Gleymt lykilorð
Nýskráning
Fræði

Ofurhugar

DutyCalls DutyCalls 1.176 stig
STAVKA STAVKA 1.098 stig
gthth gthth 1.038 stig
ritter ritter 576 stig
Fimbulfamb Fimbulfamb 434 stig
VeryMuch VeryMuch 402 stig
br75 br75 316 stig

Stjórnendur

Tvístirni (0 álit)

Tvístirni
Tvístirnis, "Binary star" Sólkerfi inniheldur tvær stjörnur sem snúast hvor um aðra.

Þau eru frekar falleg og ekki eins fágæt eins og margur gæti haldið.

Málverk af bardaganum við Adwa (1 álit)

Málverk af bardaganum við Adwa

Málverk þetta var gert af Eþíópíumönnum til að halda upp á sigur þeirra á Ítalska hernum í bardaganum við Adwa 1896. 

 

Ítalski herinn beið mikið afhroð, aðalega vegna vanhæfni yfirmanna og varð manfallið stærsta manfall Evrópuþjóðar í einum bardaga á 19 öldinni, og auðvitað féll Ítalska ríkisstjórnin tvem vikum síðar og Ítalir urðu að aðhlátursefni um alla Evrópu. 

Mörgum Ítölum þótti þetta hins vegar andskoti sárt, og ber að nefna Mussolini nokkurn sem fór fjörtíu árum síðar aftur til Eþíópíu, og sigraði í það skipti, en þó skammvinnt því manninum tókst svo að fara í stríð við Bretland sem hann var engan veginn tilbúinn í. 

Ku Klux Klan (3 álit)

Ku Klux Klan
Fremur áhugaverð samtök byrjuðu á saklausan hátt og auðkenndust af hvítum rúmfötum, keilulaga hatti og krossi með blóðdropa. Þeir gengu um og misþyrmdu, pyntuðu og/eða drápu aðallega blökkumenn þó þeir hafi líka ráðist gegn gyðingum og samkynhneigðum.

Svo er það þeirra skemmtilega nafn sem stundum þarf skemmtilega margar tilraunir til að segja rétt. Nafnið kemur af gríska orðinu kuklos og merkir hringur. Þeir breyttu því í kuklux sem síðan varð Ku Klux Klan.

Stórmenni þýska ríkisins (0 álit)

Stórmenni þýska ríkisins
Þessari skemmtilegu mynd stal ég af lemurinn.is. 


P.S. : Fari svo einhverjir aðrir að senda inn myndir og annað efni, annars hætti ég að nenna þessu :(

Bismarck (og fleira) (2 álit)

Bismarck (og fleira)
Afsakið, önnur orrustuskipamynd frá mér, að þessu sinni glæsilegt tölvumódel af Bismarck. Og fleiri myndir bæði af því og nokkrum öðrum "döllum" á síðunni.
 

Poisson dreifing (1 álit)

Poisson dreifing
Siméon Denis Poisson var einstaklega afkastamikill vísindamaður. Lagrange og Laplace voru leiðbeinendur hans og vinir, og hann tók við prófessorsstöðu Fourier þegar hún losnaði árið 1806. Tuttugu og einu ári síðar gaf hann út bók um líkindareikning er varðaði dómsmál. Þar kom fram dreifing sem nefnd er eftir honum: Poisson dreifingin. Hún lýsir líkunum á að fjöldi atburða á gefnu tímabili sé N, þegar tíminn að næsta atburði er óháður atburðunum á undan. Þekki maður meðaltíðnina, þá getur maður reiknað út þær líkur með

P(N=k)= \frac{\lambda^k e^{-\lambda}}{k!}

þar sem meðaltíðnin er\lambda.

Undir lok nítjándu aldar lýsti rússneski hag- og tölfræðingurinn Ladislaus Bortkiewicz fjölda dauðsfalla í prússneska hernum af völdum hestasparks með dreifingunni. Upp frá því var dreifingin innleidd í verkfræði öryggisprófana. Bortkiewicz varð frægastur fyrir einmitt þessar rannsóknir, og einhverjir hafa lagt til að dreifingin verði nefnd eftir honum: Bortkiewicz dreifingin. Framburðurinn er eftirlátinn lesendum sem æfing.

Annað sem fylgir Poisson dreifingunni er barneignaraldur íslenskra kvenna. Bláu reitirnir á myndinni eru tíðni hvers aldurs fyrir sig, en rauðu tíglarnir eru Poisson dreifingin. Meðalaldurinn er \lambda = 29 og til að fá fjölda mæðranna af tilteknum aldri fyrir eitt ár, má margfalda gildið á myndinni með heildarbarnafjölda ársins. Gögn hagstofu sem liggja myndinni til grundvallar ná aðeins upp að fimmtugsaldri, og afgangnum er hópað saman. Gögnin hér ná frá 1971-2010, en þar sem aðeins ein kona yfir fimmtugu eignaðist barn á þeim tíma (árið 2007 - í góðærinu, að sjálfsögðu) er það ásættanleg nálgun.

USS Iowa (1 álit)

USS Iowa
Hér má sjá bandaríska orrustuskipið USS Iowa, fýrandi úr öllum sínum kannónum á æfingu árið 1984.
 
Iowa var reyndar orðið ansi gamalt og lúið þá. Það var smíðað í upphafi Seinni heimsstyrjaldar, þegar allir helstu sjóhernaðar-spekingar heims héldu ennþá að orrustuskip væru aðal málið.
 
Það kom hinsvegar fljótlega í ljós, sérstaklega á Kyrrahafinu í bardögum milli Japana og Bandaríkjamanna, að þessir drekar máttu sín lítils á móti radar-útbúnum flugmóðurskipum. Orrustuskip sukku hvert af öðru eftir árásir flugvéla. (Á Miðjarðarhafi sökktu Þjóðverjar meira að segja einu með flugskeyti, eins og bara rétt til að boða nýja tíma).
 
Engu að síður ákvað Kaninn að halda enn um sinn í þessi síðustu fjögur orrustuskip sín. Þau voru eftir alltsaman hin fullkomnustu og dýrustu í heimi, og ef hægt var að halda flugvélum fjarri, komu þau enn í ágætar þarfir við önnur verk eins og t.d. Kóreu, Víetnam, Persaflóann. Höfðu (eins og myndin sýnir) ofsalegt firepower. 
 
Að sjálfsöðgu voru skipin alltaf "uppfærð" með nýjustu græjum. En við lok Kalda stríðsins, var loks orðið of "blóðugt" að halda þessum gömlu drekum í þjónustu lengur og uppfæra þá meir. 
 

Tvöfaldur Einsteinhringur (3 álit)

Tvöfaldur Einsteinhringur

Hér ber að líta tilkomumikla þyngdarlinsu í SDSSJ0946+1006 kerfinu. Þrjár vetrarbrautir liggja í beinni sjónlínu frá jörðu í 3, 6 og 11 milljón ljósára fjarlægð, sú nálægasta sveigir ljós frá hinum tvemur og myndar tvöfaldan ljóshring (Einsteinhring). 

Mynd fengin frá: http://hubblesite.org/newscenter/archive/releases/2008/04/fastfacts/

Sannari orð hafa varla verið sögð.. (0 álit)

Sannari orð hafa varla verið sögð.. Gandhi

Megali hugmyndin (3 álit)

Megali hugmyndin Þegar Grikkir öðluðust sjálfstæði frá Ottonmanveldinu í gríska frelsisstríðinu á fjórða áratug 19. aldar náði hið nýja gríska ríkið ekki nema yfir Pelopsskagann og rétt yfir svæði norðan hans og bjó meirihluti Grikkja enn innan Ottomanríkisins. Megali hugmyndin var draumur gríska ríkisins um að ná yfir öll svæði byggð Grikkjum, þ.m.t. Konstantínópel og vesturströnd Litlu Asíu. Þessi stefna átti eftir að einkenna utanríkispólitík Grikkja alla 19. öldina, þar sem margir sigrar voru unnir, en hún leið undir lok þegar Grikkir töpuðu óvænt Grísk-Tyrkneska stríðinu árið 1922. Í kjölfarið var skrifað undir samning á milli Gríska ríkisins og hins nýja Tyrklands Atatürks um gagnkvæma nauðungarflutninga Grikkja og Tyrkja milli ríkjanna. Fjölmargir Grikkir höfðu þá verið hraktir/flúið frá Anatólíu í kjölfar stríðsátaka á svæðinu í byrjun aldarinnar en að endingu var um 1,5 milljón Grikkir fluttir til Grikklands.

Megali hugmyndin um Stór-Grikkland og samstaða þeirra í sjálfstæðisbaráttunni byggðu á grískri þjóðernishyggju sem sótti í hinn býsanska arf, ekki þann forn gríska, eins og svo margir Vestur-Evrópumenn töldu. Sjálfstæði Grikklands skyldi verða, amk hugmyndafræðileg, endurreisn Býsanska ríkisins, þar sem Konstantínópel, loks grísk og kristin aftur, yrði höfuðborg ríkisins.
Hugi notar vefkökur til að bæta notendaupplifun á vefsíðunni og greina umferð um hana. Einnig hefur Hugi uppfært persónuverndarstefnu sína. Skoðaðu stefnuna hér..
Ok