Tvö aðskilin mál.

Það hefði allan tímann átt að kjósa um hvort Íslendingar vildu sækja um aðild að ESB áður en í það ferli var farið. Ef Íslendingar eins og skoðanna kannanir sýna hefðu fellt umsókn að aðild í ESB þá hefði bæði tími og peningar sparast og ríkisstjórnin hefði getað einbeitt sér að klára önnur mikilvægari mál.

Nú úr því sem komið er þá er ég ekki sammála sjálfstæðisflokknum né framsókn að við eigum að hætta við ferlið. Við eigum að bíða eftir að samningarnir komi upp á borðið, jafnvel þó mér skilst að það er ekkert sem heitir samningaviðræður þegar kemur að ESB heldur einungis aðlögun landa að reglukerfi ESB. Þetta þýðir að Ísland missi völdin yfir fiskimiðunum sínum til dæmis og ég veit ekki hvort þjóðin sé tilbúin til þess. Því er mikilvægt að kosið verður um aðild að ESB og að kosningarnar verði endanleg niðurstaða en ekki ráðgefandi eins og Samfylkingin virðist vilja hafa það.

Mér skilst að þú sért að tala um stjórnaskránna sem stjórnlagaráðið gerði þá á vissulega að fá að kjósa um hana. Veit ekki hvað Sjálfstæðisflokkurinn og Framsókn eru að hugsa þar. Best hefði verið að kjósa um stjórnarskránna samhliða forsetakosningum en vegna óskipulag ríkisstjórnarinnar sem setti málið alltof seint á dagskrá þá var það því miður ekki hægt.

Hvorugt held ég.

Sjálfstæðisflokkurinn vill standa utan ESB og allar skoðanakannanir sýna að Íslendingar myndu kjósa gegn aðild ef til þess kæmi, svo þetta er besta leiðin fyrir Sjálfstæðisflokkinn til þess að reyna koma í veg fyrir inngöngu í ESB á meðan þeir eru í stjórnarandstöðu, þ.e. að halda áfram áróðri gegn ESB og ýta á þjóðaratkvæðagreiðslur um málið.

Það var alla tíð ljóst að Sjálfstæðisflokkurinn vildi ekki stórfelldar breytingar á stjórnarskránni, heldur varfærnar og smávægilegar breytingar, nokkrum árum fyrir hrun var meira að segja sett á nefnd sem rannsakaði ítarlega stjórnarskránna og möguleika á breytingum á henni.  Þeir eru einfaldlega á móti svona stórfelldri breytingu og þeir munu berjast gegn henni á öllum stigum málsins.  Þessi þjóðaratkvæðagreiðsla sem verður haldin um stjórnarskránna verður ekki bindandi með neinum hætti og það er engin þörf á henni samkvæmt lögum; til þess að hún taki gildi þarf meirihluti þings að samþykkja hana og svo þarf að rjúfa þing og síðan þarf nýr meirihluti á nýu þingi að samþykkja hana aftur áður en hún tekur endanlega gildi.  Ég spái því að Alþingi muni gera einhverjar breytingar þessari tillögu.

Sýnist þessi afstaða bara endurspegla Sjálfstæðisflokkinn sem íhaldsflokk mjög vel.