er treyst fyrir :)

JHG

Fyrra álit

gogsi fyrir 21 árum, 6 mánuðum

JHG:

Þetta er bara spurning um þegar menn taka óbeint kredit fyrir hluti sem þeir hafa ekki gert sjálfir. Þú veist hvað ég er að tala um. Eigendur sem segja stoltir “ÉG skipti um þetta og ÉG gerði þetta og hitt” 5 mínútum eftir að bíllinn er sóttur af verkstæði. Ég er alls ekki að setja út á einn né neinn sem fer með bílinn sinn á verkstæði ekki misskilja mig. Hef oft gert það sjálfur.

Fyrra álit

JHG fyrir 21 árum, 6 mánuðum

Það er alltaf eitthvað um það, maður les nú um það í bílablöðunum að einhver tók t.d. 69 módel af Camaró í gegn. Þegar maður les lengra þá lét hann gera allt fyrir sig.

Þó ég telji mig nokkuð sjálfbjarga þegar kemur að bílum þá vel ég stundum að láta einhvern annan gera ákveðin verk eða verkhluta ef ég tel að sá geti gert þetta betur en ég. Oftast er það þegar töluverðir fjármunir eru í húfi.

Ég held að fæstir í sömu stöðu myndu segja að þeir hefðu gert það sjálfir….en það eru jú samt alltaf til óheiðarlegar undantekningar :(

JHG

Fyrra álit

Bílar

Bílar

Ofurhugar

Stjórnendur

Hverjir eru inni

Greinar

Hvernig er farið með bílana okkar?

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi