Sæll og bless, höfundur myndarinnar hérna. Ég finn mig knúinn til að svara þremur athugasemdum þínum.

Í fyrsta lagi þá er maðurinn á svölunum með afar stórar hendur og hylja þær talsverðan hluta hálsins. Því er það ekki gefið að pílan hafi lent í hliðinni á honum eins og margir virðast halda. Ef þú kaupir ekki þá skýringu þá getum við gert ráð fyrir að vindur hafi feygt henni aðeins til hliðar, eða þá að um einhverskonar sveigju-pílu hafi verið að ræða.

Í öðru lagi var munurinn á skotunum á fórnarlambinu (brosandi og allt í einu ekki brosandi) með vilja gerður til að gera atriðið fáránlegra. Dæmið með myndina hefði ekki verið jafn fyndið ef maður hefði haft hann brosandi allan tíman. Vel staðsett vísvitandi brot á hefðbundinni framvinduklippingu getur gert afar góða hluti.

Í þriðja lagi þá var staða skugga þjónsins afar eðlileg, því þetta var jú ninja-þjónn, og þeir standa yfirleitt grafkyrrir fyrir framan bjartan lampa áður en þeir þjóna til borðs.

Ég hef svosem ekkert svar við langa skotinu með lykilinn, utan þess að þetta var nú afar áhugaverður og fallegur hlutur, og því aldrei of lengi á hann horft.

Að öðru leyti, takk fyrir athugasemdirnar og að horfa. Vonandi laggar myndbandið ekki um of (goddamn youtube og vimeo…).