Jú ég er íhaldsmaður en það þýðir ekki að ég vilji engar breytingar á lögum, það er samfélagið sem ég vill halda eins og er. Jú ég er hægri maður þegar kemur að efnahagskerfi, hins vegar tel ég engan að best sé að einkavæða allt eins og þér hafið oft talað fyrir. En við erum ekki hér til að ræða slík mál.

Ég viðurkenni fúslega að þingmenn eru ekki fullkomnir, en þegar það kemur að leiðindamálum eins og niðurskurði þá tel ég auðvitað gott að gefa þeim svigrúm, til að ákveða. Varðandi núverandi ríkisstjórn tel ég hana hafa farið gróflega illa að hvað niðurskurð varðaði, enda hefði ég frekar kosið að halda í heilsugæslukerfið frekar en listastyrki og opinber söfn, söfn má selja og listamenn geta vel staðið á eigin fótum vilji fólk þjónustu þeirra.

Auðvitað sé ég ekkert að því að kjósa fólk sem þér eruð á móti frekar en þér mynduð vilja kjósa fólk sem ég er á móti, hins vegar eru margir sem hafa sömu skoðanir og við og þess vegnan ætti jafnvægi að myndast. Aldrei sagðist ég vilja svipta þá sem ekki hugsa sig um kosninarétti, en þessar veigamiklu aðgerðir sem þér töluðuð um sem gætu þurft umhugsunarfrest eru jú auðvitað þær sem varða niðurskurð.

Sjáum nú bara í Bretlandi, hvernig væri ef stjórnin hefði fallið um leið og þeir ákváðu að skerða niðurgreiðslur til háskólamenntunar? Rétt er að margir þingmenn fylgja stefnu flokksins frekar en sinni eigin, og dæmi geta komið upp þar sem allt fer í bál og brand, t.d. þegar Þráinn Bertelsson tók ekki undir með restinni af borgarahreyfingunni.

Einnig hvað varðar þetta einræði yðar þegar það kemur að þingræði er eins og þér hafið dvalið á annari plánetu upp á síðkastið.

Þegar ríkisstjórn Sjálfstæðisflokks og Samfylkingar féll var það útaf linnulausu andófi stórs hluta kjósenda gagnvart þeirri ríkisstjórn. Samfylking sá frammá að gera það sem fólkið vildi, og felldi ríkisstjórnina, og tók upp minnihlutastjórn með VG sem Framsókn gaf blessun sína yfir svo meirihluti væri fyrir.

Hvers vegna gerðu flokkarnir þetta? Einfaldlega útaf almenningsálitinu, þótt þér megi sitja í núverandi ríkisstjórn í tvö ár til viðbótar í óþökk allrar þjóðar myndi það eingöngu merkja að þegar næstu kosningar kæmu væri flokkur yðar rúinn öllu trausti almennings og biði afhroðs í þeim kosningum. Hefði slíkt gerst hefðu Framsókn og VG sennilega raðað til sín atkvæðum, borgarahreyfingin einnig og þá hefði Besti flokkurinn kanski einnig verið búinn að skjóta upp kollinum til að jarða þá gömlu.

Hvernig stendur á því að í þessu ímyndaða fastistaríki yðar þar sem óprúttnir aðilar stjórna lögum og lofum skuli allt í einu hafa gert það sem fólkið vildi? Þingheimur var jafnvel tilbúinn að setja lög til að reka seðlabankastjórann í þeim eina tilgangi að þóknast kjósendum.

Nú skulum við tala örlítið um Icesave í sama samhengi, þegar forsetinn sem vill auðvitað vera í náð almennings hafnaði lögunum fóru þau fyrir þjóðaratkvæðagreiðslu(sem var óþarfi, því ríkisstjórnin hefði getað sparað milljónir með því að fella frumvarpið einfaldlega) sem var gert útaf vilja almennings.

Segjum nú sem svo að kerfi þitt yrði innleitt að Icesave samningunum, eða bara eitthverjum öðrum samningum, hvort sem þeir eru jafn leiðinlegir og ósanngjarnir og Icesave, segjum að við séum að gera gjaldeyrisskiptasamning við Norðmenn.

Vegna hins beintengda lýðræðis væru sennilega flestir Íslendingar vel að sér þegar kæmi að samningnun, enda hefðu þeir kosið menn til að fara með umboð og mætti reka fyrirvaralaust ef almenningsálit sveiflaðist. Í hvert skipti sem eitthver kæmi með ákvæði sem væri ekki sem stuðningsmannahópur ákveðins manns væri ekki sammála, yrði hann auðvitað rekinn. Auðvitað yrði ómögulegt fyrir Norðmenn að byrja að semja við Jón og Jónínu, svo Jón og Gunnu, þar næst Gunvör og Gunnu, síðan Garðar og Gísla, Gísla og Heiðrúni, Heiðrún og Eiríkur og að lokum Gísla, Eirík og Helga.

Auðvitað myndi enginn nenna að standa í neinni samvinnu við Íslendinga ef slík væri raunin.

En eins og þér segið hafið þér gefist upp á að kjósa, mér þykir harla undarlegt að þér viljið knýja fram breytingar ef þér viljið ekki nýta atkvæðisrétt yðar. Einnig ættuð þér að geta stofnað framboð, eflaust yrði það varla galin hugmynd. Hér á landi er því miður enginn almennilegur hægriflokkur nema Sjálfstæðisflokkurinn og þykir mörgum sá flokkur vera of mikill miðjuflokkur hvort sem eð, efnahagsskoðanir yðar eru ekki alls svo óvinsælar sem miðstýringarsinnar vilja meina.

Varla skyldi raunin vera að þér treystið ekki hinum almenna kjósanda enda talið þér fyrir rétti hans í hvívetna. Ef þér viljið knýja fram breytingar á kerfinu án þess að notfæra þér núverandi kerfi til þess, og núverandi kerfi býður auðvitað uppá slíkt, þá botna ég lítið í uppgjafaranda yðar. Þér fenguð sennilega ekki mitt atkvæði en eflaust margra annara.