Rosalega er ég sammála þér! Ég er samt í aðeins öðruvísi aðstæðum, búin að finn kallinn, komin með bú og barn á leiðinni :P
En veistu, ég veit ekki hvort þetta sé óléttan eða hvað, en karlmenn eru farnir að fara alveg rosalega í taugarnar á mér! Ég er alveg guðs-lifandi-fegin að ég sé ekki út á markaðnum ennþá! Sögurnar sem ég heyri frá vinkonum mínum eru bara algjör hryllingur. Það eina sem þeim dettur í hug að segja er “kemuru að ríða?” eða “kemuru á djammið?” með glott-glampann í augunum um að fá vonandi að ríða! Og þá er ég ekki að meina að þær séu að leita á djamminu heldur þær kynnast þær strákum og þetta er það eina sem þeir vilja!!
Svo eru karlmenn um tvítugt og undir orðnir svo andskoti kvenlegir! Ég var einu sinni mjög mikið með því að þeir væru svolítið metro en ég þroskaðist sem betur fer upp úr því, ég bara gæti ekki meikað gaur sem færi í ljós eða í hadsnyrtingu eða klippingu á mánaða fresti! Svo halda þeir að af því að þeir eigi svo ógeðslega “flotta” bíla þá þurfi þeir ekki að hafa fyrir neinu. Bara sýna stelpunni bílinn og þá er hún föst í netinu. (reyndar hefur verið sagt að það sé til ógrynni af svoleiðis stelpum en ég neita að trúa að þær séu eldri en 14 ára).
Talandi um kvenleikann þá var ég í Jack & Jones um daginn að leita að gallabuxum á kallinn og þar inni eru 5 gaurar saman að versla! GAURAR SAMAN að versla!?!? Og mér heyrðist meirasegja einn þeirra segja “oj maður þetta snið fer þér svo ekki!”. Þú veist, halló?! Hvað er að!? Og tónlistin sem þetta lið hlustar á, jakk! Ég get alveg hlustað á lög af FM, nýja Britney lagið er mergjað :P En það er bara úber hallærislegt að vera að blasta hundlélegt tekknó með geldollu í hárinu og vera á litinn eins og gulrót!
Svo er heldur ekkert meira töff að vera feiminn og inní sér og þora ekki að spjalla við stelpu af að… Hún gæti bitið? Þú veist, óöryggi er alveg einstaklega óaðlaðandi! (vitlaust stafsett?). Það er eitthvað svo aumingjalegt að vera alveg eins og lítill hvolpur sem er svo hræddur við kisu.
Svo er þetta artí fartí lúkk orðið svo hundleiðinlegt! Strákar í niðurþröngum gallabuxum með tannstönglalappir í úber neonlitaðri 90's peysu? Eða goth-in, ég ætla ekki einu sinni að tala um það. Málið er að þeir eru ekkert að pæla neitt minna í lúkkinu heldur en hnakkarnir, þeir gera það bara á öðruvísi hátt. Svo hlusta þeir allir bara á einhverjar underground hljómsveitir sem enginn þekkir af því að þeir eru svo mikið að reyna að “stand out” að það er ekki hægt að eiga við þá venjulegar samræður, því allt venjulegt er auðvitað bara sellout eða eitthvað álíka.
Ég veit að þetta svar er fullt af fordómum og alhæfingum en mér er sama. Fyrir manneskju sem er á föstu, þá lýtur markaðurinn svona út, því miður. Held ég myndi bara alfarið einbeita mér að stelpum ef ég væri ekki á föstu núna, svei mér þá.