Strætó Vitiði hvað mér finnst alveg æði? strætó. Hjartaknúsararnir niðri á stöð virðast vita alveg upp á hár hvað þeir eru að gera! Þetta byrjaði bara sem venjuleg joe smoe strætóstofnun, þar sem engin var neitt sérstaklega ánægður með hana eða neitt sérlega reiður út í hana, en þeir lofuðu okkur byltingu!

Þannig þeir stokkuðu aðeins upp númerunum ,fengu sér nýja strætóa og redduðu sér einnig pólverja til að aka fyrir sig sem töluðu alveg örugglega ekki íslensku þannig maður gæti alveg örugglega ekki spurt þá leiðbeininga. þeir nefnilega vilja sko að við kynnum okkur þetta alveg í gegn enda mikilvægt að læra að kynna sér hlutina og þetta sá strætó fyrir. En þetta er ekki allt því bílstjórarnir virtust vanda sig að vera í vondu skapi til að maður lærði að umgangast biturt fólk.
Þeir sáu líka margir um að vekja mann á morgnanna með ruddalegum akstri en það var að sjálfsögðu allt í okkar þágu,
Þeir pössuðu líka það að maður lærði mæta á réttum tíma og helst svona 5 min fyrr á köldum vetramorgni meira að segja þótt maður náði þeim á rauðu ljósi þá gugnuðust þeir ekki, þeir eru nefnilega að hugsa um það fyrir þig, mættu á réttum tíma stráksi!! Þeir kenndu okkur líka umburðalindi gagnvart þeim sem mættu of seint með því að þeir sjálfir mættu 5+ min of seint og maður þá sjálfur búinn að bíða í 27+ min því strætóinn á undan mætti of snemma (sem sagt þegar það var á 20 min fresti). En ég varð aldrei reiður því ég vissi að þeir gerðu þetta fyrir okkur.

Svo hækkuðu þeir verðið því maður verður auðvitað að vinna fyrir því að þessari þjónustu. Svo lækkuðu þeir reyndar fyrir námsmenn en 5 ára og yngri þurfa auðvitað að borga sinn skerm 260 kall þakka þér fyrir (“ferru nirrí mjódd?” “já, það gerir 260 kall” en því miður gerir hann sér ekki grein fyrir að 500 kallinn sem hann var búinn að safna sér dugir ekki til að kaupa nammi og fara aftur til bara í strætó…).

Strætó setur nefnilega þig í fyrsta sætið og þegar sumarið rann í hlað þá sáu þeir til þess að breyta leiðunum helst á viku fresti til þess að maður fylgdist alveg örugglega með málunum í kring um sig og ef þú gerðir það ekki þá fékstu að sjá ágætis afkima höfuðborgarsvæðisins sem þú hefðir ella ekki séð. Þeir nefnilega fara ekki bara með þig frá A til B þeir fara með þig frá A til P og svo aftur á A og síðan til B.

En það sem mér líst best á er hvernig þetta virðist ætla að þróast í vetur. Ótrúlega sniðugt að sýna bara hvenær strætóinn kemur á bara þá strætóstöð sem þú ert á akkurat núna en sýna ekkert hvernig önnur plön eru fyrir neitt annað þannig maður geti alveg örugglega ekki gert neinar ráðstafanir nema redda sér þrem risa bæklingum. Frábært! Ótrúlega þægilegt líka að að hafa áætlanirnar fyrir utan skýlið til að Hressa mann rækilega til ef maður er að flýta sér og það er rigning úti
Við börðumst ekki alla leið á topp fæðukeðjunnar, til að verða grænmetisætur.