01/02 Er ég sá eini sem tek þennan leik fram yfir nýjustu FM leikina?

Þetta var fyrsti Manager leikurinn sem ég spilaði af einvherju viti og ég féll fyrir honum eins og prins sem kyssir frosk sem breytist í spólgraða Jessicu Alba. Allt var svo einfalt: Æfingar, taktík, liðsuppstilling og allt annað var einfalt en samt krefjandi. Síðan ég byrjaði að spila þennan leik hef ég gert Southport að margföldum Evrópumeisturum, Alavés að stórveldi á Spáni og Burghausen að besta liði Þýskalands. Hvenær sem ég byrja nýjan leik finn ég mér alltaf nýja áskorun.

En af hverju fer ég aftur og aftur í leik sem er rúmlega áratugs gamall í staðinn fyrir nýju FM leikina? Eini FM leikurinn sem ég spila reglulega er 07 sem er frá mínu sjónarhorni hinn fullkomni Manager leikur: Spilunin úr gömlu CM leikjunum í bland við nýstárlega fítusa eins og ræður í hálfleik, samskipti við fjölmiðla og fleira. FM leikirnir eftir það höfða einfaldlega ekki til mín því þeir eru orðnir allt of tímafreknir. Ég gæti spilað í gegnum heilt tímabil í 01/02 á sama tíma og það tæki mig að spila gegnum undirbúningstímabilið+fyrstu tvo mánuðina á tímabilinu í FM 12!

En er það svo slæmt að það taki meiri tíma að spila t.d. FM 12 en 01/02? Fyrir mér er svarið tvímælalaust já. Hugsum nú aðeins um hvað er það mikilvægasta við tölvuleik. Svarið er einfalt: að hann sé spilanlegur. Og ekki bara frá því að notandinn lærir á hann, heldur frá fyrstu stundu. Ég hef ekkert á móti því að leikir eins og þessir reyni að vera eins raunverulegir og hægt er, en í nýjustu FM leikjunum fer þetta einfaldlega í taugarnar á mér hversu tímafrekt allt er orðið í samræmi við 01/02.

Ég finnn ekki til neins kala gegn hverjum þeim sem finnst nýju FM leikirnir þeir bestu sem finnast í þessum geira. En ég persónulega finn enga löngun til þess að spila FM eftir 07: 01/02 kallar alltaf aftur á mig.

Til hvers þanns sem hefur ekki spilað þetta meistaraverk; hægt er að nálgast leikinn frítt og löglega hér, og allskonar viðbætur fyrir hann hér.