Er ekki frá því að þessi spurning komi upp með reglulegu millibili. Og það er eiginlega bara eitt gott svar, og það er eitthvað sem að flestir ættu að geta fundið út með smá rökfræði.

Lærðu lagið rosalega vel á gítarinn. Reyndu að geta spilað það án þess að horfa mikið á hann og vertu með taktinn og ásláttinn á hreinu. Getur stappað niður fætinum í takt við lagið til að fé extra áherslu og æfingu í að gera tvo hluti í einu.

Lærðu svo bara textann utanbókar. Ef þú kannt lagið allveg virkilega vel á gítarinn þá ætti ekki að vera mikið mál að raula það með. Byrjaðu bara hægt og ekki byrja fyrst á því að læra textann og gítarleikinn á sama tíma, taktu annað fyrst og svo þegar þú ert kominn með tök á því getur þú farið í hitt. Skiptir líklega ekki miklu máli á hverju þú byrjar, en ég ég held að það sé sniðugt að taka gítarinn fyrst til að ná góðum tökum á taktinum í laginu.

Talaðu bara meðan þú ert að spila, kemur með tímanum.

Ef þú horfir á tónleikaupptökur á td youtube þá áttarðu þig örugglega tiltölulega fljótlega á því að söngvarar sem spila á gítar á sama tíma eru í amk 90% tilfella ekki að spila neitt sérstaklega flókna hluti á meðan þeir syngja, margir þeirra hætta meira að segja að spila rétt á meðan þeir syngja..

Ég er búinn að spila á gítar í 30 ár og semja/taka upp alveg lifandis helling af lögum og ég get sungið sum af þeim á sama tíma og ég syng þau en ef lögin innihalda flóknar hljómaskiptingar eða gítarfrasa sem eru með þögnum / óreglulegri uppbyggingu td eitthvað í líkingu við það sem gerist í þyngra rokki þá finnst mér alveg sénslaust að spila þau og syngja á sama tíma.

Annars er þetta líka bara æfingaratriði, finndu bara nógu andskoti einföld lög til að æfa þig á til að byrja með tildæmis svona þriggja gripa útileguslagara og þessháttar, maður þarf fyrst að læra að ganga til að geta hlaupið.

Gerðist bara hægt og rólega hjá mér. Þegar ég byrjaði fannst mér það algjörlega ómögulegt en núna er ég fínn í því, eftir 5 ár.