Ég hef verið mjög duglegur við að ritskoða myndirnar og minnka þannig biðina allt frá því að ég byrjaði sem admin hérna. Nánast má segja að hér hafi næstum allt verið birt áður fyrr, en miðað við allar myndirnar sem berast áhugamálinu þá er ekki hægt að stjórna með öðrum hætti en þeim að sigta út áhugaverðustu myndirnar og eyða þeim lítt áhugaverðari.

Ég hef fengið ófá skilaboð þar sem ég er krafin mikils rökflutnings fyrir því að eyða einhverju screenshotti sem til dæmis sýnir Christiano Ronaldo skora 20 mörk á tímabili. Það vita allir að svona menn eins og hann eru í heimsklassa og það er ekkert merkilegt við svona skjáskot sem hafa ekkert nýtt eða áhugavert fram að færa.