Ég er mikið til í stórt spilamót og allveg til í stjórna í tvö tímabil.

Ef það lendir ekki á helgi sem er kreisí hjá mér í skólanum er ég geim.

ég væri alveg maður í almennilegt spunaspilamót og ég er með góða hugmynd um hvað ég myndi stjórna… DnD 4th edition og Shadowrun 4th edition…

en ef þetta lendir á prófa tímabili í skólanum hjá mér þá yrði ég að beila… (prófin hjá mér byrja 1. desember)

Mér líst stórvel á þetta og býð mig fram til að stjórna borði eða tveimur.

Rarrrgh ég er búinn að vera að bíða svo eftir að geta mætt á RP mót og fá að læra af fólki sem kann þetta. Mætti á síðasta mót sem ég heyrði af en þá var mér sagt að það hefði verið cancelled =(

Er líka búinn að reyna að vera fá vinina eitthvað til að spila en það gengur ekkert sérstaklega vel, bara einn sem hefur einhvern áhuga. Tek hann með mér allavega.

Anyway, takk fyrir að halda mót!!

Mér líst stórvel á það.

Frábært!

Við Skari munum reyna negla niður dagsetningu núna í vikunni, síðan mun ég hóa eftir stjórnendum.

ATH! ATH! ATH!

Helgina 14.-15. nóvember mun fara fram stórt spilamót á vegum Nexus í Tónabæ. Ætlunin er að bjóða þar upp á eins mörg og ólík kerfi og unnt er.

Nú er óskað eftir stjórnendum. Til að mótið sé sem glæsilegast, þá er mikilvægt að fá marga stjórnendur. Þegar mest lét á sínum tíma, voru um 12-15 borð í boði á hverju tímabili fyrir sig.

Hafir þú áhuga á að stjórna, þá geturðu sett þig í samband við undirritaðan. Ágætt væri að senda eftirfarandi upplýsingar:

Nafn stjórnanda
Aldur
Kerfi
Stutt lýsing á ævintýri
Fjöldi spilara

(Ekki er leyfilegt að reykja á lóð Tónabæjar)

Í fyrsta sinn munu stjórnendur hreinlega fá greitt fyrir að stjórna á móti!!!

Að venju fá stjórnendur að spila frítt á mótinu, gefið að þeir stjórni amk. eitt tímabil. Auk þess fá þeir afhentan, að lokinni stjórnun, afsláttarmiða sem tryggir þeim 20% afslátt af einhverri RPG bók í Nexus!

Stjórnendur, endilega setjið ykkur í samband við mig hið fyrsta og tryggið ykkur gott sæti á mótinu.

Skráning stjórnenda stendur yfir!

Nú þegar komnir 6 stjórnendur og við getum ennþá bætt heilmörgum við :)

Skráning stjórnenda gengur vonum framar. Stefnir í fjölbreytt og skemmtilegt mót. Getum þó enn bætt við okkur stjórnendum. :)

Skráning spilara mun hefjast öðru hvoru megin við mánaðarmótin.

Það mun kosta 750 kr. á tímabil, en það verða 3 tímabil í boði. Á allt mótið kostar 1750 kr., þannig fæst 500 kr. afsláttur ef maður skráir sig á allt mótið. :)

Eftirfarandi kerfi verða í boði:

D&D 4th
D&D 3.5
Shadowrun
World of darkness
Call of Cthulhu
Burning wheel
Waste World
Pathfinder
Houses of the blooded
Dark heresy
Sturlunga

Er að bíða eftir svari frá nokkrum stjórnendum varðandi:

Star Wars D6 (WEG kerfið)
Warhammer Fantasy Roleplaying Game
Vampire eða Fallout

Næsta miðvikudag verður lokað fyrir skráningu stjórnenda. Skráning hefur gengið vonum framar og verður boðið upp á 7-8 borð á hverju tímabili. Þá stefnir í að 3 kvenstjórnendur verði á mótinu, sem er mjög jákvætt. Margir hafa lýst yfir áhuga á að mæta, þannig við viljum og getum bætt við okkur einu borði eða svo á hverju tímabili.

Ljóst er að margir af allra bestu stjórnendum landsins munu stjórna á mótinu og því er hægt að lofa góðri skemmtun.

Í boði verða því 35-40 sæti á hverju tímabili. Fjölmörg kerfi verða í boði og mun skráning spilara hefjast eftir helgi. Skráningin verður með örlítið uppfærðu sniði í þetta skipti og mun, að mestu leyti, fara fram á netinu. Þó ber enn að greiða fyrir mótið í Nexus.

Það kostar 750 kr. að taka þátt á hverju tímabili, en 1750 kr. ef spilað er öll tímabilin. Öllum er velkomið að taka þátt og munum við reyna að tryggja, að sem flestir fái að taka þátt.

Eftirfarandi kerfi verða í boði:

Dungeon's&Dragons 4th edition
Dungeon's&Dragons 3.5
World of Darkness
Vampire the Requiem
Call of Cthulhu
Pathfinder
Waste World
Palladium
Burning Wheel
Song of Ice and Fire
Sturlunga
Houses of the Blooded
Star Wars D6 (með uppfærslum stjórnanda)
Dark heresy

Mbk,
Þorsteinn Ma

Skráning spilara er hafin.

Sjá allt um mótið hér.